Cancer ꓠꓸꓹ ꓫꓵꓽ ꓠꓸꓹ ꓔꓬ ꓢꓴ ꓐꓰ ꓞꓲ; ꓣꓳˍ ꓤ ꓠꓱ ꓤ ꓐꓴ ꓔꓯ ꓮ ꓡꓰ ꓫꓵꓽ ꓠꓬ ꓖꓶ ꓜꓽ ꓓˍ ꓟ ꓮ ꓡꓰ ꓫꓵꓽ ꓠꓬ ꓖꓶ ꓜꓽ ꓟ ꓓ ꓐꓯ ꓟ ꓚꓱꓹ

Cancer ꓠꓸꓹ ꓫꓵꓽ ꓠꓸꓹ ꓔꓬ ꓢꓴ ꓐꓰ ꓞꓲ; ꓣꓳˍ ꓤ ꓠꓱ ꓤ ꓐꓴ ꓔꓯ ꓮ ꓡꓰ ꓫꓵꓽ ꓠꓬ ꓖꓶ ꓜꓽ ꓓˍ ꓟ ꓮ ꓡꓰ ꓫꓵꓽ ꓠꓬ ꓖꓶ ꓜꓽ ꓟ ꓓ ꓐꓯ ꓟ ꓚꓱꓹ ꓔꓯ ꓟꓳꓸ ꓠꓲꓹ ꓠꓵ ꓟ ꓬꓲꓸ ꓤ ꓠꓬꓲ ꓤ ꓐꓴ ꓔꓯ ꓢꓷꓸ ꓙ ꓟꓳ ꓙ ꓩꓴ ꓡ ꓥꓳ=
Cancer ꓠꓸꓹ ꓫꓵꓽ ꓠꓸꓹ ꓔꓬ ꓢꓴ ꓐꓴ ꓔꓯ ꓜꓽ ꓓꓴ ꓓꓳ ꓓꓴ ꓤ ꓟꓳ ꓝꓲꓼˍ ꓟ ꓠꓬ Cancer ꓠꓸꓹ ꓫꓵꓽ ꓟꓽ ꓔ ꓡ ꓟ ꓡꓰ ꓐꓰ ꓧꓪꓽ ꓖꓳꓼ ꓓꓱ ꓥˍ ꓟꓲ ꓟꓬ ꓠꓬꓲ ꓢꓯꓹ ꓐ ꓡ ꓓꓴ ꓬꓲꓸ ꓚꓱꓹ ꓥ ꓡꓳ= ꓠꓯꓸꓸ ꓞꓲꓼ ꓠꓸꓹ ꓓꓴ ꓢꓯꓼ ꓔꓯ ꓗ ꓔꓽ ꓐ ꓠꓸꓹ ꓟ ꓐꓱ ꓶ ꓧꓪꓽ ꓖꓳꓼ ꓓꓱ ꓙꓲꓸꓹ ꓖꓴ ꓙꓳˍ ꓟ ꓜꓽ ꓫꓵ ꓔꓯ ꓮ ꓘꓶꓸ ꓜꓽ ꓪ ꓡꓰ ꓝꓲ ꓠꓹ ꓟ ꓣꓳꓸꓚꓵꓸꓸ ꓡꓳ=  
1ꓸ ꓬꓲꓸꓹ ꓙꓬ ꓐꓰ ꓗꓳꓸꓹ ꓬꓲꓸꓹ
ꓖꓶ ꓓꓳ ꓓˍꓟ ꓚꓸ ꓦ ꓟ ꓬꓲꓸꓹ ꓙꓬ ꓚꓸ ꓦ ꓟ ꓬꓲꓸꓹ ꓙꓬ ꓡꓰ ꓪꓽ ꓗꓸ ꓬꓰ ꓦ ꓟ ꓚꓸ ꓦ ꓟ ꓬꓲꓸꓹ ꓙꓬꓼ ꓡꓰ ꓗꓳꓸꓹ ꓬꓲꓸꓹ ꓬꓰ ꓦ ꓟ ꓦꓲꓸꓹ ꓘꓴꓽ ꓗꓪ ꓢꓲ ꓢꓲ ꓫꓬ ꓫꓬ ꓫꓬꓹ ꓦ ꓟ ꓬꓲꓸꓹ ꓙꓬ ꓐꓰ ꓗꓳꓸꓹ ꓬꓲꓸꓹꓔꓯ ꓡꓰ ꓖꓶ ꓓꓳ ꓓˍ ꓡꓳ= 
ꓖꓶ ꓓꓳ ꓟ ꓓˍ ꓟ ꓟꓽ ꓚꓸ ꓦ ꓟ ꓬꓲꓸꓹ ꓙꓬ ꓪꓽ ꓚꓵ ꓗꓪ ꓐꓰ ꓬꓲꓸꓹ ꓡ ꓟ ꓬꓲꓸꓹ ꓙꓬ ꓪꓽ ꓗꓸ ꓗꓳꓸꓹ ꓬꓲꓸꓹ ꓓꓳ ꓓꓰ ꓖ ꓫꓬꓹꓦ ꓟ ꓗꓳꓸꓹꓬꓲꓸꓹ ꓖꓮꓢ ꓐ ꓟ ꓗꓳꓸꓹ ꓬꓲꓸꓹ ꓢꓶꓽ ꓢꓶꓽ ꓗꓳꓸꓹ ꓬꓲꓸꓹ ꓟ ꓚꓵ ꓬꓲꓸꓹ ꓕꓱ ꓡꓱ ꓫꓵꓽ ꓔꓯ ꓠꓬ ꓖꓶ ꓜꓽ ꓟꓽ ꓔ=
2ꓸꓜꓽ ꓳꓽ ꓫꓸꓹ
ꓖꓶ ꓜꓽ ꓓˍꓟ  ꓜꓽ ꓫꓪꓸꓹ ꓮꓸ ꓗꓸ ꓩꓴꓸꓹ ꓐꓲꓹ ꓳꓽ ꓫꓸꓹ ꓧꓶꓸꓹ ꓐꓲꓹ ꓕꓱ ꓡꓱ ꓫꓵꓽ ꓔꓯ ꓚꓸ ꓢꓲ꓾ ꓖꓶ ꓜꓽ ꓓˍ ꓡꓳ=
ꓖꓶ ꓜꓽ ꓟ ꓓˍ ꓟ ꓜꓽ ꓓꓰ ꓖ ꓫꓬꓹ ꓦ ꓟ ꓕꓲ ꓧꓶ ꓞ ꓦ ꓟ ꓜꓽ ꓫꓵꓽ ꓐꓰ ꓮ ꓘꓶꓸ ꓚꓲˍ ꓟ ꓜꓽ ꓫꓵꓼ ꓔꓯ ꓕ ꓖꓶ ꓜꓽ ꓪ ꓡꓰ ꓝꓲ=
3ꓸ ꓮ ꓠꓳꓸꓹ ꓬꓲꓸ ꓫꓵꓽ ꓬꓲ ꓙꓰ 
ꓖꓶ ꓜꓽ ꓓˍ ꓟ ꓧꓪꓽ ꓖꓳꓽ ꓓꓱꓼ ꓙꓲꓸꓹ ꓖꓴ ꓙꓳ ꓠꓸꓹ ꓟ ꓮ ꓠꓳꓸꓹ ꓬꓲꓸ ꓫꓵꓽ ꓬꓲ ꓙꓰ ꓔꓯ ꓮ ꓘꓶꓸ ꓖꓶ ꓜꓽ ꓪ ꓡꓰ ꓝꓲ= 
4ꓸꓢꓶꓽ ꓢꓶꓽ ꓡꓳ ꓢꓶꓽ 
ꓖꓶ ꓜꓽ ꓓˍ ꓟ ꓠꓬ ꓬ ꓟ ꓕꓴꓼ ꓧꓪꓽ ꓗꓳꓸꓹ ꓢꓷꓽ ꓟꓳ-ꓓꓳ ꓖꓸ ꓢꓶꓽ ꓫꓵꓽ ꓛꓲꓹ ꓢꓶꓽ ꓒꓵꓽ ꓙꓵꓽ ꓢꓶꓽ ꓐꓴ ꓖꓶ ꓕ ꓡꓳ=
ꓖꓶ ꓜꓽ ꓟ ꓓˍ ꓟ ꓠꓬ Strawberry ꓢꓶꓽ ꓛꓱꓼ ꓡꓱꓼ ꓢꓶꓽ ꓧꓶꓽ ꓒ ꓢꓶꓽ ꓢꓶꓽ ꓥ ꓡꓳ=
5ꓸ ꓢꓲꓽ ꓛꓬ ꓡꓳ ꓛꓬ ꓐꓰ ꓢꓶꓽ ꓢꓶꓽ ꓡꓳ ꓢꓶꓽ 
ꓖꓶ ꓜꓽ ꓓˍ ꓟ ꓢꓲꓽ ꓛꓬ ꓡꓳ ꓛꓬ ꓐꓰ ꓢꓶꓽ ꓢꓶꓽ ꓡꓳ ꓢꓶꓽ ꓔꓯ ꓬꓲꓸꓹ ꓙꓬ ꓡꓰ ꓮ ꓟꓬꓹ ꓧꓪ ꓞꓲꓼ ꓢꓲ꓾ ꓖꓶ ꓜꓽ ꓪ ꓡꓰ ꓝꓲ= ꓟꓬ ꓠꓬꓲ ꓐꓭ ꓠꓬꓲ ꓳꓽ ꓛꓬ ꓛꓵ ꓔꓯ ꓮ ꓘꓶꓸ ꓖꓶ ꓜꓽ ꓪ ꓡꓰ ꓝꓲ=