ꓙꓲˍ ꓟ ꓶꓽ ꓓꓳꓽ ꓫꓱꓹ ꓓꓳ ꓟꓯꓸꓹ ꓢꓴ

ꓙꓲˍ ꓟ ꓶꓽ ꓓꓳꓽ ꓫꓱꓹ ꓓꓳ ꓟꓯꓸꓹ ꓢꓴ

ꓟꓲ ꓠꓯ ꓗꓪ ꓞꓳ ꓤ ꓬꓲꓸ ꓫꓵꓽ ꓬꓲ ꓙꓰꓽ ꓙꓳˍ ꓟ ꓡꓰ ꓐꓰ-ꓸ ꓠꓲꓹ ꓟ ꓟꓲ ꓟꓽ ꓫꓱꓸ ꓡꓯ ꓘꓳ= ꓕꓱ ꓟ ꓘꓴꓽ ꓗꓪ ꓞꓳ ꓤ ꓠꓲꓹ ꓟ ꓠꓬꓲꓽ ꓙꓰꓽ ꓟ ꓔꓯꓸ ꓐꓯ ꓟꓸ ꓖꓶ ꓠꓲꓹ ꓫꓵˍ ꓡꓳ=

1 ꓶꓽ ꓓꓳꓽ ꓫꓱꓹ ꓓꓳ ꓔꓯꓸ ꓟꓯꓸꓹꓢꓴ ꓐꓰ

2 ꓥꓶꓹ ꓟ ꓓꓳꓽ ꓔꓯ ꓟꓯꓹ ꓢꓴ

1 ꓶꓽ ꓓꓳꓽ ꓫꓱꓹ ꓓꓳꓽ ꓔꓯ ꓟꓯꓸꓹ ꓢꓴ ꓐꓯ ꓟ ꓠꓬ ꓬꓲꓸ ꓮ ꓡꓰ ꓗꓪ ꓛꓲ ꓬꓰˍ ꓟꓲ ꓙ[ˍ ꓟ ꓘꓶꓽ ꓔꓯ ꓡꓰꓽ ꓣꓱꓽ ꓢꓲ ꓫꓸ ꓕꓱ ꓗꓴꓸˍꓟ-ꓸ ꓢꓴ ꓐꓰ ꓒꓰꓸ ꓡꓯ ꓘꓳˍ ꓟꓔꓯꓸ  ꓟꓲ ꓤ ꓟꓳ ꓢꓴ ꓥ ꓡꓳ= ꓛꓴꓽ ꓙꓳˍꓟ-ꓸ ꓥꓶˍ ꓟ ꓟꓲ ꓬꓲ ꓔꓯ-ꓸ ꓟꓽ ꓙꓳ= ꓮ ꓕꓯ ꓟꓲ ꓢꓲ ꓟ ꓓꓳꓽ ꓔꓯꓸ ꓡꓰꓽ ꓟꓯꓹ ꓖꓶꓽ ꓠꓲꓹ ꓫꓵˍ ꓡꓳ= ꓟꓳꓸꓸ ꓟꓳꓸ ꓱꓸꓸ ꓱꓸꓸ ꓐꓯ ꓢꓲ ꓟꓲ ꓐꓱꓸꓹ ꓡꓯ ꓘꓳˍ ꓟ ꓠꓲꓹ ꓟ  ꓟꓲ ꓟꓽ ꓙꓳ= ꓮ ꓕꓯꓽ ꓟꓲ ꓠꓶꓽ ꓛꓳꓽ ꓔꓯ ꓬꓰ ꓙ ꓔꓳꓹ ꓙ ꓢꓲ ꓗꓹ ꓛꓲˍ ꓟ-ꓸ ꓠꓲꓹ ꓗꓴ ꓖꓶˍ ꓟ-ꓸ ꓠꓵ ꓠꓲꓹ ꓔꓯ ꓡꓰꓽ ꓖꓶ ꓠꓲꓹ ꓫꓵ ꓢꓴ ꓥ ꓡꓳ= ꓕꓱ ꓡꓱ ꓫꓵꓽ ꓡ ꓞꓳ ꓠꓬ ꓙꓲˍ ꓟ ꓶꓽ ꓓꓳꓽ ꓔꓯ ꓟꓯꓸꓹ ꓢꓴ ꓥ ꓡꓳ=

2ꓥꓶˍ ꓟ ꓓꓳꓽ ꓔꓯ ꓟꓯꓸꓹ ꓢꓴ

ꓥꓶˍ ꓟ ꓓꓳꓽ ꓔꓯ ꓟꓯꓸꓹ ꓢꓴ ꓠꓬ ꓮ ꓡꓰ ꓫꓵꓼ ꓡ ꓞꓳˍ ꓥ ꓡ?= ꓬꓲ ꓠꓬ ꓙꓲˍ ꓟ ꓶꓽ ꓓꓳꓽ ꓟꓯꓸꓹ ꓢꓴ ꓐꓰ ꓒꓳ ꓔꓳꓹ ꓢꓲ ꓬꓰ ꓢꓴ ꓥ ꓡꓳ= ꓬꓲ ꓛꓲ ꓬꓰ ꓟ ꓮ ꓡꓰ ꓗꓪ ꓟꓲ ꓟꓽ ꓙꓲ ꓟ ꓘꓶꓽ ꓔꓯ ꓣꓱꓽ ꓢꓑ ꓫꓸ ꓕꓱˍ ꓟ-ꓸ ꓒꓰꓸ ꓡꓯ ꓘꓳˍ ꓟ-ꓸ ꓠꓲꓹ ꓟ ꓧꓶˍ ꓟ-ꓸ ꓛꓴꓽ ꓙꓳ ꓠꓲꓹ ꓫꓵ ꓢꓴ ꓥ ꓡꓳ= ꓠꓲꓹ ꓟ-ꓸ ꓟꓷꓽ ꓠꓷꓹ-ꓸ ꓣꓱꓽ ꓬꓰˍ ꓟ ꓗꓪ ꓠꓲꓹ ꓢꓶꓼˍ ꓟ ꓠꓲꓹ ꓟ ꓗꓪ ꓐꓰ ꓡꓰ ꓬꓰ ꓢꓴ ꓥ ꓡꓳ= ꓠꓶꓽ ꓛꓳꓽ ꓐꓱ ꓶ ꓟ ꓓꓳꓽ ꓙ ꓖꓶꓽ ꓢꓴ ꓥ ꓡꓳ= ꓬꓲꓸ ꓚꓲꓸ ꓛꓬ ꓐꓱ ꓶ ꓡꓰꓽ ꓓꓳꓽ ꓙ ꓢꓴ ꓥ ꓡꓳ= ꓚꓳꓸꓸ ꓡꓳ ꓚꓳꓸꓸ ꓫꓵ ꓢꓴ ꓔꓯ ꓮ ꓕꓯˍ ꓟꓲ ꓠꓲꓹ ꓟ ꓫꓸ ꓓꓴ ꓡꓰ ꓬꓰ ꓖꓶˍ ꓡꓳ= ꓕꓱ ꓡꓱ ꓫꓵ ꓡ ꓞꓳ ꓠꓬ ꓶꓽ ꓓꓳꓽ ꓔꓯ ꓮ ꓕꓯꓽ ꓟꓲ ꓠꓲꓹ ꓟꓽ ꓫꓵ= ꓣꓳ ꓢꓲ ꓫꓬ ꓕꓳ ꓶ ꓗꓪ ꓟꓲ ꓮ ꓔꓲ ꓤ ꓡꓳ ꓠꓬꓲ ꓡꓯ=(ꓟꓔ 13ꓽ 36-43) ꓪꓴ-ꓢ ꓠꓬ ꓙꓲˍ ꓟ ꓬꓲꓸ ꓔꓯ ꓡꓰꓽ ꓞꓳ ꓤ ꓠꓲꓹ ꓟ ꓘꓴꓽ ꓗꓪ ꓫꓵꓸ ꓔ ꓡꓳ= ꓖꓳ ꓡꓱ ꓥ ꓟꓲ ꓠꓲꓽ ꓢ ꓓꓯ ꓟꓲ ꓢꓸꓸ ꓘꓴ ꓗꓪ ꓡ ꓢꓲˍ ꓟꓽ ꓙꓲ ꓟ ꓬꓲꓸ ꓫꓵꓸ ꓫꓵꓸˍ ꓡꓳ= ꓖꓳ ꓡꓱ ꓥ ꓟꓲ ꓙꓲˍ ꓟ ꓐꓰ ꓟ ꓙꓲꓸꓹ ꓟ ꓟꓳꓽ ꓜꓶ ꓕꓲ ꓡꓰꓸ ꓣꓱꓸꓸ ꓡˍ ꓡꓳ= ꓖꓳ ꓡꓱ ꓠꓬꓲ ꓬꓲꓸ ꓝꓲ ꓙꓳˍ ꓕꓯ ꓡꓰ ꓟꓽ ꓙꓲꓸꓹ ꓟ ꓟꓳꓼ ꓜꓶ ꓔꓯꓸ ꓚꓵꓼ ꓩꓴ ꓗꓷ ꓠ ꓗˍ ꓡꓳ= ꓟ ꓥ ꓕꓯ ꓠ ꓟꓽ ꓙꓲꓸꓹ ꓟ ꓟꓳꓼ ꓜꓶ  ꓧꓪꓸ ꓡꓰ ꓢꓲ ꓪꓴ-ꓢ ꓖꓶ ꓔ ꓟ ꓙꓲˍ ꓟ ꓠꓲꓹ ꓟ ꓐꓬꓸꓸ ꓡꓰˍ ꓥꓳ= ꓖꓳ ꓡꓰ ꓠꓬꓲ ꓣꓳꓽ ꓥ ꓟꓲ ꓣꓳꓽ ꓠꓲꓹ ꓟ ꓗꓪ ꓮ ꓡꓰ ꓫꓵꓽ ꓕꓲ ꓣꓳ ꓔꓯꓸ ꓫꓱ ꓡ-ꓸ ꓐꓰ ꓓꓵꓽ ꓙ ꓠꓬꓲ ꓡꓯ= ꓖꓳ ꓡꓰ ꓠꓬꓲ ꓮ ꓙꓵꓽ ꓢꓴ ꓔꓯ ꓪꓴ-ꓢ ꓠꓲꓹ ꓡꓶꓽ ꓛꓳꓸꓹ ꓗꓴꓸ ꓢꓴ ꓬꓰ ꓢꓲ ꓙꓲˍ ꓟ ꓓꓳ-ꓸ ꓢꓲ ꓡꓲ ꓟ ꓣꓱꓽ ꓛꓰ ꓦꓸꓸ ꓖꓶ ꓢꓴ ꓬꓰ ꓠꓹ ꓟ ꓢꓯꓼ ꓕꓵꓸꓹꓙꓰ ꓐ ꓡ ꓘꓴ ꓝꓲ=