ꓠꓵꓹ ꓠꓲ ꓦꓲꓸꓹ ꓘꓴꓽ

ꓠꓵꓹ ꓠꓲ ꓦꓲꓸꓹ ꓘꓴꓽ

 

ꓠꓵꓹ ꓠꓲ ꓦꓲꓸꓹ ꓘꓴ

 

ꓣꓦꓮꓡꓲ-ꓢꓴ ꓓꓳꓽ ꓠꓸꓸ ꓠꓹ ꓔꓬ ꓢꓴ ꓮꓽ ꓙꓵꓽ ꓢꓴ ꓧꓪꓸ ꓧꓪꓼ ꓥ ꓡꓼ? ꓠꓬꓲꓹ ꓠꓬꓲ ꓢꓷꓸ ꓙ ꓟꓳ ꓙ ꓠꓼ ꓟ ꓚꓱꓼ ꓗꓪ ꓠꓬ ꓠꓵꓹ ꓠꓲ ꓦꓲꓸꓹ ꓘꓴ ꓔꓯ ꓢꓷꓸ ꓙ ꓟꓳ ꓙ_ ꓥꓳ=

ꓙꓲꓸꓹ ꓫꓬ ꓢꓴ ꓔꓲꓸꓸ ꓒ ꓪ ꓔꓲꓸ ꓬꓳ-ꓦꓳ ꓒꓳ- ꓡ- 2 ꓡꓰ-ꓸ ꓡ ꓠꓹ ꓟ ꓞꓳ ꓤ ꓤꓶꓸꓹ ꓠꓬ-ꓸ ꓦꓲꓸꓹ ꓘꓴꓽ ꓗꓪ ꓐꓰ ꓝꓸ ꓒꓬꓱꓸꓸ ꓙꓰ_ ꓥꓳ_ꓸ’’ ꓐꓰ ꓐꓯ ꓔ_ ꓡꓳ= ꓡ ꓞꓳ ꓐꓯ ꓟ ꓠꓬ ꓦꓲꓸꓹ ꓘꓴꓽ ꓗꓪ ꓐꓰ ꓓꓳꓸꓸ ꓡ- ꓡꓳ= ꓖꓳ ꓡꓱ ꓠꓬꓲ ꓦꓲꓸꓹ ꓐꓯ_ ꓟ ꓠꓬ ꓢꓲꓽ ꓫꓬ_ ꓡꓳ=

ꓡ ꓞꓳ ꓠꓬ ꓙꓱꓽ ꓤ ꓔꓯ ꓟꓽ ꓫꓱꓸ= ꓙꓱ ꓽ ꓤ ꓐꓯ_ ꓟ ꓠꓬ-ꓸ ꓬꓲꓸ ꓒꓽ ꓕꓲꓽ ꓟ ꓬꓲꓸ ꓟ ꓕꓲꓽ ꓟ ꓑꓳꓸ ꓗꓷ_ ꓠꓬ ꓐꓲꓸꓹ ꓜꓲꓼ ꓡꓰꓳ= ꓡ ꓞꓳ ꓠꓬ ꓟ ꓐꓲꓸꓹ ꓜꓲꓼ= ꓡ ꓞꓳ ꓠꓬ ꓦꓲꓸꓹ ꓕꓵꓽ  ꓗꓪ ꓔꓰꓸꓸ ꓬꓰ ꓢꓲ-ꓸ ꓜꓳꓽ ꓜꓳꓽ ꓒꓬꓱꓽ ꓟꓳ ꓡ_ ꓡꓳ= ꓪꓴ-ꓢ ꓟꓲꓽ ꓙꓬ ꓗꓪ ꓡꓯꓽ ꓒꓯ ꓝꓸ ꓢꓲ ꓦꓲꓸꓹ ꓕꓴ_ ꓡꓳ=  ꓖꓳ ꓡꓱ ꓠꓬꓲ ꓦꓲꓸꓹ ꓕꓱ ꓟ ꓠꓬ ꓢꓲꓽ ꓫꓬ_ ꓡꓳ= ꓐꓲꓸꓹ ꓜꓲꓼ_ ꓡꓳ=

ꓦꓲꓸꓹ ꓘꓴꓽ ꓕꓲꓽ ꓟ ꓐꓲꓸꓸ ꓜꓲꓼ ꓠꓹ ꓟ-ꓸ ꓦꓲꓸꓹ ꓕꓲꓽ ꓟ_ ꓡꓰꓽ ꓠꓬ  ꓟꓽ ꓐꓲꓸꓸ ꓜꓲꓼ ꓢꓰ= ꓠꓵꓹ ꓠꓲ ꓟꓽ ꓙꓳ_ ꓠꓬ ꓦꓲꓸꓹ ꓘꓴꓽ ꓟ ꓐꓲꓸꓹ ꓜꓲꓼ= ꓦꓲꓸꓹ ꓘꓴꓽ ꓕꓲ ꓟ ꓠꓬ-ꓸ ꓠꓵꓹ ꓠꓲ ꓑꓶꓽ ꓡ ꓖꓴ ꓥꓳ= ꓙꓵꓹ ꓠꓲꓸꓹ ꓦꓵꓸꓹ ꓡ ꓖꓴ ꓥꓳ= ꓥꓳ ꓡꓳꓸ ꓓꓳ ꓙꓳ ꓡ ꓖꓴ ꓥꓳ=

ꓐꓹ ꓐ ꓟꓹ ꓟ ꓣꓱꓽ ꓢꓴ ꓐꓴ ꓮ ꓘꓶꓸ ꓢꓯꓼ ꓕꓵꓼ ꓠ ꓗ ꓡꓳ= ꓚꓲꓸ ꓛꓬꓼ ꓦꓲꓸꓹ ꓗꓪ ꓔꓬ ꓟ ꓤꓽ ꓠꓱ ꓤꓽ ꓐꓴ ꓐꓱ ꓶ-ꓸ ꓜ ꓧꓪ ꓖꓶꓽ ꓜꓽ ꓕꓲꓽ ꓖꓸꓹꓽ-ꓸ ꓟꓽ ꓡꓳꓼ ꓢꓰ= ꓮ ꓘꓶꓸ ꓬꓳꓸ ꓚꓲ- ꓟ ꓠꓬ ꓠꓵꓹ ꓠꓲ ꓥ ꓡꓳ= ꓤ ꓠꓱ ꓤꓽ ꓐꓴ ꓔꓯ ꓠꓲꓸ ꓠꓵ ꓗꓴꓸ ꓠꓹ ꓟ-ꓸ ꓟꓸ ꓖꓶꓽ=

ꓣꓳꓽ ꓤꓶꓸꓹ ꓗꓪ_ꓟꓲ ꓚꓱꓹ ꓓꓳꓽ ꓙ ꓠꓬꓲ= ꓣꓳꓽ ꓐꓹ ꓐ ꓟꓹ ꓟ ꓣꓱꓽ ꓡꓯꓼ ꓘꓳ ꓔꓬꓹ ꓕꓯ ꓣꓳ ꓘꓶꓸ ꓠꓲꓹ ꓫꓸ ꓟꓽ ꓥ ꓡ? ꓦꓲꓸꓹ ꓗꓪ ꓐꓰ ꓛꓰꓹ  ꓙꓰ ꓠꓲꓹ ꓫꓵ_ꓟꓽ ꓥ ꓡ? ꓦꓲꓸꓹ ꓘꓴꓽ ꓗꓪ ꓔꓬ ꓹ ꓠꓲꓹ ꓟ ꓫꓵ ꓟꓽ ꓥ ꓡ?

ꓖꓳ ꓡꓱ ꓠꓬ  ꓠꓬꓲ-ꓸ ꓦꓲꓸꓹ ꓘꓴꓽ ꓗꓪ ꓠꓵꓹ ꓠꓲꓹ ꓟꓳꓸ ꓖꓶ ꓡꓯ ꓘꓳ ꓡꓯ= ꓐꓹꓐ ꓟꓹ ꓟ ꓣꓱꓽ ꓢꓴ ꓐꓴ- ꓟꓲ ꓤꓽ ꓠꓱ ꓤꓽ  ꓐꓴ ꓔꓯ ꓠꓵꓹ ꓠꓲꓹ ꓟꓳꓸ ꓖꓶꓽ ꓢꓲ-ꓸ ꓤ ꓠꓱ ꓤꓽ  ꓐꓴ ꓥ_ ꓟꓲ ꓐꓹ ꓐ ꓟꓹ ꓟ ꓐꓴ ꓔꓯ ꓒꓵꓽ ꓗ ꓬꓰ ꓠꓲꓹ ꓠꓵ ꓢꓲ-ꓸ ꓦ ꓐꓳ_ ꓟ ꓤꓽ ꓠꓱ ꓤꓽ ꓐꓴ ꓒꓬꓱꓼ ꓡ ꓝꓲ=

 

Add new comment

4 + 1 =