ꓪ ꓔꓲ ꓦꓬꓼ ꓠꓬꓲ ꓕꓲ ꓤꓶꓻ ꓟꓸ ꓟꓲꓽ

ꓬꓴ-ꓔ ꓡꓽ ꓞꓳ ꓐꓴ ꓔꓯ ꓐꓯ ꓟꓴ ꓫꓬꓹ ꓒꓽ ꓐꓴ ꓡꓰ ꓙꓵꓽˍ ꓟ ꓦꓬꓼ ꓠꓬꓲ ꓗꓪ ꓬꓲꓸ ꓟꓶꓽ ꓕꓲ ꓣꓳ ꓠꓬ ꓢ-ꓟꓴ-ꓬꓰ ꓥ ꓡꓳ= ꓦꓬꓼ ꓠꓬꓲ ꓖꓳ ꓟ ꓗꓪ ꓬꓴ-ꓔ ꓡꓽ ꓞꓳ ꓐꓴ ꓬꓲ ꓪ ꓪ ꓔꓲ ꓓꓰꓽ ꓡˍ ꓠꓬꓲ ꓪꓴ-ꓢ ꓥ ꓟꓲ ꓓꓽ ꓔꓳꓹ ꓗꓷ ꓢꓲ ꓙꓲ-ꓢꓶ ꓬꓲꓸ ꓤ ꓢꓳ-ꓡꓳ ꓔꓯ ꓪꓴ-ꓢ ꓡꓰ ꓢꓲ ꓚꓰ ꓗꓷꓳ= ꓖꓳ ꓡꓱ ꓠꓬꓲ ꓬꓴ-ꓔ ꓡꓽ ꓞꓳ ꓪ ꓔꓲ ꓬꓰ ꓠꓹ ꓟ ꓢ-ꓟꓴ-ꓬꓰ ꓡꓰ ꓢꓳ-ꓡꓳ ꓔꓯ ꓟꓰ ꓞꓶ ꓟꓰ ꓖꓶ ꓗꓷꓳ= ꓖꓳ ꓡꓱ ꓠꓬꓲ ꓢꓳ-ꓡꓳ ꓠꓬ ꓬꓲ-ꓢꓷ-ꓡꓰ ꓪ-ꓔꓲ ꓓꓽ ꓪꓴꓸ ꓕꓲꓽ ꓣꓳ ꓟ ꓥ ꓢꓲ ꓗ ꓠꓯꓸ ꓢꓳ-ꓡꓳ ꓬꓲ ꓤ ꓓ-ꓪꓵ ꓪ ꓔꓲ ꓬꓰ ꓢꓲ꓾ ꓓ-ꓪꓵ ꓬꓲ ꓤ ꓢꓳ-ꓡꓳ-ꓟꓳ ꓪ ꓔꓲ ꓬꓰˍ ꓡꓳ=

ꓪ-ꓔꓲ ꓢꓳ-ꓡꓳ-ꓟꓳ ꓦꓬꓼ ꓠꓬꓲ ꓗꓪ ꓠꓬ ꓒꓵꓽ ꓶꓽ ꓥ ꓟꓲ ꓮ ꓘꓶꓸ ꓙꓳ꓾ ꓟꓬꓱ ꓓꓳꓽ ꓥ ꓟꓲ ꓮ ꓘꓶꓸ ꓙꓳˍ ꓟ ꓦꓬꓼ ꓠꓬꓲ ꓥꓳ= ꓖꓳ ꓟ ꓠꓬ ꓐꓸꓚ 970-930 ꓘꓳꓼ ꓘꓴꓽ ꓗꓪ ꓥ ꓡꓳ= ꓗ ꓠꓯꓸ ꓐꓸꓚ 930 ꓘꓳꓼ ꓗꓪ ꓠꓬ ꓬꓴ-ꓔ ꓗꓴꓷꓼ꓾ ꓬꓲ-ꓢꓷ-ꓡꓰ ꓗꓴꓷꓼ ꓐꓰ ꓐꓱ ꓒꓯꓽ ꓗꓪ ꓡꓯ ꓘꓳˍ ꓟ ꓗꓷ ꓡꓰꓳ= ꓗ ꓠꓯꓸ ꓐꓸꓚ 590 ꓘꓳꓼ ꓕꓯ ꓗꓴꓷꓼ ꓐꓬ ꓧꓶꓽ ꓡꓰ ꓢꓲ ꓬꓲ-ꓢꓷ-ꓡꓰ ꓔꓯ ꓐ-ꓐꓲ-ꓡꓶ ꓗꓪ ꓐꓸꓚ 587 ꓘꓳꓼ ꓕꓯ ꓡꓴꓽ ꓔꓯꓹ ꓙꓰˍ ꓟ ꓥꓳ= ꓦꓬꓼ ꓠꓬꓲ ꓖꓳ ꓟ ꓗꓪ ꓬꓴ-ꓔ ꓗꓴꓷꓼ ꓪ ꓔꓲ 20 ꓣꓳ ꓬꓲ-ꓢꓷ-ꓡꓰ ꓪ ꓔꓲ 18 ꓣꓳ ꓡꓰ ꓙꓵꓽ ꓡꓳꓹ ꓬꓰˍ ꓟ ꓥ ꓡꓳ= ꓦꓬꓼ ꓠꓬꓲ ꓕꓱ ꓟ ꓗꓪ ꓛꓲ ꓕꓯ ꓪ-ꓔꓲ ꓥ ꓟꓲ ꓟꓽ ꓙꓳ꓾ ꓗꓴꓷꓼ ꓥ ꓟꓲ ꓟꓽ ꓙꓳ ꓗꓷ ꓡꓰˍ ꓡꓳ=

ꓪ ꓔꓲ ꓐꓴ ꓡꓰ ꓬꓴ-ꓔ ꓡꓳ ꓞꓳ ꓐꓰ ꓬꓲ-ꓢꓷ-ꓡꓰ ꓡ ꓞꓳ ꓐꓴ ꓔꓯ ꓙꓵꓽˍ ꓟ ꓐꓚ 496 ꓘꓳꓼ ꓕꓯ ꓬꓲ ꓪ ꓦꓬꓼ ꓠꓬꓲ ꓖꓴ ꓡꓰˍ ꓟ ꓥ ꓪ=