ꓑꓶꓸ ꓑꓶꓸ ꓡꓰꓽ ꓫꓱꓽ ꓙꓰ

ꓑꓶꓸ ꓑꓶꓸ ꓡꓰꓽ ꓫꓱꓽ ꓙꓰ

 

ꓣꓦꓮꓡꓲ-ꓢꓴ ꓓꓳꓽ ꓠꓸꓸ ꓠꓹ ꓔꓬ ꓢꓴ ꓮꓽ ꓙꓵꓽ ꓢꓴ ꓧꓪꓸ ꓧꓪꓼ ꓥ ꓡꓼ? ꓠꓬꓲꓹ ꓠꓬꓲ ꓢꓷꓸ ꓙ ꓟꓳ ꓙ ꓠꓼ ꓟ ꓚꓱꓼ ꓗꓪ ꓠꓬꓑꓱꓸ ꓑꓱꓸ ꓡꓱꓽ ꓙꓰ ꓐꓯ ꓟ  ꓔꓯ ꓢꓷꓸ ꓙ ꓟꓳ ꓙ_ ꓥꓳ=

  ꓕꓲꓽ ꓧꓪ ꓙꓳ_ ꓕꓯ-ꓸ ꓢꓲ ꓒ ꓬꓰ-ꓢꓴ ꓠꓬ-ꓸ ꓪꓽ ꓘꓴ ꓠꓹ ꓟ -ꓸ ꓢꓲ ꓡꓲꓸꓸ ꓡꓲ_ ꓙꓰ_ ꓡꓳ= ꓬꓲꓸ ꓝꓲ ꓓꓴ ꓐꓴ ꓔꓯ ꓧꓶꓸ ꓕꓯꓽ-ꓸ ꓬꓲꓸꓹ ꓡꓴꓼ ꓐꓱ ꓖꓳ ꓸꓹ ꓐꓽ ꓢꓲ ꓔꓯ ꓟꓳꓸ-ꓸ ꓡꓲꓸꓸ ꓗꓪ ꓐꓰ ꓙꓰ ꓔꓬ ꓝꓲ_ ꓡꓳ ꓢꓲ ꓒ ꓬꓰ- ꓢꓴ ꓖꓳ ꓗꓪ ꓪꓽ ꓘꓴ ꓗꓷ_ ꓠꓬ-ꓸ ꓬꓲꓸꓸ ꓝꓲ ꓓꓴ ꓐꓴ ꓬꓲꓸꓹ ꓡꓴꓽ ꓐꓱ ꓕꓲꓸꓹ ꓫꓰꓸ ꓠꓯꓸꓼ ꓗꓪ ꓛꓲ ꓬꓰꓳ=

  ꓢꓲ ꓒ ꓬꓰ- ꓢꓴ ꓠꓬ-ꓸꓬꓲꓸꓹ  ꓙꓬ ꓕꓯꓽ ꓢꓲ ꓗꓪ-ꓸ ꓙ ꓖꓴ ꓫꓱꓽ ꓢꓲꓸ ꓬꓲꓸ ꓝꓲ ꓓꓴ ꓐꓴ ꓔꓬ ꓗꓪ ꓙꓰ_ ꓡꓳ= ꓬꓲꓸ ꓝꓲ ꓓꓴ ꓐꓴ ꓠꓬ-ꓸ ꓢꓲ ˍꓒ ꓬꓰ-ꓢꓴ  ꓙ ꓖꓴ ꓫꓱꓽ ꓖꓳꓸ  ꓡ ꓔꓬ  ꓟ ꓔꓯ-ꓸ ꓟꓳ_ ꓔꓯ -ꓸ ꓬꓲꓸ ꓔꓯꓸ ꓫꓵꓸꓹ ꓗꓴ ꓫꓵꓸꓹ ꓦ ꓥꓳ ꓐꓯ ꓢꓲ ꓙꓳ_ ꓡꓳ= ꓢꓲ ꓒ  ꓬꓰ-ꓢꓴ  ꓠꓬ ꓕꓽ ꓙꓳ-ꓸ ꓥꓪ ꓥ ꓡꓳ-ꓸ ꓐꓰ ꓒꓳ ꓖꓶ- ꓡꓳ=

ꓣꓳꓽ ꓤꓶ ꓗꓪ ꓥ_ ꓟꓲ-ꓸ ꓟꓲꓽ ꓦꓲ ꓓꓽ ꓟ ꓔꓯ-ꓸ ꓫꓱꓸ- ꓟ-ꓸ ꓫ ꓙꓵ ꓟꓷꓼ ꓙꓵ ꓓꓳ-ꓸ ꓔꓳꓹ ꓙꓳꓽ ꓡ_ ꓔꓯ-ꓸ ꓦꓱ ꓓꓵꓽ ꓡꓰ ꓗꓴ_ ꓡꓳ=

 ꓠꓴ ꓪ_ ꓟꓲ-ꓸ ꓫꓸ ꓙꓵ ꓟꓷꓼ ꓙꓵ ꓓꓴ-ꓸ ꓔꓳꓹ ꓙꓳꓽ ꓔꓬ ꓡ? ꓠꓲꓹ ꓫ ꓟꓬ ꓫ ꓓꓴ-ꓸ ꓘꓳ ꓗꓳꓸ ꓔꓬ ꓡ? ꓒꓲ_ ꓕꓱꓼ ꓠꓬ ꓟꓲꓽ ꓦꓲ ꓓ ꓟ ꓔꓯ-ꓸ ꓙꓳꓸꓸ ꓛꓱꓽ_ ꓟ ꓡꓰ-ꓸ ꓠꓴ_ ꓟꓲ ꓫꓸ ꓙꓵ ꓟꓷꓼ ꓙꓵ ꓓꓵ ꓔꓯ ꓙꓳꓸꓸ ꓔꓬ ꓡ? ꓓꓵꓽ ꓙ ꓠꓬꓲ ꓡꓯ=

ꓙꓳꓸꓸ ꓛꓱꓽ ꓓꓴ ꓙꓳ_ ꓠꓬ-ꓸ ꓢꓲ ꓒ  ꓬꓰ- ꓢꓴ ꓔꓯ  ꓡꓳꓸ ꓢꓲ-ꓸ ꓑꓶꓸ ꓑꓶꓸ ꓡꓰꓽ ꓫꓱꓽ ꓗꓳꓸ ꓙꓰ ꓡꓯ= ꓕꓽ ꓙꓳꓸꓸ = ꓟꓲ ꓠꓯ ꓗꓪ ꓠꓬ-ꓸ ꓫꓸ ꓙꓵ ꓓꓴ ꓙꓳ_ ꓟ ꓠꓬ -ꓸ ꓬꓲꓸ ꓚꓳꓽ ꓥꓳ= ꓢꓲ ꓒ ꓬꓰ- ꓢꓴ ꓠꓬ-ꓸ ꓣꓳꓽ ꓒ ꓕꓲꓹ ꓗꓪ ꓔꓬ_ ꓡꓳ=

 ꓢꓲꓸꓸ ꓒ ꓥꓪ ꓔꓯ ꓚꓬꓴꓸ ꓙ ꓡꓯ ꓐꓰ ꓒꓲ- ꓕꓱꓼ ꓡꓰ ꓢꓲꓸꓸ ꓒ ꓬꓰ- ꓢꓴ ꓔꓯ ꓘꓴ ꓓꓰꓽ_ ꓔꓯ-ꓸ ꓢꓲ-ꓒ  ꓬꓰ-ꓢꓴ ꓠꓬ ꓡꓯꓽ ꓒꓯꓹ ꓛꓱ ꓢꓲ-ꓸ ꓒꓲ- ꓕꓱꓼ ꓔꓯ-ꓸ ꓚꓬꓴꓸ ꓙ_ ꓟ ꓡꓰ ꓐꓰ-ꓸ ꓣꓳ ꓥ ꓟꓲ-ꓸ ꓫꓸ ꓙꓵ_ ꓕꓯ-ꓸ ꓢꓲ ꓒ ꓔꓯ ꓘꓴ ꓓꓱꓽ ꓕꓯ-ꓸ ꓢꓲ ꓒ ꓬꓲꓸꓡꓯ ꓒꓯ ꓛꓱꓸꓹ ꓢꓲ-ꓸ ꓣꓳꓽ ꓔꓯ ꓬꓰ ꓙ ꓡ_ ꓥꓳ= ꓚꓬꓴꓸ ꓙ ꓡ_ ꓥꓳ=

ꓖꓳ ꓡꓱ ꓠꓬꓲ-ꓸ ꓙ ꓖꓴ ꓫꓱꓽ ꓡꓲꓸ ꓔꓬ_ ꓟ ꓤꓽ ꓠꓱ ꓤꓽ ꓕꓲ ꓣꓳ_ ꓡꓰ ꓐꓰ ꓑꓶꓸ ꓑꓶꓸ ꓡꓰꓽ ꓫꓱꓽ ꓗꓳꓸ ꓙꓰ= ꓓꓳꓽ ꓡꓰ ꓐꓰ_ ꓠꓬ-ꓸ ꓐꓹꓐ-ꓸ ꓖꓳ ꓔꓴ ꓖꓶꓽ ꓥꓳ ꓐꓰ-ꓸ ꓙꓵꓹ ꓔ ꓟ ꓤꓽ ꓠꓱ ꓤꓽ ꓕꓲꓽ ꓣꓳ_ ꓡꓰ ꓐꓰ-ꓸ ꓮ ꓫꓵꓽ ꓬꓰ_ ꓟꓲ-ꓸ ꓟꓽ ꓙꓳꓸꓸ ꓙꓳꓸꓸ ꓬꓰ= ꓠꓲꓹ ꓟ ꓓꓵꓽ ꓙ ꓧꓳꓽ ꓧꓶꓸ ꓓꓳ ꓔꓯ-ꓸ ꓢꓲ ꓒ ꓔꓯ-ꓸ ꓡꓯꓼ ꓙꓱꓸꓸ ꓔ ꓢꓲ-ꓸ ꓗ ꓛꓲ ꓛꓲ ꓡꓰ ꓬꓰ= ꓖꓳ ꓡꓰ ꓠꓬ-ꓸ ꓟꓲ ꓠꓯ ꓗꓪ_ ꓟꓲ  ꓗ ꓛꓲꓽ ꓛꓲꓽ ꓡꓰ-ꓸ ꓢꓯꓸ ꓔꓬ ꓐ ꓡ ꓢꓲ-ꓸ ꓕꓲꓽ ꓠꓬꓲ ꓙꓳ_ ꓠꓬ-ꓸ ꓪꓴ-ꓢ ꓟꓲꓽ ꓙꓬꓼ ꓗꓪ-ꓸ ꓠꓲꓹ ꓒꓴ  ꓒꓴ ꓡꓰ ꓛꓲ ꓬꓰ ꓥꓳ=

 

 

Add new comment

1 + 6 =