ꓠꓲꓹ ꓟ ꓕꓽ ꓐꓬ ꓡꓰ ꓝꓲ

ꓣꓳ ꓕꓲ ꓤꓶꓻ ꓡꓱꓼ ꓗꓪ ꓙꓳ ꓢ ꓔꓬ ꓢ ꓠꓹ ꓟ ꓐꓱ ꓶ ꓮ ꓟꓽ ꓥ ꓟꓲ ꓟꓬꓱꓽ ꓬꓰ ꓢꓯꓼ ꓕꓵꓼ ꓔꓬ ꓢꓴ ꓡꓰ ꓥ ꓡꓳ=  ꓕꓲ ꓐꓱ ꓠꓬ ꓮꓽ ꓐꓽ ꓮ ꓟ  ꓐꓴ ꓐꓰ ꓦ ꓙꓲꓸꓹ ꓢꓲ ꓶ ꓤ ꓟꓵꓽ ꓗꓪ ꓒꓴꓸꓸ ꓫꓵꓺ ꓧꓪ ꓔꓬ ꓢꓴ ꓥ ꓟꓲ ꓙꓳ ꓡꓳ= ꓖꓳ ꓡꓱ ꓣꓳ ꓤꓶꓻ ꓔꓬ ꓢ ꓠꓹ ꓟ ꓢꓯꓼ ꓕꓵꓼ ꓔꓬ ꓕꓯ ꓣꓳ ꓠꓯꓼ ꓗꓪ ꓠꓲꓹ ꓟ ꓫꓸ ꓓꓴ ꓮ ꓟꓬꓹ ꓙꓳ ꓡ ꓥꓳ= ꓖꓳ ꓡꓱ ꓐꓯ ꓥ ꓟꓲ ꓠꓲꓹ ꓟ ꓕꓽ ꓐꓬ ꓡꓰ ꓝꓲ= ꓣꓳ ꓤꓶꓻ ꓗꓪ ꓫꓸ ꓓꓴ ꓠꓬ ꓣꓳ ꓐꓱ ꓶ ꓥ ꓡꓳ= ꓣꓳ ꓢꓯꓼ ꓕꓵꓼ ꓚꓱꓹ ꓥ ꓡꓳ= ꓧꓪꓸ ꓡꓰ ꓓꓴ ꓚꓱꓹ ꓥ ꓡꓳ= ꓟꓲ ꓠꓯ ꓗꓪ ꓮ ꓟꓬ ꓓ ꓢꓴ ꓥ ꓡ ꓐꓯ ꓡꓲ ꓫꓸ ꓓꓴ ꓙꓳ_ ꓡꓳ= ꓫꓸ ꓓꓴ ꓕꓱ ꓟ ꓔꓯ ꓜꓲ ꓢꓲ  ꓣꓳ ꓤꓶꓻ ꓔꓬ ꓢ ꓠꓹ ꓟ ꓐꓱ ꓶ ꓢꓯꓼ ꓕꓵꓼ ꓡꓯ= ꓢꓴ ꓐꓰ ꓕꓲ ꓛꓳ ꓟꓬꓱꓽ ꓬꓰ ꓢꓯꓼ ꓕꓵꓼ ꓕꓯ ꓥꓪ ꓠꓬ ꓮ ꓫꓵꓽ ꓡꓲ ꓟꓽ ꓢꓷꓸ ꓐꓯ ꓢꓲ ꓠꓲꓹ ꓟ ꓕꓽ ꓐꓬ ꓡꓰ ꓝꓲ= ꓟꓲ ꓠꓯ ꓗꓪ ꓓ ꓢꓴ ꓡ ꓞꓳ ꓥ ꓟꓲ ꓢꓯꓼ ꓕꓵꓼ ꓢꓲ꓾ ꓪ ꓡ ꓟ ꓪꓴꓸ ꓠꓬꓲ ꓠꓴ ꓥ ꓟꓲ ꓢꓯꓼ ꓕꓵꓼ ꓠꓬ ꓕꓲ ꓠꓬꓲ ꓧꓪꓸ ꓡꓰ ꓟ ꓔꓯ ꓘꓳꓹ ꓣꓴ ꓟꓶ ꓡ ꓥꓳ= ꓣꓳ ꓕꓱ ꓡꓱ ꓟꓬꓱꓽ ꓬꓰ ꓢꓯꓼ ꓕꓵꓼ ꓟ ꓗꓪ ꓞꓳꓸ ꓡꓰ ꓓꓴ ꓥ ꓟꓲ ꓙꓳ ꓡ ꓥꓳ= ꓖꓳ ꓡꓱ ꓐꓯ ꓥ ꓟꓲ ꓠꓴ ꓠꓲꓹ ꓟ ꓡ ꓢꓲ ꓢꓯꓼ ꓕꓵꓼ ꓠꓬ ꓧꓪꓸ ꓡꓰ ꓟ ꓔꓯ ꓘꓳꓹ ꓣꓴ ꓟꓶ ꓡ ꓥꓳ= ꓖꓳ ꓡꓱ ꓔ ꓟ ꓪꓴꓸ ꓠꓬꓲ ꓠꓲꓹ ꓟ ꓕꓽ ꓐꓬ ꓡꓰ ꓝꓲ= ꓣꓳ ꓟꓬꓱꓽ ꓬꓰ ꓢꓯꓼ ꓕꓵꓼ ꓚꓱꓹ ꓔꓯ ꓙꓲ ꓙꓲ ꓡꓰ ꓬꓰ ꓢꓲ ꓟꓲ ꓠꓯ ꓗꓪ ꓙꓳ ꓢ ꓔꓬ ꓢ ꓢꓴ ꓒꓬꓱꓼ ꓡ ꓠꓹ ꓟ ꓢꓯꓼ ꓕꓵꓼ ꓡꓯ=

Add new comment

19 + 0 =