ꓣꓳ ꓠꓲꓹ ꓟ ꓠꓯꓼ ꓗꓪ ꓪꓴ-ꓢ ꓔꓯ ꓔꓬꓹ ꓖꓴ ꓖꓶꓽ ꓡꓯ=

ꓖꓳ ꓡꓰ ꓠꓬꓲ ꓣꓳ ꓠꓲꓹ ꓟ ꓠꓯꓼ ꓗꓪ ꓪꓴ-ꓢ ꓔꓯ ꓔꓬꓹ ꓖꓴ ꓖꓶꓽ ꓡꓯ= ꓪꓴ-ꓢ ꓟꓽ ꓥ ꓠꓬ ꓟꓲ ꓠꓯ ꓗꓪ ꓣꓳꓽ ꓔꓯ ꓕꓲ ꓞꓲꓼ ꓗꓹ ꓛꓲ ꓐ ꓡ ꓘꓴ ꓟꓽ ꓙꓳ= ꓠꓲꓹ ꓘꓪꓽ ꓫꓵ ꓐ ꓡ ꓘꓴ ꓢꓴ ꓟꓽ ꓙꓳ= ꓣꓳꓽ ꓟꓲ ꓠꓯ ꓗꓪ ꓔꓬꓹ ꓟ ꓠꓔ ꓪꓴ-ꓢ ꓔꓯ ꓢꓷꓸ ꓠꓹ ꓟ ꓐꓰ ꓪꓴ-ꓢ ꓔꓬ ꓖꓴ ꓗꓪ ꓙꓰ ꓠꓹ ꓟ ꓥ ꓡꓳ= ꓣꓳꓽ ꓠꓬ ꓟꓲ ꓠꓯ ꓪꓰ ꓤ ꓥ ꓡꓳ= ꓕꓱ ꓗꓪ ꓣꓳꓽ ꓕꓲ ꓞꓲꓼ ꓕꓲ ꓑ ꓟꓽ ꓔꓬ= ꓣꓳꓽ ꓮ ꓒꓵꓽ ꓮ ꓑ꓾ꓮ ꓟ ꓮ ꓟ ꓛꓳ ꓒꓯꓹ ꓛꓳ ꓤ ꓕꓲ ꓐꓱ ꓟ ꓔꓯ ꓡꓳꓸ ꓠꓬꓲ ꓡꓯ= ꓕꓲ ꓐꓱ ꓠꓬ ꓣꓳꓽ ꓧꓶꓸ ꓕꓯ ꓬꓲꓼ ꓙꓰ ꓗꓷꓳ= ꓣꓳ ꓥˍꓟꓲ ꓕꓲ ꓠꓬꓲ ꓙꓳˍ ꓠꓬ ꓖ ꓬꓲꓼ ꓙꓰ ꓪ ꓥꓳ= ꓮ ꓟꓶ ꓕꓳ ꓶ ꓕꓱ ꓟ ꓔꓯ ꓐꓳ ꓔ ꓢꓴ꓾ꓥ ꓠꓬ ꓕꓳ ꓶ ꓕꓱ ꓟ ꓔꓯ ꓵ ꓔꓬꓹ ꓢꓴ ꓠꓴ ꓪ ꓥˍ ꓟꓲ꓾ ꓝꓮꓲ ꓕꓲ ꓦꓬ ꓘꓳꓼ ꓕꓯ ꓠꓬ ꓟꓲ ꓠꓯ ꓕꓱ ꓟ ꓗꓪ ꓟꓽ ꓔꓬꓹꓳ= ꓠꓴ ꓐꓰ ꓥꓪ ꓠꓬ ꓟꓲ ꓠꓯ ꓕꓱ ꓟ ꓗꓪ ꓐꓰ ꓓꓳꓸꓸ ꓙꓰ ꓪ ꓥꓳ= ꓕꓲ ꓦꓬ ꓘꓳꓼ ꓐꓯ ꓟ ꓠꓬ ꓕꓲ ꓑꓹ ꓤ ꓟꓽ ꓥ ꓡ? ꓖꓳ ꓡꓱ ꓠꓬꓲ ꓢꓯꓸ ꓔꓬ ꓕꓲ ꓑꓹ ꓤ ꓕꓲꓽ ꓝꓲꓸ ꓤ ꓟ ꓤ ꓶ ꓦꓬꓼ ꓠꓬꓲ ꓗꓪ ꓪꓴ-ꓢ ꓟꓬꓱꓽ ꓬꓰ ꓡꓯ= ꓠꓶ ꓛꓳ ꓕꓲ ꓛꓳ ꓔꓯ ꓬꓰ ꓙ ꓡꓯ= ꓕꓱ ꓟ ꓠꓬ ꓣꓳ ꓟꓲ ꓠꓯ ꓗꓪ ꓔꓬ ꓟ ꓬꓲꓸ ꓬꓲ ꓢꓶ ꓥꓳ=

Add new comment

7 + 0 =