ꓢꓴ ꓔꓯ ꓒꓵꓽ ꓗꓹ ꓬꓰˍ ꓟ ꓠꓬ ꓣꓳ ꓚꓲ ꓛꓬ ꓒꓵꓽ ꓗꓹ ꓬꓰˍ ꓟ ꓥꓳ=

ꓒꓵꓽ ꓗ, ꓬꓰ ꓐꓯ ꓟ ꓕꓱ ꓟ ꓠꓬ ꓫ. ꓪ ꓙꓲ ꓙꓲ ꓕꓱ, ꓟ ꓔꓯꓐꓯ ꓟ ꓥˍ ꓡ? ꓒꓵꓽ ꓗ, ꓬꓰ꓾ ꓐꓯ ꓟ ꓠꓬ ꓠꓵ ꓠꓲ, ꓖꓶ ꓢꓲ꓾ꓔꓬ ꓟ ꓔꓯ ꓐꓯ ꓟ ꓥˍ ꓡꓳ꓿ ꓒꓵꓽ ꓗ, ꓬꓰ꓾ ꓐꓯ ꓟ ꓕꓱ ꓟ ꓠꓬ ꓪꓽ ꓧꓳ, ꓗꓴ. ꓔ ꓟ ꓔꓯ ꓐꓯ ꓟ ꓥˍ ꓡ? ꓠꓱ. ꓐꓯꓼ ꓢꓴ ꓐꓱ ꓶ ꓠꓽ ꓟꓽ ꓢꓷ. ꓥˍ ꓟꓲ ꓥꓪ ꓐꓱ ꓶ ꓠꓽ ꓒꓵꓽ ꓗ, ꓬꓰ꓾ ꓐꓯ ꓟ ꓠꓬ ꓠꓵ ꓠꓲ, ꓞꓳ ꓒꓵꓽ ꓟ ꓥˍꓡꓳ꓾ꓐꓰ ꓙꓽ ꓟꓶ_ ꓡꓳ꓿ ꓙ., ꓖꓴ ꓗꓪ ꓓꓰꓽ ꓜ ꓢꓴ ꓗꓪ ꓐꓰ ꓪ ꓔꓲ. ꓗꓪ ꓛꓲ ꓠꓲ, ꓠꓵ ꓢꓲ ꓒꓵꓽ ꓗ, ꓖꓶ ꓠ ꓗ, ꓡꓳ꓿ꓐꓰ ꓥꓪ ꓓꓵꓽ ꓙ_ ꓡꓳ꓿ ꓕꓲ ꓐꓱ ꓠꓬ ꓒꓵꓽ ꓗ, ꓬꓰ ꓠ, ꓟ ꓔꓯ ꓠꓬ ꓢꓷ. ꓔ ꓥ ꓟꓲ ꓖꓴ ꓘ, ꓠꓲ, ꓟ ꓗꓪ ꓐꓰ ꓒꓵꓽ ꓗ, ꓬꓰ ꓠ, ꓟ ꓔꓯ ꓟꓲ ꓡꓰ ꓝꓲ_ ꓡꓳ꓿ ꓐꓯ ꓠꓲ, ꓫꓵ_ ꓟ ꓠꓬ ꓒꓵꓽ ꓗ, ꓬꓰ ꓐꓯ ꓟ ꓠꓬ ꓪ ꓔꓲ. ꓢꓲꓽ ꓒꓽ ꓡꓳ ꓑ ꓢꓷ. ꓠꓲ, ꓓ ꓢꓴ ꓔꓯ ꓡꓰ ꓒꓵꓽ ꓗ, ꓬꓰ ꓐꓯ ꓟ ꓟꓽ ꓥ꓾ ꓫ. ꓢꓴ ꓟꓶꓼ ꓢꓴ ꓥ ꓡ ꓐꓯ ꓡꓰ‐. ꓓꓲ ꓜ ꓢꓴ ꓥ ꓡ ꓐꓯ ꓡꓰ‐. ꓢꓷ. ꓠꓲ, ꓟꓽ ꓙꓳ ꓢꓴ ꓥ ꓡ ꓐꓯ ꓡꓰ‐. ꓢꓲ, ꓪꓰ ꓪꓴꓽ ꓜ ꓢꓴ ꓥ ꓡ ꓐꓯ ꓡꓰ‐. ꓟꓳ‐ꓓꓳ ꓫꓵ. ꓢꓴ ꓔꓯ ꓥ ꓡ ꓐꓯ ꓡꓰ‐. ꓒꓵꓽ ꓗ, ꓠꓵ ꓠꓲ, ꓙꓳ ꓠ ꓔ ꓟ ꓥ ꓡꓳ꓿ ꓕꓱ ꓡꓱ ꓬꓰ ꓔꓬ ꓐꓯ ꓠꓬ ꓣꓳ ꓠꓯꓼ ꓗꓪ ꓢꓲ ꓡꓲ, ꓗ, ꓛꓲ ꓓꓴ ꓪ ꓟꓶ ꓡ ꓥꓳ꓿