ꓫꓬꓹ ꓦꓵꓽ ꓟ ꓟꓸ ꓟꓲꓽ

Saturday, July 10, 2021

ꓮ-ꓐ-ꓡ-ꓦ ꓗꓪ ꓐꓰ ꓟꓬꓽ ꓡꓹ ꓟ ꓬꓲ ꓤ ꓬꓲꓸ ꓠꓱ ꓡꓲꓸ ꓑ ꓡꓲꓸ ꓤꓼ ꓡꓲꓸ ꓒꓲꓽ ꓐꓴ ꓔꓯ ꓪꓴ-ꓢ ꓑ ꓫꓬ ꓞꓳ ꓫꓵꓽ ꓗꓪ ꓓꓵꓽ ꓪ ꓠꓹ ꓟ ꓞꓳ ꓑ ꓤ ꓐꓴ ꓮ ꓙꓵꓽ ꓶꓹ ꓟ ꓗ ꓫꓵ ꓬꓰ ꓠꓹ ꓟ ꓔꓯ ꓛꓳ ꓝꓲ ꓡꓳ= ꓪꓴ-ꓢ ꓕꓱ ꓡꓱ ꓬꓰ ꓝꓲ ꓟ ꓠꓬ ꓟꓲ ꓠꓯ ꓡ ꓞꓳ ꓔꓯ ꓚꓬꓴ ꓠꓹ ꓟ ꓟꓬꓱꓽ ꓬꓰ ꓪꓴꓸ ꓔꓴ ꓟ ꓓꓽ ꓪꓴꓸ ꓕꓲꓽ ꓕꓳꓼ ꓪꓴꓸ ꓔꓴ ꓟ ꓥ ꓡꓳ= ꓖꓳ ꓡꓱ ꓠꓬꓲ ꓕꓵꓽ ꓪ ꓕꓱ ꓟ ꓪꓴ-ꓢ ꓬꓲ ꓚꓲꓸ ꓛꓬ ꓬꓰ ꓟ ꓥ ꓢꓲ-ꓸ ꓧꓪꓽ ꓖꓳ ꓓꓱꓽ ꓕꓲ ꓒꓳꓹ ꓗꓪ ꓟ ꓟꓬꓱꓽ ꓥ ꓡꓳ=

ꓟꓴ ꓗꓪ ꓗꓴꓷꓼ ꓦ ꓔꓬ ꓖꓴ ꓪꓴ-ꓢ ꓗꓴꓷꓼ ꓗꓪ ꓛꓲ ꓬꓰ ꓠꓹ ꓟ ꓬꓲ ꓓꓽ ꓟ ꓚꓱꓹ ꓬꓳꓸ ꓚꓲꓹ ꓟ ꓔꓯ ꓢꓲ-ꓒ ꓬꓰ-ꓢꓴ ꓟꓸ ꓘꓶꓽ ꓥ ꓠꓬ ꓕꓵꓽ ꓪ ꓗꓪ-ꓸ 1ꓸ ꓟꓲ ꓠꓯ ꓡ ꓞꓳ ꓪꓴꓽ ꓪꓴꓽ ꓣꓳ ꓣꓳ ꓮ ꓙꓵꓽ ꓝꓮꓲ ꓫꓬꓹ ꓦꓵꓽ ꓠ ꓔ ꓥ ꓐꓯ ꓟ ꓙꓵꓽ ꓗ ꓥ ꓡꓳ= ꓟꓽ ꓫꓬꓹ ꓦꓵꓽ ꓢꓴ ꓠꓬ ꓟꓴ ꓗꓪ ꓗꓴꓷꓼ ꓗꓪ ꓟꓽ ꓛꓲ ꓐꓯ ꓟ ꓬꓳꓸ ꓚꓲꓹ ꓟ ꓐꓯ ꓘꓶꓽ ꓥꓳ= 2ꓸ ꓐꓹ ꓐ ꓮ ꓐꓲ ꓢꓲ-ꓫꓬ-ꓟ-ꓦ ꓢ ꓣꓳ ꓕꓲ ꓖꓳ ꓓꓱ ꓟꓬꓱ ꓗꓪ ꓐꓰ ꓖꓳ ꓓꓱ ꓔꓲ ꓠꓹ ꓟ (ꓞꓲꓼ ꓫꓬꓹ ꓠꓹ ꓟ) ꓕꓵꓽ ꓪ ꓽ ꓓ ꓟ ꓥ ꓡꓳ= ꓖꓳ ꓡꓱ ꓠꓬꓲ ꓪꓴ-ꓢ ꓗꓴꓷ ꓗꓪ ꓪꓴ-ꓢ ꓑ ꓫꓬ ꓗꓪ ꓓꓵꓽ ꓙꓰ ꓪ ꓠꓹ ꓟ ꓪꓴꓽ ꓪꓴꓽ ꓣꓳ ꓣꓳ ꓫꓬꓹ ꓦꓵꓽ ꓠꓹ ꓟ ꓫꓬꓹ ꓦꓵ ꓟ ꓗꓪ ꓐꓹ ꓐ ꓮ ꓐꓲ ꓢꓲ-ꓫꓬ-ꓟ-ꓦ ꓟꓬꓱ ꓗꓪ ꓐꓰ ꓫꓬꓹ ꓦꓵꓽ ꓠꓹ ꓟ ꓥ ꓡꓳ= ꓙꓵꓽ ꓚꓱꓹ ꓗ ꓫꓵ ꓕꓱ ꓟ ꓬꓰ-ꓢꓴ ꓬꓲ ꓚꓲ ꓛꓬ ꓬꓰ ꓔ ꓟ ꓥ ꓡꓳ=