ꓐꓹ ꓐꓽ ꓟꓹ ꓟ ꓣꓱꓽ ꓛꓰꓽ ꓠꓽ ꓤ ꓠꓱ ꓤ ꓐꓴ ꓕꓯꓽ ꓢꓲ ꓗꓪ ꓪꓴꓽ ꓓꓰ ꓡꓰꓳ=

ꓢꓲ ꓫꓬ ꓕꓳ ꓶ ꓗꓪ ꓠꓴ ꓪ ꓐꓹ ꓐꓽ ꓟꓹ ꓟ ꓔꓯ ꓒꓵꓽ ꓐꓯ ꓔ ꓡꓳ= ꓬꓲ-ꓩꓴ-ꓢꓳ ꓕꓳ ꓶ (6ꓽ1-3) ꓗꓪ ꓒꓳ-ꓡꓳ ꓠꓬ “ꓤ ꓠꓱ ꓤ ꓐꓴꓳ꓾ ꓢꓲ ꓒꓽ ꓠꓯꓸꓼ ꓗꓪ ꓠꓴ ꓪ ꓐꓹ ꓐꓽ ꓟꓹ ꓟ ꓔꓯ ꓒꓵꓽ ꓛꓳ= ꓕꓱ ꓡꓱ ꓬꓰˍ ꓟ ꓠꓬ  ꓜꓳꓽˍ ꓟ ꓥ ꓡꓳ= ꓙ ꓟꓳ ꓘꓶꓽ ꓕꓱꓹ ꓞꓹ ꓟ ꓕꓵꓼ ꓪ ꓬꓲ ꓪꓴꓸ ꓕꓲ ꓚꓱꓹ ꓗꓪ꓾ ꓠꓴ ꓪ ꓶꓼ ꓙꓳ ꓫꓱꓹ ꓙꓳ ꓠꓹ ꓟ_ ꓐꓰ ꓟꓲ ꓠꓯ ꓗꓪ ꓤꓶ ꓙꓳ ꓟꓯ ꓙꓳ ꓠꓹ ꓟ꓾ ꓠꓴ ꓪ ꓐꓹ ꓐꓽ ꓟꓹ ꓟ ꓔꓯ ꓒꓵꓽ꓾ ꓐꓰ ꓐꓯ ꓔ ꓡꓳ= ꓮ ꓐꓽ ꓮ ꓟ ꓔꓯ ꓣꓱꓽ ꓙ꓾ ꓔꓳꓹ ꓙ ꓢꓴ ꓠꓽ ꓮ ꓕꓯˍ ꓟꓲ ꓟꓽ ꓫꓸ ꓡꓰ꓾ ꓐꓰ ꓐꓯ ꓔ ꓟ ꓙꓳˍ ꓡꓳ= ꓕꓲꓽ ꓖ ꓕꓲꓽ ꓧꓪꓹ  ꓗꓪ ꓣꓳꓽ  ꓬꓰ ꓐ ꓡꓹ ꓟ ꓗꓪ ꓐꓰ ꓮ ꓐꓽ ꓮ ꓟ ꓕꓯꓽ ꓢꓲ ꓗꓪ꓾ ꓣꓳꓽ ꓮ ꓡꓰ ꓗꓪ ꓛꓲ ꓫꓸ ꓟꓳ ꓗꓴˍ ꓟ꓾ ꓢꓷꓸ ꓗꓴˍ ꓟ꓾ ꓒꓵꓽ ꓗ ꓬꓰ ꓗꓴˍ ꓟ ꓔꓯ ꓔꓯꓸꓸ ꓟꓳꓸ ꓖꓶꓽ ꓔꓬꓹ ꓡꓳ= ꓐꓹ ꓐꓽ ꓟꓹ ꓟ ꓣꓱꓽ ꓛꓰꓽ ꓠꓽ ꓤ ꓠꓱ ꓤ ꓐꓴ ꓕꓯꓽ ꓢꓲ ꓗꓪ ꓪꓴꓽ ꓓꓰ ꓡꓰꓳ= ꓟꓲ ꓠꓯ ꓗꓪ ꓮ ꓐꓽ ꓮ ꓟ ꓡꓰ ꓣꓳ ꓔꓯ ꓠꓲ, ꓠꓵ ꓢꓴ ꓟꓽ ꓔꓬ꓿ꓣꓳ ꓠ., ꓓꓴ ꓒꓬ ꓓꓴ ꓙꓳ_ ꓕꓯ ꓥ ꓟꓲ ꓣꓳ ꓔꓯ ꓬꓰ ꓙ ꓢꓴ ꓠ ꓮ ꓐꓽ ꓮ ꓟ ꓡꓰ ꓥ ꓡꓳ꓿ꓮ ꓐꓽ ꓮ ꓟ ꓠꓵ ꓠꓲ, ꓠꓬ ꓓꓵꓽ ꓙ  ꓟꓶ., ꓓꓴ ꓥ ꓡꓳ꓿ ꓢꓴ ꓡꓰ ꓠꓵ ꓟꓽ ꓐ ꓡ ꓟ ꓠꓵ ꓠꓲ, ꓮ ꓐꓽ ꓮ ꓟ ꓠꓬ ꓖꓶ ꓐ ꓡ ꓟ ꓥ ꓡꓳ꓿