ꓟꓽ ꓠꓽ ꓠꓽ ꓡꓯꓽ ꓒꓯꓹ ꓞꓲˍ ꓟ ꓐꓰ ꓬꓲꓸ ꓗꓳꓸ ꓙꓲꓸꓹ ( Family)

ꓠꓲꓹ ꓠꓵ ꓟ ꓬꓲꓸ ꓤ ꓠꓬꓲ ꓤ ꓐꓴꓳ꓾ ꓠꓬꓲꓸ ꓠꓬꓲ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱꓹ ꓗꓪ Aroje ꓕꓳꓽ ꓶ ꓗꓪ ꓐꓰ ꓠꓯꓸꓸ ꓞꓲꓼ ꓟꓸ ꓟ ꓓ ꓟ Dr.Myat San Kyaw ꓡꓰ ꓐꓯ ꓟꓸ ꓖꓶ ꓔꓽ ꓟ ꓟꓽ ꓠꓽ ꓠꓽ ꓡꓯꓽ ꓒꓯꓹ ꓞꓲˍ ꓟ ꓐꓰ ꓬꓲꓸ ꓗꓳꓸ ꓙꓲꓸꓹ ꓐꓯ ꓟ ꓚꓰꓹ ꓔꓯ ꓢꓷꓸ ꓙ ꓟꓳ ꓙ ꓩꓴ ꓡ ꓥꓳ= 
ꓡꓯꓽ ꓒꓯꓹ ꓞꓲˍꓟ ꓡꓯꓽ ꓒꓯꓹ ꓞꓲˍ ꓐꓯ ꓟ ꓠꓬ ꓬꓲꓸ ꓗꓳꓸ ꓙꓲꓸꓹ ꓢꓲ ꓫꓬ ꓠꓹ ꓟ ꓐꓱ ꓶ ꓮ ꓘꓶꓸ ꓣꓳꓸꓹ ꓚꓵꓸꓸ ꓡꓳ= ꓡꓯꓽ ꓒꓯꓹ ꓟ ꓞꓲˍ ꓐꓯ ꓠꓬ ꓡꓯꓽ ꓒꓯꓹ ꓗꓪ ꓐꓰ ꓕꓲ ꓝꓸ ꓧꓪ ꓖꓳ ꓓꓱ ꓬꓲꓸ ꓘꓴꓽ ꓗꓪ ꓓꓵ ꓡꓰ ꓢꓲ꓾ꓦꓲꓸꓹ ꓟ ꓖꓼ ꓖꓳ ꓓꓱꓽ ꓞ ꓪꓴꓸ ꓓꓵ ꓠ ꓬꓲꓸ ꓗꓳꓸ ꓙꓲꓸꓹ ꓠꓸꓹ ꓟ ꓕꓱ ꓡꓱ ꓫꓵꓽ ꓔꓳꓹ ꓜꓳ ꓡ ꓥꓳ= ꓖꓳ ꓟ ꓡꓰ ꓐꓰ ꓟꓽ ꓞꓲ ꓪꓴꓸꓸꓑꓳꓸꓹ ꓠꓸꓹ ꓫꓵꓽ   ꓐꓯ ꓟ ꓥˍ ꓟꓲ ꓠꓸꓹ ꓡ ꓥꓳ= ꓬꓲꓸ ꓗꓳꓸ ꓙꓲꓸꓹ ꓐꓯ ꓟ ꓠꓬ ꓣꓳ ꓧꓪ ꓖꓳ ꓓꓱꓽ ꓠꓯꓸꓹ ꓟꓽ ꓙꓳ ꓟ ꓓˍ ꓟ ꓕꓲ ꓫꓵꓽ ꓥ ꓡꓳ= 
ꓣꓳ ꓙ ꓟꓳ ꓠꓸꓹ ꓔ ꓟ ꓠꓬ ꓡꓯꓽ ꓒꓯꓹ ꓟꓽ ꓠꓽ ꓠꓽ ꓞꓲˍ ꓟ ꓠꓬ ꓬꓲꓸ ꓗꓳꓸ ꓙꓲꓸꓹ ꓔꓯ ꓟꓲ ꓐꓬ ꓡꓰ ꓝꓲ ꓟ ꓥˍ ꓡꓳ= ꓣꓳ ꓡꓯꓽ ꓒꓯꓹ ꓞꓲ ꓓꓴ ꓢꓳꓮꓑ ꓕꓱ ꓟ ꓗꓪ ꓮ ꓚꓲꓓ ꓮ ꓘꓶꓸ ꓐˍ ꓟ ꓢꓳꓮꓑ ꓡꓰ ꓡꓯꓽ ꓒꓯꓹ ꓞꓲ ꓜꓯꓼ ꓬꓲ ꓐꓭ ꓠꓬ ꓣꓳ ꓠꓯꓸꓹ ꓗꓪ ꓙꓳ ꓟ ꓬꓲꓸ ꓗꓳꓸ ꓙꓲꓸꓹ ꓥˍ ꓟꓲ ꓐꓬ ꓡꓰ ꓡ ꓥꓳ= ꓖꓳ ꓟ ꓑꓶꓸ ꓓꓴ ꓣꓳ ꓡꓯꓽ ꓒꓯꓹ ꓞꓲ ꓕꓯ ꓥˍꓟꓲ ꓮ ꓚꓲꓓ ꓮ ꓘꓶꓸ ꓟ ꓙꓳ ꓟ ꓡꓯꓽ ꓒꓯꓹ ꓞꓲ ꓓꓴ ꓔꓯ ꓧꓪ ꓢꓲ꓾ ꓣꓳ ꓣꓱꓽ ꓓꓴ ꓬꓰ ꓡꓯ= 
ꓚ-ꓟꓲ-ꓚ ꓐꓰ ꓮ ꓚꓲꓓ ꓐˍ ꓟ  ꓡꓯꓽ ꓒꓯꓹ ꓞꓲ ꓓꓴ ꓔꓯ ꓟꓶ ꓫꓵꓽ ꓡꓰ ꓠꓹ ꓣꓱꓽ ꓗꓷ ꓐꓭ ꓠꓬ ꓡꓯꓽ ꓒꓯꓹ ꓗꓪ ꓠꓸꓹ ꓓꓴ ꓙꓳ ꓡ ꓟ ꓡꓰ ꓟꓽ ꓞꓲ ꓮ ꓫꓵꓽ ꓡꓲ ꓣꓱꓽ ꓟꓽ ꓙꓵ ꓗꓷ ꓡꓰ ꓡ ꓥꓳ= ꓣꓳ ꓡꓯꓽ ꓒꓯꓹ ꓗꓪ ꓠꓸꓹ ꓓꓴ ꓗꓷ ꓡꓰ ꓡ ꓕꓯ ꓥˍ ꓟꓲ ꓞꓸ ꓞ ꓠꓯꓸꓸ ꓞꓲꓼ ꓫꓬ ꓢꓲ꓾ ꓚ-ꓟꓲ-ꓚ ꓐꓰ ꓮ ꓚꓲꓓ ꓟꓽ ꓐˍ ꓟ ꓢꓳꓮꓑ ꓔꓯ ꓞ ꓞ ꓣꓱꓽ ꓪ ꓡꓰ ꓝꓲ= ꓚ-ꓟꓲ-ꓚ ꓐꓰ ꓮ ꓚꓲꓷ ꓟ ꓐˍ ꓟ ꓢꓳꓮꓑ ꓔꓯ ꓣꓱꓽ ꓢꓲ꓾ ꓧꓪ ꓖꓳ ꓓꓱꓼ ꓔꓬ ꓢ ꓠꓹ ꓟ ꓐꓱ ꓶ ꓡꓯꓽ ꓒꓯꓹ ꓔꓯ ꓮ ꓕꓯ ꓥˍ ꓟꓲ ꓢꓲ ꓢꓲ ꓫꓬ ꓫꓬ ꓗꓷ ꓠꓹ ꓟ ꓣꓳ ꓢꓯꓼ ꓔꓵꓼ ꓙꓰ ꓓꓴ ꓬꓰ ꓡꓯ=