Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓞꓳ ꓤ ꓫꓸ ꓔ ꓟ ꓠꓬ ꓫꓸ ꓔꓳ ꓓꓴ ꓟꓽ ꓥ-ꓸ ꓠꓵ ꓠꓲꓹ ꓟꓽ ꓞꓳ ꓟ ꓡꓰꓽ ꓫꓸ ꓔꓳ ꓓꓴ ꓥ ꓡꓳ
ꓞꓳ ꓤ ꓫꓸ ꓔ ꓟ ꓠꓬ ꓫꓸ ꓔꓳ ꓓꓴ ꓟꓽ ꓥ-ꓸ ꓠꓵ ꓠꓲꓹ ꓟꓽ ꓞꓳ ꓟ ꓡꓰꓽ ꓫꓸ ꓔꓳ ꓓꓴ ꓥ ꓡꓳWednesday, April 07, 2021
ꓞꓳ ꓤ ꓫꓸ ꓔ ꓟ ꓠꓬ ꓫꓸ ꓔꓳ ꓓꓴ ꓟꓽ ꓥ-ꓸ ꓠꓵ ꓠꓲꓹ ꓟꓽ ꓞꓳ ꓟ ꓡꓰꓽ ꓫꓸ ꓔꓳ ꓓꓴ ꓥ ꓡꓳ= ꓢꓷꓸ ꓠꓲꓹ ꓟꓽ ꓢꓷꓸ ꓔ ꓟ ꓠꓬ ꓫꓸ ꓔꓳ ꓓꓴ ꓟ ꓥ= ꓙꓲꓸꓹ ꓟ ꓐꓰ ꓟꓽ ꓙꓲꓸꓹ ꓟꓽ ꓔꓯ ꓢꓷꓸ ꓟꓽ ꓐ ꓡ ꓟ ꓡꓰꓽ ꓫꓸ ꓔꓳ ꓓꓴ ꓥꓳ= ꓣꓳ ꓒꓬꓱ ꓟꓽ ꓐꓲ ꓟˍ ꓟꓲ ꓫꓸ ꓔꓳ ꓓꓴ ꓟꓽ ꓥ-ꓸ ꓠꓲꓹ ꓟ ꓖꓳꓼ- ꓟ ꓡꓰꓽ ꓫꓸ ꓔꓳ ꓓꓴ ꓥ ꓡꓳ=
ꓟꓽ ꓢꓷꓸ ꓔ ꓟ ꓠꓲ ꓫꓸ ꓔꓳ ꓓꓴ ꓟꓽ ꓥ-ꓸ ꓟ ꓢꓷꓸ ꓔ ꓟ ꓔꓯ ꓢꓷꓸ ꓔ ꓪ ꓡꓰ ꓬꓰˍ ꓟ ꓡꓰꓽ ꓫ ꓔꓳ ꓓꓴ ꓥ ꓡꓳ= ꓛꓲ ꓠꓲꓸꓹ ꓟꓽ ꓠꓲꓸꓹ ꓔ ꓟ ꓠꓬ ꓫꓸ ꓔꓳ ꓓꓴ ꓟ ꓥ ꓬꓲꓸ ꓫꓱꓹ ꓟ ꓶꓲꓸꓹ- ꓡꓰꓽ ꓫꓸ ꓔꓳ ꓓꓴ ꓥ ꓡꓳ= ꓠꓲꓹ ꓠꓵ ꓢꓴ ꓡꓰ ꓡꓳꓸꓸ ꓒꓰꓹ ꓟ ꓟꓶ ꓗꓷˍ ꓟ ꓠꓬ ꓫꓸ ꓔꓳ ꓓꓴ ꓟ ꓥ ꓠꓵ ꓠꓲꓹ ꓑꓶꓸ ꓓꓴ ꓤꓶ ꓐꓬ ꓡꓰˍ ꓟ ꓡꓰꓽ ꓫꓸ ꓔꓳ ꓓꓴ ꓥ ꓡꓳ= ꓛꓳꓸ ꓡꓰˍ ꓫꓴꓸꓹ ꓡꓰˍ ꓟ ꓠꓬ ꓫꓸ ꓔꓳ ꓓꓴ ꓟꓽ ꓥ= ꓛꓳꓸ ꓡꓰˍ ꓟ-ꓸ ꓫꓴꓸꓹ ꓡꓰˍ ꓟ ꓔꓯ ꓙꓳ ꓢꓲ-ꓸ ꓟꓽ ꓢꓯꓼ ꓕꓵꓼ ꓬꓰˍ ꓔꓯ ꓡꓰꓽ ꓫꓸ ꓔꓳ ꓠꓯꓹ ꓡꓳ=
ꓟꓬꓱꓽ ꓬꓰ ꓢꓴ ꓐꓴ ꓥ ꓟꓲ ꓫꓸ ꓔꓳ ꓓꓴ ꓟꓽ ꓥ-ꓸ ꓟꓬꓱꓽ ꓟꓽ ꓬꓰ ꓬꓰ ꓔꓬ ꓢꓴ ꓐꓴ ꓡꓰꓽ ꓫꓸ ꓔꓳ ꓓꓴ ꓥ ꓡꓳ= ꓛꓲ ꓫꓵꓸꓹ ꓡꓯꓼ ꓫꓵꓸꓹ ꓟ ꓔꓯ ꓠꓲꓹ ꓟ ꓙꓬꓸꓹ ꓡꓰ ꓓꓴ ꓟꓽ ꓥ= ꓛꓲ ꓒꓯꓹ ꓡꓯ ꓒꓯꓹ ꓙꓲꓸꓹ ꓢꓲ ꓬꓰ ꓐ ꓡ ꓟ ꓔꓯ-ꓸ ꓥꓪ ꓠꓬ ꓟꓽ ꓐ ꓡ ꓐꓯ ꓢꓲ ꓐꓴ ꓔꓬ ꓟ ꓡꓰꓽ ꓫꓸ ꓔꓳ ꓓꓴ ꓥ ꓡꓳ= ꓟꓲ ꓠꓯ ꓗꓪ ꓮ ꓡꓲ ꓟ ꓥˍ ꓟꓲ ꓣꓳ ꓐ ꓡ ꓟ ꓕꓲ ꓒꓳ ꓗꓪ ꓐꓰ ꓟꓬꓱꓽ ꓬꓰ ꓢꓯꓼ ꓕꓵꓼ ꓔꓬ ꓟ ꓥ ꓡꓳ= ꓖꓳ ꓡꓰ ꓐꓯ ꓥ ꓟꓲ ꓕꓲ ꓐꓶ ꓠꓬ ꓟ ꓙꓲꓸꓹ ꓟ ꓕꓲ ꓒꓳ ꓗꓪ ꓐꓰ ꓟꓬꓰꓽ ꓬꓰ ꓔꓬ ꓡꓳ= ꓕꓱ ꓟ ꓠꓬ ꓟꓽ ꓜꓳꓽ =
ꓙꓲꓸꓹ ꓟ ꓕꓲ ꓒꓳꓹ ꓗꓪ ꓐꓰ ꓟꓬꓱꓽ ꓬꓰ ꓢꓯꓼ ꓕꓵꓼ ꓔꓬ ꓐꓭˍ ꓠꓬ ꓙ ꓖꓴ ꓘꓶꓽ ꓗꓪ ꓢꓴ ꓡꓰ ꓡꓳꓸꓸ ꓦ ꓗꓷ ꓔ ꓟ ꓔꓯ ꓖꓳ ꓢꓴ ꓚꓲ ꓛꓬ ꓜ ꓓꓴ ꓐꓱ ꓶ ꓫꓪꓸꓸ ꓔꓬ ꓟ ꓟꓬꓱꓽ ꓥˍ ꓟꓲ ꓬꓲꓸ ꓒꓵꓽ ꓙꓳˍ ꓡꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment