ꓕꓲ ꓦꓲꓸꓹ ꓘꓴ ꓠꓯꓼ ꓗꓪ ꓫꓸ ꓓꓴ ꓠꓬ ꓙꓳ ꓚꓰꓼ ꓡꓳ

ꓕꓲ ꓦꓲꓸꓹ ꓘꓴ ꓠꓯꓼ ꓗꓪ ꓫꓸ ꓓꓴ ꓠꓬ ꓙꓳ ꓚꓰꓼ ꓡꓳ= ꓫꓸ ꓓꓴ ꓟꓷꓼ ꓓꓴ ꓠꓲꓹ ꓟ ꓫꓸ ꓓꓴ ꓕꓱ ꓡꓱ ꓫꓵꓽ ꓠꓬ ꓕꓲ ꓦꓲꓸꓹ ꓘꓴꓽ ꓠꓯꓼ ꓗꓪ ꓮ ꓟꓬꓹ ꓔꓳꓹ ꓜꓳ ꓔꓬ ꓟ ꓥ ꓡꓳ= ꓮ ꓡꓲ ꓕꓲ ꓦꓲꓸꓹ ꓘꓴꓽ ꓠꓯꓼ ꓗꓪ ꓥ ꓟꓲ ꓟꓽ ꓫꓸ ꓔ ꓐꓯ ꓟ ꓟꓽ ꓙꓳ= ꓮ ꓙꓵꓽ ꓢꓴ ꓔꓳꓹ ꓜꓳ ꓔꓬ ꓟ ꓥ ꓡꓳ= ꓕꓲ ꓖ ꓕꓲ ꓧꓪꓹ ꓦꓲꓸꓹ ꓢꓲ ꓒꓽ ꓐꓰ ꓦꓲꓸꓹ ꓢꓲ ꓟ ꓫꓸ ꓪ ꓟꓬ_ ꓟ ꓐꓯ ꓡꓯꓼ ꓘꓳ_ ꓟ ꓟꓲ ꓙꓳ ꓚꓰꓼ ꓡꓳ= ꓟꓬ ꓠꓬꓲ ꓐꓭ ꓠꓬꓲ ꓕꓲꓽ ꓦꓲꓸꓹ ꓡ ꓞꓳ ꓘꓴꓽ ꓠꓯꓼ ꓗꓪ ꓕꓲ ꓫꓵꓽ ꓟ ꓥ ꓕꓲ ꓫꓵꓽ ꓗꓪ ꓐꓰ ꓤ ꓠꓬꓲ ꓓꓴ ꓕꓱ ꓡꓱ ꓫꓵꓽ ꓔꓳꓹ ꓜꓳ ꓔꓬ ꓡꓳ= ꓙꓲ ꓢꓴ ꓠꓯꓼ ꓗꓪ ꓕꓲ ꓦꓲꓸꓹ ꓡ ꓞꓳ ꓐꓴ ꓕꓱ ꓡꓱ ꓔꓳꓹ ꓜꓳ ꓡ ꓕꓯ ꓮ ꓡꓰ ꓐꓰ ꓬꓰ ꓠ ꓔ ꓐꓯ ꓟ ꓔꓯ ꓐꓯ ꓟꓳꓸ ꓖꓶ ꓠꓲꓹ ꓫꓵ_ ꓡꓳ=ꓓꓽ ꓪꓴꓸ ꓠꓬ ꓪꓴ-ꓢ ꓔꓯ ꓕꓲ ꓠꓲꓹ ꓟ ꓡꓱꓼ ꓡꓯꓼ ꓙꓱ ꓪꓴ-ꓢ ꓔꓯ ꓪ ꓘꓴꓽ ꓦꓲꓸꓹ ꓢꓲ ꓒꓽ ꓥ ꓟꓲ ꓦꓲꓸꓹ ꓢꓲ ꓟ ꓐꓱ ꓶ ꓪꓽ ꓘꓴ ꓙ= ꓦꓲꓸꓹ ꓢꓲꓽ ꓟ ꓥ ꓟꓲ ꓦꓲꓸꓹ ꓢꓲ ꓒꓽ ꓐꓱ ꓶ ꓪꓽ ꓘꓴ ꓙ=ꓕꓱ ꓡꓱ ꓬꓰ ꓠꓬ ꓕꓲ ꓦꓲꓸꓹ ꓘꓴꓽ ꓠꓯꓼ ꓗꓪ ꓫꓸ ꓓꓴ ꓟꓷꓼ ꓓꓴ ꓗꓪ ꓐꓰ ꓡꓲꓹ ꓙꓰ ꓐ ꓡ ꓢꓲ-ꓸ ꓪꓴ-ꓢ ꓠꓲꓹ ꓒꓴ_ ꓟ ꓦꓲꓸꓹ ꓘꓴꓽ ꓒꓬꓱꓼ ꓡ ꓥꓳ= ꓕꓲ ꓣꓳ ꓐꓰ ꓕꓲ ꓣꓳ ꓖꓽ ꓖꓶ ꓡꓯꓼ ꓘꓳ= ꓠꓲꓹ ꓟ ꓕꓽ ꓩꓴ= ꓕꓲ ꓣꓳ ꓠꓲꓹ ꓢꓲꓼ ꓕꓯ ꓕꓲ ꓣꓳ ꓠꓬ ꓫꓸ ꓪ ꓔꓯ ꓘꓶꓽ ꓠꓵ ꓠꓹ ꓠꓵ ꓕꓱ-ꓸ ꓕꓱ ꓡꓱ ꓬꓰ ꓠꓬ ꓤ ꓠꓬꓲ ꓫꓵꓽ ꓠꓬꓲ ꓓꓴ ꓗꓪ ꓐꓰ ꓡꓲꓹ ꓙꓰ ꓐ ꓡ ꓥꓳ= ꓕꓱ ꓡꓱ ꓟ ꓥ ꓕꓲ ꓣꓳ ꓐꓰ ꓕꓲ ꓣꓳ ꓠꓲꓹ ꓢꓲꓼ ꓐꓯ ꓡꓯꓼ ꓘꓳ ꓔꓬ ꓐꓭ ꓠꓬ ꓕꓲ ꓦꓲꓸꓹ ꓘꓴꓽ ꓠꓯꓼ ꓗꓪ ꓢꓲ ꓡꓲꓹ ꓗꓹ ꓛꓲ ꓟ ꓟꓽ ꓙꓳ ꓡ= ꓕꓲ ꓦꓲꓸꓹ ꓘꓴꓽ ꓠꓯꓼ ꓗꓪ ꓓꓵꓽ ꓙ ꓫꓸ ꓓꓴ ꓡꓰ ꓗꓷ ꓡ ꓥꓳ= ꓬꓰ -ꓢꓴ ꓠꓯꓼ ꓗꓪ ꓠꓲꓹ ꓠꓵ ꓟ ꓕꓲ ꓦꓲꓸꓹ ꓡ ꓞꓳ ꓐꓯ ꓠꓬ ꓮ ꓫꓵꓽ ꓡꓲ ꓙꓲ ꓖꓴ ꓟꓽ ꓙꓳ_ ꓟ ꓫꓸ ꓪ ꓕꓲꓽ ꓘꓶꓽ ꓗꓪ ꓐꓰ ꓕꓲ ꓦꓲꓸꓹ ꓡ ꓞꓳ ꓕꓽ ꓒꓬ ꓡꓰ ꓝꓲ=