ꓢ ꓟ ꓞꓳ ꓤ ꓕꓲ ꓣꓳ ꓕꓽ ꓗꓷ ꓡꓰ ꓝꓲ꓾

ꓢ ꓟ ꓞꓳ ꓤ ꓕꓲ ꓣꓳ ꓕꓽ ꓗꓷ ꓡꓰ ꓝꓲ꓾

ꓮ ꓟꓬ ꓘꓪ ꓛꓲ ꓬꓲ ꓒꓵꓽ ꓙꓳ ꓥˍ ꓟꓲ ꓢ ꓢ ꓪ ꓐꓭ ꓠꓬ ꓖꓳ ꓟ ꓠꓬ ꓬꓲ ꓒꓵꓽ ꓮ ꓘꓶꓸ ꓟꓽ ꓙꓳ= ꓞꓳ ꓤ ꓕꓲ ꓐꓱ ꓠꓬ ꓪ ꓦ ꓟ ꓔꓯ ꓡꓰ ꓬꓲ ꓒꓵꓽ ꓙꓳ ꓐꓰ ꓓꓵ ꓙ ꓢꓲ꓾ ꓢꓴ ꓠꓯꓸꓼ ꓗꓪ ꓙꓳ ꓟ ꓔꓯ ꓬꓲ ꓒꓵꓽ ꓟꓽ ꓙꓳ ꓐꓰ ꓓꓵ ꓙ ꓔꓬ ꓡꓳ= ꓢ ꓢ ꓡꓰ ꓪ ꓟ ꓮ ꓙꓵꓹ ꓠꓬ ꓬꓲ ꓒꓵꓽ ꓟꓽ ꓙꓳ ꓐꓰ ꓐꓯ ꓔꓽ ꓡꓳ=ꓖꓳ ꓟ ꓡꓰ ꓐꓰ ꓮ ꓫꓵ ꓗꓪ ꓥ ꓟꓲ ꓢ ꓢ ꓪꓴꓸ ꓓꓵ ꓥꓴꓸꓹ ꓢꓴ ꓕꓲ ꓣꓳ ꓥ ꓐꓭ ꓠꓬ ꓢꓴ ꓡꓰ ꓠꓵ ꓔꓯ ꓬꓲ ꓒꓵꓽ ꓙꓳ ꓟ ꓞꓳ ꓤ ꓕꓲ ꓣꓳ ꓟꓽ ꓢꓳ ꓡ= ꓞꓳ ꓤ ꓕꓲ ꓐꓱ ꓠꓬ ꓣꓳ ꓠꓯꓸꓼ ꓗꓪ ꓢ ꓢ ꓪ ꓔꓽ ꓟ ꓔꓯ ꓢꓷꓸ ꓐꓭ ꓠꓬ ꓣꓳ ꓠꓯꓸꓼ ꓗꓪ ꓙꓳ ꓟ ꓮ ꓙꓵꓹ ꓔꓯ ꓣꓴ ꓕꓯ ꓙꓰ ꓡ ꓥꓳ=

ꓣꓳ ꓠꓯꓸꓼ ꓗꓪ ꓢ ꓢ ꓪ ꓓꓽ ꓟ ꓔꓯ ꓢꓷꓸ ꓡꓰ ꓐꓭ ꓠꓬ ꓞꓳ ꓟꓽ ꓒꓵꓽ ꓟ ꓬꓲ ꓪ ꓬꓰ ꓠꓲꓹ ꓫꓵ ꓪ ꓡꓰ ꓬꓰ ꓡ ꓥꓳ= ꓞꓳ ꓤ ꓮ ꓙꓵꓹ ꓠꓬ ꓠꓬ ꓟ ꓥ꓾ ꓖꓳ ꓡꓰ ꓐꓯ ꓥ ꓟꓲ ꓞꓳ ꓤ ꓮ ꓟꓬꓹ ꓠꓯꓸꓼ ꓘꓴꓽ ꓗꓪ ꓡꓳꓸ ꓟꓳ ꓪ ꓓ ꓡꓳ= ꓖꓳ ꓟ ꓑꓶꓸ ꓓꓴ ꓢ ꓢ ꓞꓳ ꓤ ꓕꓽ ꓗꓷ ꓡꓰ ꓝꓲ= ꓮ ꓡꓰ ꓗꓪ ꓛꓲ ꓬꓰ ꓥ ꓟꓲ ꓠꓵ ꓚꓲ ꓛꓬ ꓧꓪꓸ ꓖꓳ ꓓꓱ ꓔꓯ ꓠꓲꓹ ꓠꓵ ꓬꓲ ꓒꓵꓽ ꓙꓳ ꓟ ꓡ ꓞꓳ ꓒꓬꓱꓽ ꓡ ꓠꓹ ꓢꓯꓼ ꓕꓵꓼ ꓠ ꓗꓹ ꓡꓳ= ꓣꓳ ꓗꓴꓷꓼ ꓠꓯꓸꓼ ꓗꓪ ꓥˍ ꓟꓲ ꓬꓰ ꓠꓲꓹ ꓫꓵ ꓪ ꓡꓰ ꓬꓰ ꓔꓬ ꓢꓴ ꓗꓴꓷꓼ ꓙꓵꓽ ꓢꓲꓽ ꓒ ꓐꓴ ꓔꓬ ꓡꓳ= ꓖꓳ ꓡꓰ ꓞꓳ ꓤ ꓔꓬ ꓟ ꓪꓴꓸ ꓠꓬ ꓣꓳ ꓗꓴꓷꓼ ꓣꓳ ꓗꓹ ꓘꓴꓽ ꓗꓪ ꓟꓽ ꓪꓴ ꓟꓵꓽ ꓡ ꓟ ꓥ ꓡꓳ=

ꓕꓯ ꓥꓳ ꓕꓲ ꓟ ꓐꓯ ꓠꓬ ꓞꓳ ꓤ ꓕꓲ ꓣꓳ ꓒꓴ ꓮ ꓙꓵꓹ ꓣꓱꓽ ꓬꓯꓼ ꓟ ꓪꓴꓸ ꓠꓬ ꓒꓴ ꓛꓲꓽ ꓡ ꓢꓲ꓾ ꓖꓳ ꓕꓲ ꓠꓬꓲ ꓛꓲ ꓡ ꓕꓯ ꓚꓱꓹ ꓖꓶ ꓠꓲꓹ ꓐꓯ ꓢꓲ꓾ ꓡ ꓙꓬ ꓡꓳ= ꓖꓳ ꓡꓰ ꓐꓯ ꓥ ꓟꓲ ꓚꓱꓹ ꓖꓶ ꓠꓹ ꓟ ꓬꓲ ꓬꓯꓼ ꓠꓬꓲ ꓛꓲ ꓡ ꓕꓯ ꓟꓽ ꓚꓱꓹ ꓖꓶ ꓡ= ꓒꓴ ꓛꓲꓽ ꓖꓶ ꓢꓴ ꓠꓬ ꓕꓱ ꓕꓲ ꓧꓶ ꓠꓬ ꓖ ꓖꓶ ꓖꓴ ꓠꓲꓹ ꓐꓯ ꓡꓳ= ꓝꓮꓲ ꓕꓲ ꓧꓪ ꓥ ꓟꓲ ꓒꓴ ꓟ ꓚꓱꓹ ꓖꓶ ꓡ= ꓕꓱ ꓟ ꓠꓬ ꓢ ꓢ ꓪ ꓓꓽ ꓟ ꓪꓴꓸ ꓠꓬꓲ ꓥ ꓡꓳ= ꓮ ꓫꓵꓽ ꓗꓪ ꓥ ꓟꓲ limit ꓚꓬ ꓦ ꓠ ꓗꓹ ꓡꓳ= ꓖꓳ ꓡꓰ ꓔ ꓟ ꓪꓴꓸ ꓠꓬꓲ ꓣꓳ ꓙ ꓟꓳ ꓠ ꓗꓹ ꓡꓳ=

ꓟꓽ ꓙꓲˍ ꓟ ꓞꓳ ꓤ ꓕꓲ ꓣꓳ ꓬꓰ ꓐꓯ ꓟ ꓠꓬ ꓟꓽ ꓥ= ꓮ ꓡꓰ ꓕꓲ ꓣꓳ ꓕꓯ ꓥ ꓟꓲ ꓮ ꓘꓶꓸ ꓕꓽ ꓙꓲ ꓪ ꓡꓰ ꓝꓲ= ꓠꓳ ꓐꓯ ꓗꓴꓸ ꓠ ꓟ ꓢꓯꓼ ꓕꓵꓼ ꓮ ꓡꓰ ꓟ ꓠꓬ ꓙꓲ ꓟ ꓙꓲ ꓟ ꓔꓯ ꓣꓳ ꓢꓷꓸ ꓠ ꓗꓹ ꓡꓳ= ꓣꓳ ꓢꓴ ꓔꓯ ꓬꓰ ꓙ ꓟ ꓗꓪ ꓥ ꓟꓲ ꓕꓱ ꓕꓲ ꓣꓳ ꓠꓬ ꓚꓵꓸꓸ ꓚꓵꓸꓸ ꓣꓱꓽ ꓬꓯꓼ ꓢꓴ ꓥ ꓡ? ꓐꓯ ꓟ ꓔꓯ ꓢꓷꓸ ꓪ ꓡꓰ ꓝꓲ= ꓮ ꓡꓰ ꓗꓪ ꓙꓰ ꓥ ꓟꓲ ꓮ ꓫꓵ ꓟꓬꓱꓽ ꓬꓰ ꓥ ꓟꓲ ꓢ ꓢ ꓞꓳ ꓤ ꓕꓽ ꓗꓷ ꓡꓰ ꓝꓲ= ꓠꓵ ꓚꓲ ꓚꓬ ꓖꓳ ꓓꓱ ꓔꓯ ꓮ ꓕꓯ ꓥ ꓟꓲ ꓠꓲꓹ ꓠꓵ ꓢꓲ꓾ ꓔꓬ ꓪ ꓡꓰ ꓝꓲ=