Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓫꓸ ꓙꓵꓸꓹ ꓓꓴ ꓔꓳꓹ ꓜꓳꓽ ꓔꓬ ꓢꓴ ꓐꓱ ꓶꓽ
ꓫꓸꓙꓵꓸꓹ ꓓꓴ ꓔꓳꓹ ꓜꓳꓽ ꓔꓬ ꓢꓴ ꓔꓯ ꓬꓰ ꓙ ꓔꓳꓹ ꓙ ꓢꓲ ꓬꓲꓸ ꓪꓽ ꓝꓮꓲ ꓪꓴꓽ ꓟꓴ ꓐ ꓡ ꓠꓹ ꓟ ꓙꓽ ꓖꓶꓽ ꓙ ꓡꓯ ꓐꓰꓼ ꓔꓲꓸꓸ ꓒꓽ ꓪ ꓔꓲꓸ Francis ꓡꓰ ꓓꓰꓽ ꓙˍ ꓟ-ꓸ
ꓔꓲꓸꓸ ꓒ ꓪ ꓔꓲꓸ ꓠꓬ ꓕꓱꓽ ꓕꓲꓽ ꓫꓵꓽ ꓠꓽ (12) ꓧꓪꓼ ꓟ ꓘꓴ ꓜꓲꓼ ꓞꓳ ꓟꓶꓽ ꓘꓳꓼ ꓠꓽ ꓦꓬꓼ ꓠꓬꓲ ꓫꓸ ꓙꓵꓽ ꓓꓴ ꓔꓳꓼ ꓜꓳꓽ ꓢꓲ ꓠꓱꓸ ꓐꓯꓼ ꓟꓵꓽ ꓗꓪ ꓚꓵꓸ ꓙꓰ ꓬꓯ ꓐꓯꓽ ꓓꓳ ꓔꓬˍ ꓟ ꓡꓽ ꓞꓳ ꓐꓴ ꓔꓯ ꓬꓰ ꓙ ꓐ ꓡ ꓓꓴ ꓐꓱ ꓶ ꓪꓽ ꓘꓴ ꓙ ꓡꓯ ꓐꓯˍ ꓡꓳ=
ꓫꓸ ꓙꓵ., ꓓꓴ ꓔꓳ, ꓜꓳꓽ ꓔꓬ ꓢꓴ ꓘꓴꓽ ꓠꓯꓼ ꓗꓪ ꓚꓳꓦꓲꓓ-19 ꓠꓸꓸ ꓫꓵꓽ ꓔꓯꓸ ꓗꓽ ꓕꓸꓸ ꓙ ꓠꓼˍ ꓟ ꓖꓳ ꓡꓰ ꓥ ꓠꓬ ꓬꓲꓸ ꓪꓽ ꓥˍ ꓟꓲ ꓡꓽ ꓞꓳ ꓟꓲ ꓓꓳꓽ ꓐꓰꓼ ꓢꓲ ꓡꓰˍ ꓟ ꓤꓶ ꓔꓯ ꓘꓴ ꓣꓴ ꓐ ꓡ ꓥꓳ= ꓬꓲꓸ ꓪꓽ ꓐꓱ ꓶꓽ ꓶꓽ ꓓꓰꓽ ꓙꓹˍ ꓟ ꓠꓬ ꓬꓲꓸ ꓪꓽˍ ꓟꓲ ꓡꓽ ꓞꓳ ꓥˍ ꓟ ꓪꓴꓸ ꓠꓬꓲ ꓥ ꓡꓳ-ꓸ ꓖꓳ ꓡꓰ ꓟꓽ ꓞꓲ ꓚꓲꓸ ꓛꓬꓽ ꓔꓬ ꓟꓵꓽ ꓗꓪ ꓐꓰ ꓛꓵꓹˍ ꓙꓰ ꓟ ꓠꓬ ꓬꓲꓸ ꓪꓽ ꓗꓳꓸ ꓡꓳꓽ ꓗꓪ ꓫꓸ ꓙꓵꓸꓸ ꓟꓶꓽ ꓙꓵ ꓓꓴ ꓔꓳꓼ ꓜꓳꓽ ꓡꓹˍ ꓟ ꓪꓴꓸ ꓠꓬꓲ ꓥꓳ-ꓸ ꓟꓵꓽ ꓗꓳ ꓓꓵ ꓓꓵ ꓗꓪ ꓖꓳ ꓡꓰ ꓫꓸ ꓙꓵꓸꓸ ꓔꓬ ꓢꓴ (8ꓹ000ꓹ000) ꓛꓲ ꓙꓳˍ ꓡꓳ ꓐꓰ ꓢꓳꓼ ꓢꓴ ꓐꓴ ꓡꓰ ꓟꓳꓸ ꓖꓶꓽ ꓔꓸ ꓡꓳ=
ꓠꓸꓸ ꓫꓵꓽ ꓕꓱ ꓟ ꓔꓯ ꓡꓳꓸ ꓠꓬꓲ ꓓꓵꓸꓸ ꓙ ꓠꓬꓲ ꓠꓸꓹˍ ꓟ ꓕꓲꓽ ꓫꓵꓽ ꓠꓬ ꓟꓲ-ꓠꓯ ꓞꓳ ꓤꓽ ꓐꓰ ꓠꓱꓸ ꓐꓯꓼ ꓚꓰꓼ ꓔꓸ ꓟ ꓗꓳ ꓡꓳ ꓗꓪ ꓪꓽ ꓪꓴꓽ ꓘꓳˍ ꓟ ꓥꓳ=
ꓠꓬꓲꓸ ꓠꓬꓲ ꓚꓲꓸ ꓛꓬꓽ ꓦꓲ ꓗꓪ ꓔꓬ ꓝꓲˍ ꓟ (Lock Down) ꓦꓬꓼ ꓠꓬꓲ ꓠꓬ ꓙꓼ ꓟꓳ- ꓓꓳ ꓮꓽ ꓟꓬꓸ ꓟꓽ ꓣꓱꓽˍꓟ ꓪꓴꓸ ꓠꓬꓲ ꓟꓲ-ꓠꓯ ꓧꓪꓽ ꓖꓳ ꓓꓱꓽ ꓐꓰ ꓟꓶꓽ ꓘꓳꓼ ꓔꓯˍ ꓟꓲ ꓔꓳꓼ ꓙ ꓐꓸꓸ ꓡꓰꓳ-ꓸ
ꓠꓬꓲꓸ ꓠꓬꓲ ꓗꓴꓷꓼ ꓕꓲꓽ ꓐꓱ ꓠꓬ (ꓡꓳꓚꓗꓓꓳꓪꓠ) ꓕꓱ ꓟ ꓔꓯ ꓠꓸꓸ ꓗꓷ ꓡꓹˍ ꓪ-ꓸ ꓖꓳ ꓟ ꓠꓬ ꓡꓽ ꓞꓳ ꓐꓱ ꓶꓽ ꓮꓽ ꓘꓶꓸ ꓙꓵˍ ꓟ ꓚꓱꓼ ꓥ_ ꓟꓲ ꓝꓸ ꓢꓲ ꓒꓬꓱꓼ ꓡ ꓔꓬˍ ꓟ ꓠꓬ ꓬꓰ ꓙ ꓔꓳꓼ ꓙˍ ꓟ ꓔꓯ ꓞꓰꓽ ꓩꓴ ꓡꓼˍ ꓟ ꓪꓴꓸ ꓠꓬꓲ ꓫꓸ ꓙꓵ ꓓꓴ ꓔꓳꓼ ꓜꓳꓽ ꓔꓬ ꓢꓴ ꓘꓴꓽ ꓠꓯꓼ ꓗꓪ ꓪꓽ ꓜꓲꓽ ꓫꓸ ꓓꓴ ꓙꓳ ꓡ ꓐꓭ ꓥꓳ= ꓖꓳ ꓟ ꓔꓯ ꓓꓽ ꓔꓳ ꓠꓹˍ ꓟ ꓐꓱ ꓡ ꓬꓰ ꓙ ꓔꓬˍꓟ ꓗꓴꓷꓼ ꓮꓽ ꓙꓵꓽ ꓐꓴ ꓔꓯꓮꓽ ꓘꓶꓸ ꓫꓸ ꓟꓳ ꓝꓸ ꓢꓲ ꓟꓲ-ꓠꓯ ꓡꓽ ꓞꓳ ꓒꓬꓳꓽ ꓔꓯ ꓡꓳꓸ ꓢꓲ ꓔꓳꓼ ꓙ ꓡꓯ ꓐꓰ ꓥꓳ ꓡꓳꓸ ꓘꓶꓽ ꓐꓯ ꓟ ꓖꓶꓽ ꓗꓷꓳ=
Add new comment