ꓐꓹ ꓐ ꓟ, ꓟ ꓣꓱꓽ ꓢꓴ ꓔꓯ ꓪꓴ-ꓢ ꓶ ꓤ ꓫꓱꓹ ꓤ ꓖꓶˍ ꓡꓳ=

ꓪꓴ-ꓢ ꓔꓯ ꓠꓲꓸ ꓠꓵ ꓗꓴꓸ- ꓟ ꓤꓽ ꓠꓵ ꓤꓽ ꓔꓯ-ꓸ ꓪꓴ-ꓢ ꓶꓼ ꓤꓽ ꓫꓱꓹ ꓤꓽ ꓮ ꓟꓬ ꓖꓶˍ ꓡꓳ= ꓬꓲꓸ ꓡꓰ ꓤꓽ ꓠꓱ ꓤꓽ ꓖꓳ ꓟ ꓔꓯ-ꓸ ꓠꓬꓲ ꓙ ꓡꓳꓸ ꓙ ꓖꓶˍ ꓡꓳ= ꓔꓹ ꓙ ꓖꓶˍ ꓡꓳ= ꓗꓪꓼ ꓫꓵꓽ ꓖꓶˍ ꓡꓳ= ꓤꓽ ꓠꓱꓽ ꓤ ꓖꓳ ꓟ ꓠꓬ ꓢꓲ-ꓫꓬ- ꓟ- ꓦ ꓠꓯꓼ ꓗꓪ ꓕꓲꓽ ꓒꓳ ꓪꓳꓽ ꓡ ꓟꓴ ꓡ ꓢꓲ ꓢꓯꓼ ꓙꓳ ꓡˍ ꓡꓳ= ꓘꓶꓽ ꓫꓵꓼ ꓡꓵ ꓗꓪ ꓓ- ꓪꓴ ꓔꓯ ꓡꓳ ꓠꓬꓲ= ꓪꓴ-ꓢ ꓡꓰ ꓬꓲꓸ ꓔꓯ ꓵꓸꓸ ꓖꓴ ꓟꓽ ꓓ ꓟ ꓣꓱꓽ ꓛꓰꓽ ꓖꓶˍ ꓡꓳ= ꓬꓲꓸ ꓖꓳ ꓓꓱꓽ ꓠꓬ-ꓸ ꓮ ꓘꓶꓸ ꓣꓳꓸ ꓟꓲ ꓡ ꓞꓳ ꓓ ꓟ ꓔꓯ ꓓꓶꓽ ꓧꓪꓸ ꓘꓴˍ ꓡꓳ= ꓕꓱ ꓟ ꓠꓬ-ꓸ ꓓ- ꓪꓴ ꓞꓲꓽ ꓣꓳ-ꓸ ꓖꓳ ꓓꓱꓽ ꓣꓳꓸꓸ ꓓˍ ꓟꓲ ꓪꓴ-ꓢ ꓔꓯ ꓦꓸꓹ ꓡꓱ ꓗꓴꓸ ꓠꓲꓹ ꓠꓵꓹ ꓗꓴꓸ ꓠꓬꓲ ꓥ ꓡꓳ=

ꓤꓽ ꓠꓱ ꓤ ꓐꓴ ꓪꓴ-ꓢ ꓔꓯ ꓠꓲꓹ ꓠꓵ ꓗꓴˍ ꓕꓯ-ꓸ ꓐꓹ ꓐ ꓟꓹ ꓟ ꓣꓱꓽ ꓢꓴ ꓮ ꓘꓶꓸ ꓪꓴꓽ ꓧꓶ ꓟꓽ ꓛꓵ= ꓐꓹ ꓐ ꓟꓹ ꓟ ꓠꓬ ꓚꓲꓸ ꓛꓬꓼ ꓤꓽ ꓠꓱ ꓐꓴˍ ꓐꓰ ꓮ ꓕꓯˍ ꓕꓲꓽ ꓞꓲꓼ ꓕꓲꓽ ꓡꓰꓼ ꓐꓰ ꓟꓽ ꓔꓬ= ꓪꓴ-ꓢ ꓠꓽ ꓮ ꓕꓯˍ ꓟꓲ ꓔꓬ ꓡꓳ= ꓣꓳꓽ ꓠꓬ-ꓸ ꓚꓲꓸ ꓛꓬꓼ ꓠꓱ-ꓸ ꓮ ꓙꓰˍ ꓟ ꓗꓪ-ꓸ ꓖꓼ ꓙꓰ ꓟꓶ ꓘꓴˍ ꓟꓲ-ꓸ ꓪꓴ-ꓢ ꓠꓽ ꓬꓲ ꓪ ꓐꓴ ꓮ ꓡꓰ  ꓗꓪ ꓙꓰˍ ꓠꓬ-ꓸ ꓮ ꓡꓰ ꓗꓪ ꓔꓬ ꓡꓳ=

ꓣꓳꓽ ꓤ ꓠꓱ ꓪꓴ-ꓢ ꓔꓯ ꓟꓽ ꓙꓳꓸꓸ ꓪꓴ-ꓢ ꓔꓯ ꓟꓽ ꓠꓲꓹ ꓠꓵ ꓕꓯ ꓠ-ꓸ ꓐꓹ ꓐ ꓟꓹ ꓟ ꓐꓴ ꓔꓯˍ ꓟꓲ ꓒꓵꓽˍ ꓥꓳ-ꓸ ꓐꓰ ꓠꓴ ꓓꓵꓽ ꓙ ꓡ? ꓪꓴ-ꓢ ꓔꓯ ꓟꓽ ꓙꓳꓸꓸ ꓟ ꓤꓽ ꓠꓱ ꓤꓽ ꓠꓬ ꓮꓽ ꓟ ꓔꓯˍ ꓟꓲ ꓟꓽ ꓒꓵꓽ= ꓟꓽ ꓙꓳꓸꓸ= ꓖꓳ ꓡꓱ ꓠꓬꓲ ꓚꓲꓸ ꓛꓬꓼ ꓠꓱ ꓤꓽ ꓐꓴ ꓔꓯ-ꓸ ꓪꓴ-ꓢ ꓔꓯ ꓠꓲꓹ ꓠꓵ ꓗꓴꓸ ꓠ ꓟ ꓢꓯꓼꓖꓶ_ ꓡꓳ=

Add new comment

1 + 11 =