2022 ꓘꓳꓼ ꓗꓪ ꓪ: ꓘꓴ ꓠꓼ ꓟ ꓚꓱ꓾

2022 ꓘꓳꓼ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ: ꓟꓳ. ꓖꓶ: ꓔ. ꓪ: ꓘꓴ: ꓡꓯꓼ ꓙꓱ ꓚꓱꓼ꓾
 
ꓘꓳꓼ ꓫꓵꓼ 1 ꓦ ꓐꓱ ꓶ꓾ (for true human Fraternity)
ꓟꓲ ꓠꓯ ꓡ: ꓞꓳ: ꓘꓴ: ꓠꓯꓼ ꓗꓪ ꓕꓲ: ꓠꓱꓺ ꓡ ꓞꓳ ꓠꓲꓹ ꓟ ꓙꓳ ꓡ ꓠꓼ ꓟ ꓐꓱ ꓶ꓾
ꓘꓴ ꓜꓲꓼ ꓞꓳ ꓒꓯ: ꓡꓯꓼ ꓘꓳˍ ꓟ ꓟ: ꓙꓳ ꓠꓹ ꓟ ꓐꓰ ꓛꓴ: ꓙꓳ ꓢꓲ ꓫ. ꓙꓵ: ꓓꓴ ꓔꓳꓹ ꓜꓳ: ꓔꓬ ꓢꓴ ꓮ: ꓙꓲ: ꓠꓯꓹˍꓗꓪ  ꓟꓲ ꓠꓯ ꓡ: ꓞꓳ ꓙꓵ: ꓪ: ꓘꓴ ꓣꓴ ꓟꓶꓺ ꓢꓲꓼ  ꓙꓵꓺ ꓠꓲꓹ ꓚꓱꓼ ꓗꓪ ꓒꓴ ꓒꓴ ꓡꓯ: ꓡꓯ: ꓫꓱ. ꓖꓶ: ꓪ ꓠꓼ ꓟ ꓐꓱ ꓶ:=
ꓘꓳꓼ ꓫꓵꓼ 2 ꓦ (For religious sisters and consecrated women)
ꓪꓴ-ꓢ ꓟꓬꓱ: ꓗꓪ ꓢꓯꓼ ꓕꓵꓼ ꓔꓬ ꓖꓴ ꓡꓰ ꓢꓴ ꓐꓰ ꓠꓬꓲ. ꓠꓬꓲ ꓤꓶ: ꓗꓪ  ꓟ ꓔꓲꓺ ꓟ ꓐꓴ꓾ ꓚꓵ. ꓛꓬ: ꓞꓲꓼ ꓔꓯ. ꓡꓯꓼ ꓙꓱ ꓢꓲ ꓪꓴ-ꓢ ꓠꓵꓺ ꓠꓲꓹ ꓚꓱꓼ ꓗꓪ ꓢꓯꓼ ꓕꓵꓼ ꓔꓬˍ ꓟ ꓤ: ꓟꓶꓼ ꓤꓼ ꓮ. ꓟꓲ: ꓐꓴ  ꓐꓱ ꓶ ꓪ: ꓘꓴ ꓙ ꓠꓹ ꓟ꓾

ꓘꓳꓼ ꓫꓵꓼ 3 ꓦ (For a Christian response to bioethical Challenges)
ꓡ: ꓞꓳꓺ ꓧꓪ: ꓖꓳ ꓓꓱ: ꓗꓪ ꓫ. ꓙꓵꓺ ꓓꓴ ꓔꓳꓼ ꓜꓳ: ꓔꓬˍ ꓢꓴ ꓐꓱ ꓶ: ꓪ: ꓘꓴ ꓙ=

4 ꓦ (APRIL -For health care workers)
ꓠꓺ ꓓꓴ ꓒꓬ: ꓓꓴ ꓚꓱꓼ ꓗꓪ ꓠꓯꓺ ꓞꓲꓼ ꓫꓬꓹ ꓖꓶ: ꓢꓯꓼ ꓕꓵꓼ ꓔꓬ ꓢꓴ ꓐꓱ ꓶ:꓾ ꓓꓲꓺ ꓟꓲ ꓬꓰ ꓢꓲꓼ ꓜ: ꓪꓳ ꓡꓳ. ꓪꓳ ꓟꓬꓱ: ꓬꓰ ꓔꓬ ꓢꓴ ꓐꓱ ꓶ:꓾ ꓞꓲꓼ ꓪꓴ: ꓢꓴ ꓐꓰ ꓠ: ꓫꓵ: ꓔꓳꓼ ꓜꓳ: ꓔꓬ ꓢꓴ ꓔꓯꓹ ꓟ: ꓓ ꓟ: ꓢ: ꓬꓲ. ꓜꓲ: ꓟꓬꓱ: ꓬꓰ ꓔꓬ ꓢꓴ ꓐꓱ ꓶ ꓪ ꓘꓴ ꓙ꓾ ꓫ. ꓫ. ꓟꓶ: ꓟꓶˍ ꓐꓰ ꓟꓬꓱ: ꓬꓰ ꓜ: ꓔꓬ ꓢꓴ ꓐꓱ ꓶ ꓪ: ꓘꓴ ꓙ ꓓꓴ ꓬꓰ ꓡꓯ=

5 ꓦ (MAY -For faith-filled young people)
ꓞꓳ ꓡꓱ ꓐꓴ ꓤꓶ: ꓗꓪ ꓙꓵꓺ ꓠꓲꓹ ꓟꓬ: ꓠꓬꓲ ꓕꓶꓺ ꓡꓰ ꓠꓹ ꓟ ꓐꓰ ꓪꓴ-ꓢ ꓐꓯ ꓘꓶ: ꓛꓳ ꓐ ꓡ ꓠꓼ ꓟ ꓐꓱ ꓶ: ꓪ ꓘꓴ ꓙ ꓡꓯ=
6ꓦ (JUNE–For Families)
ꓕꓲ: ꓦꓲ ꓡ: ꓞꓳ ꓐꓱ ꓶ ꓪ: ꓘꓴ ꓙ꓾ ꓬꓲ. ꓪ: ꓗꓳ ꓡꓳ ꓗꓪ ꓠꓵꓺ ꓠꓲꓹ ꓐꓲ ꓞꓼ ꓢꓲ ꓦꓲ: ꓘꓴ: ꓗꓪ ꓢꓲ ꓡꓰꓼ ꓔꓬ ꓪ ꓠꓼ ꓟ ꓪ ꓘꓴ ꓙ=

7 ꓦ (JULY–For the Elderly)
ꓞꓲꓼ ꓪꓴ: ꓔꓬ ꓢꓴ ꓐꓱ ꓶ ꓪ: ꓘꓴ ꓙ꓾ ꓬꓲ. ꓪ ꓢꓷꓼ ꓠꓲꓹ ꓐꓰ ꓡ: ꓞꓳ ꓐꓴ ꓐꓱ ꓶ: ꓙꓵ ꓖꓴ ꓗꓳˍ ꓟ ꓢꓷ. ꓙ ꓟꓳ ꓙ ꓢꓴ ꓒꓬꓱꓼ ꓡ ꓠꓹ ꓟ ꓪ: ꓘꓴ ꓙ=

8 ꓦ (AUGUST–For small businesses)
ꓚꓵ. ꓛꓬ: ꓜ: ꓓꓴ ꓔꓯ. ꓐꓺ ꓡ ꓟ ꓚꓱꓼ ꓗꓪ ꓟꓬꓱ: ꓬꓰ ꓜ: ꓔꓬ ꓢꓴ ꓐꓱ ꓶ ꓪ: ꓘꓴ ꓙ꓾ ꓬꓲ. ꓪ ꓬꓰ ꓜ ꓬꓰ ꓓꓳ ꓚꓱꓼ ꓗꓪ ꓟꓬ: ꓠꓬꓲ ꓪꓴ: ꓟꓴ ꓡ ꓠꓼ ꓟ ꓐꓱ ꓶ: ꓪ ꓘꓴ ꓙ ꓓꓴ ꓬꓰ ꓡꓯ=
9 ꓦ (SEPTEMBER–For the abolition of the death penalty)
ꓟꓲ-ꓠꓯ ꓡ: ꓞꓳ ꓪ ꓙꓵ: ꓙꓳˍ ꓟ ꓐꓰ ꓒꓳꓹ ꓡꓶ. ꓢꓲ ꓫꓵꓺ ꓠ ꓗꓪ ꓛꓵ: ꓝꓴꓲ. ꓖꓶ: ꓗꓷˍ ꓟ ꓗꓴꓷꓼ ꓙꓵ: ꓗ ꓗꓪ ꓐꓰ ꓡꓰꓹ ꓙꓰ ꓪ ꓠꓼ ꓟ ꓐꓱ ꓶ: ꓪ: ꓘꓴ ꓙ=

10 ꓦ (OCTOBER -For a Church open to everyone)

ꓟꓵ: ꓗꓳ. ꓓꓵ ꓓꓵ ꓗꓪ ꓪꓴ-ꓢ ꓶ ꓓꓳ: ꓫꓱ. ꓓꓳ ꓔꓯ. ꓘꓴ ꓣꓴ ꓡ ꓠˍ ꓟ ꓪ ꓘꓴ ꓡꓯ꓾ ꓪꓴ-ꓢ ꓶ: ꓓꓳ: ꓫꓱ. ꓓꓳ: ꓐꓰ ꓪꓴ-ꓢ ꓠꓵꓺ ꓠꓵꓹ ꓗꓪ ꓐꓰ ꓕꓲ: ꓠꓲꓹ ꓕꓲ: ꓪꓼ ꓪ: ꓡꓯꓼ ꓘꓳ ꓫꓱꓹ ꓡꓯꓼ ꓘꓳ ꓡ ꓠꓼ ꓟ ꓐꓱ ꓶ ꓪ ꓘꓴ ꓙ=

11 ꓦ (NOVEMBER-For children who suffer)
ꓠꓲꓹ ꓫ. ꓟꓬ ꓫ. ꓔꓳꓼ ꓜꓳ: ꓔꓬ ꓟ ꓤꓼ ꓠꓱꓺ ꓐꓴ ꓐꓱ ꓶ ꓪ ꓘꓴ ꓙ꓾ ꓟꓬ: ꓠꓬꓲ ꓔꓬˍꓖꓴ ꓟ ꓙꓳ ꓢꓴ꓾ ꓤ: ꓛꓵ: ꓤꓼ ꓐꓴ ꓐꓰ ꓛꓴ: ꓙꓳ ꓢꓴ ꓑꓶ. ꓓꓴ ꓫ. ꓙꓵ ꓟꓶ: ꓙꓵ ꓔꓳꓼ ꓜꓳ: ꓔꓬ ꓟ ꓤꓼ ꓠꓱꓺ ꓤꓼ ꓐꓴ ꓐꓱ ꓶ ꓪ ꓘꓴ ꓙ=

12 ꓦ (DECEMBER –For volunteer not-for-profit organizations)
ꓚꓵ ꓚꓵꓺ ꓫ. ꓢꓴ ꓟꓶ: ꓢꓴ ꓐꓱ ꓶ: ꓚꓵ. ꓛꓬ: ꓤꓶ ꓔꓯ. ꓡꓯꓼ ꓙꓱ ꓢꓲꓹ ꓬꓰ ꓙ ꓔꓬˍ ꓢꓴ ꓐꓱ ꓶ ꓪ ꓘꓴ: ꓙ=
ꓪ: ꓘꓴ ꓙ ꓚꓱꓹ ꓕꓱ ꓟ ꓠꓬ ꓟꓲ ꓠꓯ ꓕꓲ: ꓗꓴꓷꓼ ꓡꓱꓼ ꓐꓱ ꓶ ꓢꓲ-ꓒ ꓬꓰ-ꓢꓴ ꓬꓲ. ꓙ: ꓗꓳ ꓠꓲꓹ ꓠꓯꓼ ꓗꓪ ꓪ: ꓘꓴ ꓙ ꓠꓹ ꓟ ꓐꓱ ꓶ: ꓔꓲꓺꓒ ꓪ ꓔꓲ. ꓡꓰ: ꓟꓵ: ꓗꓳꓹ ꓓꓵ ꓓꓵꓺ ꓗꓪ ꓟ ꓘꓴ ꓜꓲꓼ ꓞꓳ ꓔꓯꓹ ꓬꓲꓼ ꓠꓬꓲ. ꓖꓶ: ꓔ. ꓟ ꓥ ꓡꓳ=
ꓕꓱ ꓡꓱ ꓐꓰ ꓙ: ꓖꓶ: ꓪ: ꓘꓴˍ ꓟ ꓔꓯ. ꓗ-ꓔꓳ-ꓡꓲ ꓘꓴ ꓜꓲꓼ ꓞꓳ ꓘꓴ: ꓠꓯꓼ ꓗꓪ 1844 ꓘꓳꓼ ꓗꓪ ꓐꓰ ꓪꓴ. ꓔꓴ ꓢꓲ ꓕꓲ: ꓘꓳꓼ ꓕꓲ: ꓧꓪꓼ ꓟ: ꓥ ꓠꓬ ꓠꓬꓲ: ꓘꓳꓼ ꓕꓲ: ꓧꓪ. ꓪ: ꓘꓴ ꓚꓱꓼ ꓬꓲ. ꓜꓲꓺ ꓔꓶꓺ ꓢꓲ ꓪ: ꓘꓴ ꓡˍ ꓟ ꓥ ꓡꓳ=