ꓮ ꓘꓶꓸ ꓐꓲˍ ꓟ ꓟꓹ ꓟ ꓡꓯ: ꓒꓯ,

ꓮ ꓘꓶꓸ ꓐꓲˍ ꓟ ꓟꓹ ꓟ ꓡꓯ: ꓒꓯ,

ꓮ: ꓠꓱ ꓕꓯ ꓟ ꓟꓹ ꓕꓲ ꓣꓳ ꓠꓯ; ꓗꓪ ꓤ ꓠꓱ ꓤ ꓕꓲ ꓣꓳ ꓔꓬ ꓡꓳ= ꓟꓹ ꓟ ꓠꓬ ꓬꓲ ꓤ ꓠꓱ ꓔꓯ ꓮ ꓘꓶ. ꓠꓲꓹ ꓠꓵ_ ꓡꓳ= ꓕꓲ ꓠꓬꓲ ꓛꓲ ꓡ ꓕꓯ ꓬꓲ ꓤ ꓠꓱ ꓔꓯ ꓬꓲꓼ ꓔ ꓖꓴ ꓟ ꓬꓲ ꓫꓵꓸ ꓦꓲ ꓢꓲ꓾ ꓬꓲ ꓪ ꓛꓳ ꓒꓯꓹ ꓦꓲꓸꓹ ꓗꓪ ꓗꓹ ꓙꓰ_ ꓡꓳ= ꓟꓶꓻ ꓤ ꓟꓽ ꓡꓳꓼ ꓕꓯ ꓬꓲ ꓢꓯꓼ ꓕꓲ ꓟ ꓑ ꓙ ꓡꓳ= ꓮ ꓔꓳꓸ ꓢꓰꓼ ꓟꓳ-ꓓꓳ ꓢꓯꓼ ꓥ ꓟꓲ ꓑ ꓙ_ ꓡꓳ= ꓟꓽ ꓟꓶ ꓫꓵꓸꓸ ꓕꓯ ꓦꓲꓸꓹ ꓕꓲ ꓦꓲꓸꓹ ꓮ ꓔꓳꓸ ꓐꓬ ꓡꓰ ꓟ ꓔꓯ  ꓞꓳ ꓘꓹ ꓗꓪ ꓟ ꓞꓳ ꓪꓴꓽ ꓕꓲ ꓣꓳ ꓡꓰ ꓐꓯ ꓟꓸ ꓖꓶ ꓡ ꓡꓳ= ꓖꓳ ꓕꓯ ꓬꓲ ꓠꓬ ꓠꓲꓹ ꓟ ꓮ ꓘꓶꓸ ꓫꓸ ꓡꓰ ꓢꓲ꓾ ꓠꓲꓹ ꓞ ꓦꓲꓸꓹ ꓘꓴꓽ ꓗꓪ ꓡ ꓙꓰ ꓕꓯ ꓬꓲ ꓦꓲꓸꓹ ꓮ ꓔꓳꓸ ꓐꓬ ꓡꓰ ꓟ ꓔꓯ ꓬꓲ ꓡꓳꓸ ꓟꓳ ꓗꓷ ꓪ= ꓖꓳ ꓗꓪ ꓮ ꓔꓳꓸ ꓢꓰꓽ ꓙ ꓢꓴ ꓐꓴ ꓐꓰ ꓞꓳ ꓘꓹ ꓗꓪ ꓟ ꓫꓵꓽ ꓤ ꓧꓪ ꓤ ꓐꓴ ꓡꓰ ꓬꓰ ꓙ ꓥ ꓟꓲ ꓦꓲꓸꓹ ꓘꓴꓽ ꓠꓬ ꓮ ꓔꓳꓸ ꓐꓬ ꓡꓰ ꓪ=

ꓟꓹ ꓟ ꓬꓲ ꓠꓬ ꓬꓲ ꓤ ꓠꓱ ꓔꓯ ꓙ ꓟꓶ ꓛꓲ ꓡ ꓢꓲ꓾ ꓬꓲ ꓤ ꓟꓶ ꓢꓯꓼ ꓟꓬꓹ ꓚꓬꓴ ꓟꓶ ꓠꓹ ꓟ ꓐꓱ ꓶ ꓮ ꓔꓳꓹ ꓐꓬ ꓡꓰ ꓟ ꓦꓲꓸꓹ ꓘꓴꓽ ꓗꓪ ꓙꓰ ꓢꓲ꓾ ꓤ ꓠꓱ ꓤ ꓔꓯ ꓣꓴ ꓓꓳ ꓡꓳ= ꓬꓲ ꓟꓹ ꓟ ꓡꓯꓽ ꓒꓯꓹ ꓗꓪ ꓠꓬ ꓮ ꓔꓳꓸ ꓠꓻ ꓓꓴ ꓡꓰ ꓗꓷ ꓡꓰ ꓪ= ꓝꓮꓲ ꓮ ꓟꓬꓹ ꓘꓳꓼ ꓗꓷ ꓡꓰ ꓕꓯ ꓤ ꓠꓱ ꓤ ꓥ ꓟꓲ ꓮ ꓘꓶꓸ ꓪꓴ ꓡ ꓪ=  ꓖꓳ ꓕꓯ ꓤ ꓠꓱ ꓤ ꓡꓰ ꓬꓲ ꓟꓹ ꓟ ꓔꓯ ꓠ ꓠꓬꓲ_ ꓡꓳ= ꓟꓹ ꓟ ꓢꓴ ꓡꓯꓽ ꓒꓯꓹ ꓠꓽ ꓮ ꓘꓶꓸ ꓐꓲ꓾ ꓟꓹ ꓟ ꓡꓯꓽ ꓒꓯꓹ ꓠꓽ ꓮ ꓫꓵ ꓪꓴꓸ ꓠꓬꓲ ꓟꓽ ꓐꓲ ꓡ ꓐꓰ ꓐꓯ ꓡꓳ= ꓬꓲ ꓟꓹ ꓟ ꓡꓰ ꓮ ꓙꓵꓽ ꓚ ꓟꓸ ꓖꓶ_ ꓡꓳ= ꓖꓳ ꓕꓯ ꓢꓲ ꓬꓲ ꓤ ꓟꓶ ꓠꓬ ꓟꓲ ꓠꓯ ꓗꓪ ꓮ ꓟꓬ ꓗꓪ ꓛꓲ ꓡꓳꓸ ꓐꓲ_ ꓟ ꓡꓯꓽ ꓒꓯꓹ ꓥ ꓡ ꓐꓯ ꓡꓲ ꓟꓹ ꓟ ꓡꓯꓽ ꓒꓯꓹ ꓠꓬ ꓟꓬ ꓠꓬꓲ ꓡꓳꓸ ꓐꓲ_ ꓡꓳ ꓐꓰ ꓐꓯ ꓢꓲ꓾ ꓬꓲ ꓟꓹ ꓟ ꓔꓯ ꓟꓬꓱꓺ ꓓꓳꓽ ꓖꓶ_ ꓡꓳ=

Add new comment

7 + 13 =