2020 ꓘꓳꓼ 12 ꓦ ꓐꓱ ꓶ ꓪꓽ ꓘꓴ ꓘꓶꓽ ꓔꓶꓸꓹ ꓙꓱꓼ

Monday, December 07, 2020

ꓘꓴ ꓜꓲꓼ ꓞꓳ ꓢ-ꓢ-ꓠ ꓟꓬꓱꓽ ꓠꓬ ꓪꓽ ꓘꓴ ꓠꓹ ꓟ ꓥꓳ= ꓪꓽ ꓘꓴ_ ꓟ ꓠꓬ ꓪꓴ-ꓢ ꓐꓰ ꓫꓸ ꓕꓱ ꓠꓹ ꓟ ꓥꓳ= ꓢꓲ ꓫꓬ ꓕꓳ ꓶ ꓝꓲꓸ ꓵ_ ꓕꓯ ꓬꓰ-ꓢꓴ ꓡꓰ ꓣꓳ ꓔꓯ ꓫꓸ ꓕꓱ ꓢꓲ-ꓸ ꓬꓲ_ ꓐꓰ ꓣꓳ ꓫꓸ ꓕꓱ_ ꓟ ꓥꓳ= ꓣꓳ ꓠꓬ ꓬꓰ-ꓢꓴ ꓫꓸ ꓕꓱ ꓘꓶꓽ ꓔꓯ ꓠ ꓠꓹ ꓢꓲ ꓝꓮꓲ ꓕꓱ ꓡ_ ꓟ ꓥꓳ= ꓕꓱ ꓟ ꓠꓬ ꓪꓽ ꓘꓴ_ ꓟ ꓥ ꓡꓳ= ꓪꓽ ꓘꓴ_ ꓟ ꓗꓪ ꓐꓰ ꓣꓳ ꓠꓲꓹ ꓟ ꓒꓳꓹ ꓡ_ ꓟ ꓡꓰ ꓐꓰ ꓣꓳ ꓤꓶ ꓥ ꓟꓲ ꓒꓳꓹ ꓬꓰ_ ꓟ ꓥꓳ= ꓣꓳ ꓬꓰ ꓘꓴ_ ꓟ ꓟꓬꓱꓽ ꓮ ꓟꓬꓹ ꓙꓳ_ ꓡꓳ= ꓖꓳ ꓡꓱ ꓥ ꓟꓲ ꓪꓽ ꓟꓽ ꓘꓴ ꓕꓯ ꓟꓬꓱꓼ ꓒꓬꓱꓼ ꓡ= ꓢꓲ ꓒ ꓬꓰ-ꓢꓴ ꓐꓰ ꓕꓲꓽ ꓪ ꓟꓬ ꓠꓬꓲ ꓕꓲꓽ ꓠꓲꓹ ꓕꓲꓽ ꓪ ꓔꓬ ꓟꓶ ꓠꓹ ꓟ ꓪꓽ ꓘꓴ ꓓꓴ ꓬꓰ ꓡꓯ= ꓮ ꓙꓲ ꓢꓲ ꓡꓲ ꓐꓰ ꓔꓬ ꓢꓲ-ꓸ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓠꓲꓹ ꓟ ꓘꓴꓽ ꓗꓰ ꓐꓰ ꓪꓽ ꓘꓴ ꓓꓴ ꓬꓰ ꓡꓯ=