ꓞꓳ ꓤ ꓒꓶꓸꓹ ꓗꓪ ꓗ ꓛꓲꓽ ꓓꓴ (4) ꓙꓰꓽ

ꓞꓳ ꓤ ꓤꓶꓸꓹ ꓗꓪ ꓗ ꓛꓲꓽ ꓓꓴ 4 ꓙꓰꓽ

ꓠꓲꓹ ꓠꓵꓹ ꓟ ꓣꓦꓮ ꓡꓲ-ꓢꓴ ꓔꓯ ꓠꓹ ꓠ ꓔꓬ ꓢꓴ ꓬꓲꓼ ꓤ ꓠꓬꓲ ꓤ ꓐꓴ ꓮ ꓙꓵꓽ ꓢꓴ ꓧꓪꓸ ꓧꓪ

ꓕꓱ ꓕꓲꓽ ꓠꓬꓲ ꓗꓪ ꓠꓬ-ꓸ ꓣꓳꓽ ꓟꓲ ꓠꓯ ꓞꓳ ꓤ ꓐꓴ ꓟꓲ ꓠꓯꓸꓸ ꓗꓪ ꓢꓲꓼ ꓓꓰ ꓡꓰ ꓟ  ꓟꓷꓼ ꓓꓰꓸꓸ ꓡꓰ ꓟ ꓗ ꓛꓲ_ꓓꓴ ꓕꓱ ꓟ ꓮ ꓡꓰ ꓐꓰ ꓧꓪꓹ ꓠꓯꓹ ꓡ ꓐꓯ ꓟ ꓔꓯ ꓐꓯ ꓟꓳꓸ ꓖꓶꓽ ꓠꓲꓼ ꓫꓵ_ꓡꓳ=

ꓞꓳ ꓤ ꓐꓯ ꓟ ꓠꓬ ꓮ ꓕꓯ_ ꓟꓲ ꓗ- ꓛꓲ ꓠꓲꓹ ꓫꓵ_ꓡꓳ= ꓖꓳ ꓡꓱ ꓥ ꓟꓲ ꓡ ꓞꓳ ꓕꓲꓽ ꓐꓶ ꓠꓬ ꓟꓽ ꓔꓱ ꓟꓽ ꓙꓳꓽ ꓟ ꓚꓱꓹ ꓗꓪ ꓐꓰ ꓗ ꓛꓲ ꓓꓴ ꓔꓯ ꓧꓪ_ꓡꓳ= ꓙꓲꓸꓹ ꓒꓶꓽ ꓓꓳꓸꓹ ꓬꓼ ꓒꓲꓽ ꓛꓵꓼ- ꓟꓽ ꓙꓲ ꓟꓽ ꓙꓳꓽ ꓟ ꓟꓶꓽ ꓬꓰ ꓢꓲꓸ ꓧꓪ ꓢꓴ ꓙꓳ-ꓡꓳ= ꓖꓳ ꓡꓱ ꓥ_ꓟꓲ ꓕꓱ ꓟ ꓠꓬ ꓕꓲꓽ ꓑ ꓤꓹ ꓡꓰ ꓗ ꓛꓲꓽ ꓓꓴ ꓖꓶꓽ ꓐ ꓡ_ ꓡꓳ= ꓟꓽ ꓜꓽ ꓓꓳ ꓔꓬ ꓕꓯ ꓠ-ꓸ ꓟꓽ ꓬꓲꓼ ꓔꓬ ꓕꓯ ꓠ_ ꓠꓲꓹ ꓫꓸ ꓓꓴ ꓡ ꓢꓰ ꓡꓳ=

ꓔꓱ ꓚꓵ ꓟ ꓚꓱꓹ ꓗꓪ ꓐꓰ ꓗ ꓛꓲ_ ꓟ ꓤꓶ ꓟꓶ ꓡꓰ ꓠꓹ ꓟ (4) ꓙꓰꓽ ꓙꓳ ꓡꓳ= ꓠꓴ ꓪ ꓮ ꓫꓵꓽ ꓘꓴ ꓜꓲꓼꓛꓳ ꓗꓪ ꓔꓬ_ ꓟꓲ-ꓸ ꓕꓱ (4) ꓚꓰꓽ ꓟ ꓠꓽ ꓣꓱꓽ ꓬꓯꓼ ꓡꓳ=

(1 )ꓡꓯꓹ ꓠꓹ ꓟ- ꓟꓽ ꓒꓬꓱꓼ ꓡ ꓢꓰꓽ ꓟ ꓔꓯꓸ ꓕꓽ ꓙꓽ ꓫ-ꓸ ꓕꓽ ꓓꓵꓽ ꓙꓽ ꓫꓸ= ꓡꓽ ꓞꓳ ꓕꓲꓽ ꓐꓱ ꓙꓳ ꓟ ꓠꓬ ꓟꓽ ꓡ ꓛꓲ ꓡ ꓟ ꓔꓯꓸ ꓮ ꓘꓶ ꓓꓵꓽ ꓙ ꓢꓲꓸ ꓠꓹ ꓫꓸ ꓗꓴꓸ ꓡꓳ= ꓖꓳ ꓟ ꓒꓬꓱꓼ ꓡ ꓠ ꓮ ꓡꓰ ꓗꓷ ꓡꓰ ꓢꓰ-ꓸ ꓕꓱ ꓡꓱ ꓒꓬꓱꓼ ꓬꓰ ꓠ ꓮ ꓡꓰ ꓥ ꓪ-ꓸ ꓐꓰ ꓟ ꓛꓲ ꓡ ꓢꓰ ꓟ ꓔꓯ ꓸꓓꓵꓽ ꓙ ꓢꓲꓸ ꓠꓲꓸ ꓟ ꓫꓸ ꓔꓬ ꓢꓴ ꓙꓳ_ꓡꓳ= American ꓕꓳꓽ ꓶ 30 ꓒ Maxwell  ꓠꓬ-ꓸ ꓣꓳꓽ ꓓꓵꓽ ꓙ ꓢꓲꓸ ꓙꓳ ꓔꓬ ꓟ (100) ꓟ ꓗꓪ ꓠꓬ (99) ꓙꓰꓽ ꓟ ꓠꓬ ꓟꓽ ꓒꓬꓱꓼ ꓡ ꓡꓳ= ꓖꓳ ꓡꓱ ꓠꓬꓲ ꓟꓽ ꓒꓬꓱꓼ ꓡ ꓟ ꓔꓯ ꓕꓽꓓꓵꓽ ꓙ ꓧꓳꓽ ꓧꓶ=

(2) ꓙꓲꓻ ꓟ ꓡꓰ ꓓꓵꓽ ꓙ = ꓢꓯꓼ ꓙꓳ ꓓꓴ ꓡꓰ ꓓꓵꓽ ꓙ= ꓫꓵꓽ ꓪꓴ ꓕꓲ ꓙꓰꓽ ꓙꓰꓽ ꓓꓳ ꓡ ꓕꓯ-ꓸ ꓟ-ꓸ ꓧꓸꓸ ꓟ ꓔꓯꓸ  ꓟ ꓡꓳꓸ ꓠꓬꓲ ꓠꓬꓲ ꓐꓰ ꓙꓲꓸꓹ ꓟ-ꓸ ꓸ ꓣꓳꓽ ꓔꓯ ꓗ ꓛꓲ ꓡꓰ ꓝꓲ ꓟ ꓔꓯꓸ ꓡꓰ ꓡꓳꓸ ꓠꓬꓲꓸ= ꓮ ꓡꓰꓳ ꓐꓯ ꓠꓬꓲ ꓣꓳ ꓠꓲ ꓟ ꓗꓪ ꓗ ꓛꓲ ꓡꓰ-ꓸ ꓡꓳꓸꓹ ꓡꓳꓸꓹ ꓡꓰꓽ ꓓ ꓠꓬ-ꓸ ꓢꓯꓼ ꓙꓳ ꓪꓽ ꓠꓬꓲ ꓡꓳ=

(3) ꓕꓽ ꓙꓳ- ꓔꓽ ꓝꓲ ꓙꓳ ꓙꓳ ꓡꓰ ꓬꓰ=  ꓟꓲ ꓠꓯ ꓗꓪ ꓠꓬ ꓮ ꓘꓶꓸ ꓗꓳꓸꓸ ꓢꓴ-ꓸ ꓑꓷꓸ ꓢꓴ ꓠꓬ꓾ ꓔꓬ ꓖꓴ ꓙꓲꓸꓹ ꓙꓲꓸꓹ ꓟꓶ_ꓥꓳ= ꓠꓴꓽ ꓠꓴꓽ ꓡꓰ ꓞꓳ ꓫꓵꓽ ꓢꓴ  ꓠꓬ ꓔꓬ ꓖꓴ ꓟ ꓟꓶ=  ꓢꓲꓸ ꓒꓬ ꓕꓯꓽ ꓢꓲ ꓗꓪ ꓧꓳꓸꓸ ꓜꓲꓼ ꓔꓯꓸ ꓓꓶꓽ ꓐꓶ ꓗꓪ ꓐꓰ ꓓꓶꓽ ꓠꓬ ꓢꓲꓸ ꓒꓬꓸ ꓘꓴꓽ ꓗꓪ ꓓꓵꓽ ꓙꓰ ꓡꓳ ꓟ ꓥ ꓡ? ꓢꓲꓸ ꓒꓬ ꓠꓬ ꓗꓳꓸ ꓮ ꓟꓲ-ꓸ ꓧꓳꓸ ꓜꓲ ꓠꓬ ꓪ ꓝꓲ ꓗꓳꓸꓸ ꓟ ꓑꓶꓸ ꓓꓴ ꓧꓳꓽ ꓜꓲ ꓔꓬ_ ꓖꓴ ꓟꓶ ꓡꓳ= ꓟꓲ ꓠꓯꓸꓸ ꓗꓪ ꓠꓬ ꓮ ꓘꓶꓸ ꓙꓳ ꓗꓴꓸ ꓢꓴ ꓐꓱ ꓶ ꓔꓬ ꓖꓴ ꓟ ꓙꓳ=

(4) ꓠꓵꓹ ꓠꓲꓹ ꓙꓳ= ꓟꓲꓹ ꓠꓯ ꓗꓪ ꓮ ꓙꓵꓽ ꓡꓱꓸ ꓟ ꓗꓪ ꓬꓮꓳꓸ ꓚꓲꓽ ꓓꓰ ꓡꓰ ꓟ ꓠꓬ-ꓸ ꓠꓵꓹ ꓠꓲ ꓥ ꓡꓳ= ꓮ ꓘꓶꓸ ꓠꓲꓹ ꓠꓵ ꓗꓴꓸ ꓢꓴ ꓠꓬꓸ ꓮ ꓘꓶꓸ ꓗ_ ꓛꓲ ꓡꓳ= ꓟ ꓙꓳꓽ ꓠꓬ ꓬꓲꓸ ꓖꓳꓽ ꓥꓳ= ꓖꓳ ꓡꓱ ꓠꓬꓲ-ꓸ ꓕꓲꓽ ꓣꓳ ꓛꓳꓽ ꓕꓲ ꓣꓳ ꓠꓲꓹ ꓠꓵꓹ-ꓸ ꓢꓶ ꓜꓲ ꓢꓶ ꓟꓲ ꓔꓯ_ꓟꓶ ꓠꓲꓹ ꓠꓵ-ꓸ ꓙꓰꓽ ꓤ ꓙꓰꓽ ꓟꓲ ꓔꓯꓸ ꓟꓲ ꓟꓲꓹ ꓠꓵ= ꓖꓳ ꓡꓱ ꓠꓬ ꓠꓲ ꓠꓵ ꓠꓯ ꓗꓪ ꓮ ꓕꓯ_ꓟꓲ ꓗꓛꓲ ꓛꓲꓽ ꓡꓰ ꓔꓬ_ ꓪ ꓥꓳ=