ꓬꓰ-ꓢꓴ ꓡꓰ ꓟꓲ ꓠꓯ ꓡꓽ ꓞꓳ ꓐꓱ ꓶ ꓖꓶ_ ꓟ ꓡꓯꓼ ꓫꓴꓸꓹ

ꓢꓲ ꓒ ꓬꓰ-ꓢꓴ ꓡꓯꓼ ꓐꓳ ꓔꓶꓸ ꓓꓴ ꓗꓪ ꓫꓸ ꓙꓵ ꓟꓶ ꓙꓵ ꓔꓬ ꓕꓯ-ꓸ ꓡꓯꓼ ꓐꓳ ꓔꓶꓸ ꓓꓴ ꓒ ꓕꓲ ꓗꓪ ꓦꓰꓼ ꓞꓹ ꓢꓲ ꓠꓲꓹ ꓟ ꓗꓳꓸ ꓖꓶ ꓓꓴ ꓬꓰ_ ꓟ ꓟꓹ ꓟ ꓟ-ꓡꓲ ꓐꓰ ꓬꓲ ꓛꓳ ꓒꓯꓹ ꓐꓴ ꓦꓰꓼ ꓔꓬ ꓟ ꓔꓯ ꓬꓲ ꓡꓰ ꓓꓴ ꓙ ꓟꓶ_ ꓥꓳ= ꓬꓰ-ꓢꓴ ꓠꓬ ꓪꓴ-ꓢ ꓡꓰ ꓖꓶ ꓔꓬ ꓟ ꓟꓬꓱꓽ ꓔꓯ ꓡꓯꓼ ꓐꓳ ꓔꓶꓸ ꓓꓴ ꓗꓪ ꓟꓬꓱꓽ ꓬꓰ ꓔꓬ ꓕꓯ ꓬꓰ-ꓢꓴ ꓡꓰ ꓬꓲ ꓟꓹ ꓟ ꓔꓯ “ꓤ ꓟꓶ ꓤꓽꓳ ꓠꓬꓲ ꓠꓹ-ꓸ ꓠꓴ ꓮ ꓐꓲ-ꓸ” ꓐꓯ_ ꓡꓳ= ꓝꓮꓲ ꓬꓲ ꓡꓰ ꓛꓳꓽ ꓒꓯꓹ ꓖꓳ ꓕꓲ ꓣꓳ ꓔꓯ-ꓸ ꓠꓬꓲ ꓠꓹ-ꓸ ꓠꓴ ꓟꓹ ꓟ-ꓸ ꓐꓯ ꓖꓶ_ ꓟ ꓔꓯ-ꓸ ꓬꓳ-ꓦ 19ꓽ26-27 ꓗꓪ ꓟꓳ ꓪ ꓓꓹ ꓡꓳ=

ꓬꓰ-ꓢꓴ ꓐꓯ ꓘꓶꓽ ꓠꓬ ꓟꓸ ꓟ ꓟ-ꓡꓲ ꓔꓯ-ꓸ ꓙꓬ ꓫꓸ ꓟ ꓓꓲ ꓢ ꓚꓬꓴ ꓙ ꓟ ꓟꓬꓱꓽ ꓔꓯ ꓟꓸ ꓖꓶ_ ꓟ ꓥꓳ= ꓬꓰ-ꓢꓴ ꓠꓬ ꓬꓲꓸ ꓟꓹ ꓟ ꓔꓯ-ꓸ ꓣꓳ ꓐꓱ ꓶ ꓖꓶ_ ꓟ ꓥꓳ= ꓕꓱ ꓟ ꓟꓬꓱꓽ ꓔꓯ ꓬꓰ ꓓꓳ ꓕꓯ ꓢꓲ ꓬꓰ-ꓢꓴ ꓠꓬ ꓬꓲ ꓟꓬꓱꓽ ꓮ ꓙꓵꓽ ꓬꓰ ꓓꓳ ꓡꓰꓳ ꓐꓯ_ ꓟ ꓥꓳ= ꓬꓰ-ꓢꓴ ꓠꓬ ꓣꓳ ꓔꓯ ꓟꓹ ꓟ ꓟ-ꓡꓲ ꓐꓰ ꓕꓲ ꓪ ꓙ ꓫꓱꓸꓸ ꓠꓹ ꓟ ꓟꓬꓱ ꓓꓳꓽ ꓙꓳ_ ꓡꓳ=

ꓢꓲꓽ ꓫꓬꓽ ꓕꓳ ꓶ ꓗꓪ ꓟ ꓢꓲ-ꓫꓬ ꓢꓴ ꓟꓹ ꓟ ꓟ-ꓡꓲ ꓔꓯ ꓟꓳꓸ ꓖꓶ_ ꓟ ꓥꓳ= ꓖꓳ ꓟ ꓡꓰ ꓐꓰ ꓘꓴ ꓜꓲꓼ ꓞꓳ ꓔꓯ ꓥ_ ꓟꓲ ꓣꓳ ꓮ ꓙꓵꓽ ꓐꓱ ꓶ ꓟꓹ ꓟ ꓥꓳ ꓐꓰ ꓟꓳꓸ ꓖꓶ_ ꓟ ꓥꓳ= ꓬꓰ-ꓢꓴ ꓠꓬ ꓟ-ꓡꓲ ꓖꓳ ꓓꓱ ꓗꓪ ꓢꓲꓽ ꓫꓬꓽ ꓦꓲ ꓗꓪ ꓔꓬ ꓟ ꓡꓰ ꓐꓰ (9) ꓦ ꓔꓬ ꓟ ꓥꓳ=  

ꓬꓰ-ꓢꓴ ꓠꓬ ꓟꓲ ꓠꓯ ꓦꓯꓼ ꓠꓬꓲ ꓖꓴ ꓡꓰ ꓗꓪ ꓛꓲ ꓘꓴ ꓜꓲꓼ ꓞꓳ ꓙꓵ ꓠꓲꓹ ꓥ_ ꓟ ꓢꓲꓽ ꓫꓬꓽ ꓦꓲ ꓗꓪ ꓔꓬ ꓟ ꓥꓳ= ꓟ-ꓡꓲ ꓠꓬ ꓙꓱꓽ ꓤ ꓡꓴꓸꓹ ꓕꓴ ꓗꓪ ꓮꓸ ꓑꓱ ꓡꓰ ꓕꓱꓹ ꓢꓲ ꓫꓵꓸ ꓔ ꓟ ꓬꓲ ꓖ ꓗꓪ ꓬꓲ ꓠꓵ ꓠꓲꓹ ꓡꓰ ꓮ ꓘꓶꓸ ꓗꓹ ꓛꓲ_ ꓟ ꓦꓲ ꓒꓬꓱꓼ ꓡ ꓝꓲ_ ꓡꓳ= ꓟ-ꓡꓲ ꓠꓬ ꓪꓴ-ꓢ ꓚꓳ ꓟ ꓥ ꓢꓲ ꓪꓴ-ꓢ ꓣꓱ ꓛꓲ ꓔꓯ ꓬꓲ ꓠꓬ ꓫꓱꓹ ꓖꓶ_ ꓡꓳ= ꓟ-ꓡꓲ ꓠꓬ ꓣꓳ ꓤꓶꓸꓹ ꓐꓱ ꓶ ꓛꓱꓼ ꓡꓱꓼ ꓙꓵ ꓟ ꓡꓳꓼ ꓗꓷ ꓡꓰ ꓟ ꓔꓯ-ꓸ ꓬꓲ ꓠꓬ ꓙꓬ ꓫꓸ ꓔ ꓟ ꓥꓳ= ꓣꓳ ꓟꓹ ꓟ ꓕꓲ ꓣꓳ ꓡꓰ ꓐꓰ ꓟꓹ ꓟ ꓟ-ꓡꓲ ꓠꓬ ꓣꓳ ꓠꓯꓼ ꓗꓪ ꓔꓬ ꓢꓲ-ꓸ ꓫꓸ ꓔꓬ ꓟ ꓔꓯ ꓣꓳ ꓐꓰ ꓕꓲ ꓪ ꓙ ꓫꓱꓸꓹ ꓢꓲ ꓪꓴ-ꓢ ꓠꓵ ꓠꓲꓹ ꓐꓰ ꓚꓳꓸ ꓞꓹ ꓖꓶ_ ꓟ ꓥꓳ=

Add new comment

3 + 0 =