ꓤ ꓑ ꓤ ꓐꓴ ꓠꓬ ꓤ ꓟꓶ ꓤ ꓐꓴ ꓠꓯꓸꓼ ꓗꓪ ꓙꓲˍ ꓟ ꓬI ꓫꓱꓹ ꓙꓳ ꓕꓯ ꓟꓬ ꓠꓬꓲ ꓠꓲꓹ ꓠꓵ ꓡꓳ꓾

Monday, May 29, 2023

ꓮ ꓟꓶ ꓟ ꓤꓶꓸꓹ ꓗꓪ ꓕꓲ ꓐꓱ ꓤ ꓑ ꓤ ꓐꓴ ꓠꓬ ꓙꓲˍ ꓟ ꓬꓲ ꓫꓱꓹ ꓙꓳ ꓢꓴ ꓤ ꓟꓶ ꓤ ꓐꓴ ꓔꓯ ꓟꓬ ꓠꓬꓲ ꓠꓲꓹ ꓠꓵ ꓡꓳ꓾ ꓐꓯ ꓟ ꓚꓱꓹ ꓔꓯ ꓐꓯ ꓟꓸ ꓖꓶ ꓠꓲꓹ ꓫꓵ ꓡꓳ= ꓮ ꓫꓵ ꓪꓴꓸ ꓠꓬꓲ ꓠꓲꓹ ꓠꓵ ꓡ? ꓮ ꓫꓵ ꓑꓶꓸ ꓓꓴ ꓠꓲꓹ ꓫꓵꓽ ꓡ? ꓮ ꓟꓶ ꓠꓹ ꓡꓳ ꓔꓬ ꓢꓴ ꓠꓬ ꓥꓪ ꓕꓯ ꓢꓲ ꓟꓬ ꓠꓬꓲ ꓢꓷꓸ ꓐꓭ ꓥꓳ= ꓥꓪ ꓠꓬ ꓥꓪ ꓢꓷꓸ ꓔ ꓟ ꓮ ꓔꓲꓸ ꓤ ꓔꓯ ꓢꓷꓸ ꓙ ꓟꓳ ꓙ ꓩꓴ ꓡ ꓥꓳ= ꓤ ꓑ ꓤ ꓐꓴ ꓠꓬ ꓒꓬꓱꓽ ꓡꓳ ꓐꓲ ꓟꓽ ꓕꓯ ꓢꓲ ꓫꓱꓹ ꓙꓲˍ ꓟ ꓠꓲꓹ ꓟ ꓡꓳꓹ ꓐꓲ ꓟ ꓔꓯ ꓟꓬ ꓠꓬꓲ ꓠꓲꓹ ꓠꓵ ꓡꓳ= ꓣꓳ ꓚꓳ ꓡꓳ ꓗꓪ ꓡꓳꓸꓸ ꓠꓬꓲ ꓥ ꓟꓲ ꓒꓬꓱꓽ ꓐꓲ ꓢꓲ꓾ ꓠꓲꓹ ꓟ ꓟꓽ ꓐꓲˍ ꓢꓴ ꓔꓯ ꓠꓬ ꓕꓲ ꓞꓲ ꓦꓲꓸꓹ ꓢꓲ ꓟ ꓟꓽ ꓬꓰ ꓟ ꓔꓯ ꓣꓳ ꓡꓳ ꓟꓳ ꓡꓳ= ꓖꓳ ꓡꓰ ꓗꓹ ꓢꓴ ꓤ ꓟꓶ ꓤ ꓔꓯ ꓠꓬ ꓕꓲ ꓑ ꓤ ꓡꓰ ꓠꓲꓹ ꓠꓵ ꓡ ꓥꓳ꓾ ꓕꓲ ꓞꓲ ꓐꓱ ꓶ ꓟꓽ ꓠꓲꓹ ꓠꓵ ꓡ?

ꓝꓮꓲ ꓕꓲ ꓫꓵ ꓠꓬ ꓤ ꓑ ꓤ ꓐꓴ ꓬꓲ ꓪ ꓟꓬꓱꓽ ꓬꓰ ꓟ ꓔꓯ ꓢꓯꓼ ꓖꓶ ꓢꓴ ꓟꓬꓱꓽ ꓓꓳꓸꓸ ꓖꓶ ꓢꓴ ꓖ ꓖꓶ ꓡ ꓢꓴ ꓔꓯ ꓟꓬ ꓠꓬꓲ ꓠꓲꓹ ꓫꓵ ꓡꓳ= ꓖꓳ ꓟ ꓗꓪ ꓤ ꓑ ꓤ ꓐꓴ ꓥ ꓟꓲ ꓥꓪ ꓮ ꓡꓰ ꓬꓰ ꓡꓲ ꓓ ꓥꓪ ꓔꓯ ꓬꓲ ꓖ ꓖꓶ ꓡ ꓐꓯ ꓢꓲ꓾ ꓣꓳ ꓦꓲꓸꓹ ꓢꓲ ꓟ ꓟꓽ ꓠꓵ ꓟ ꓟꓬꓱꓽ ꓔꓯ ꓓ ꓬꓰ ꓪ ꓡꓰ ꓝꓲ= ꓢꓷꓸ ꓠꓲꓹ ꓮ ꓟꓬ ꓛꓲ ꓢꓷꓸ ꓥ ꓟꓲ ꓦꓲꓸꓹ ꓘꓴꓽ ꓗꓪ ꓣꓳ ꓦꓲꓸꓹ ꓢꓲ ꓒ ꓐꓰ ꓣꓳ ꓤ ꓠꓱ ꓫꓵ ꓤ ꓧꓪ ꓤ ꓔꓯ ꓟꓽ ꓠꓲꓹ ꓠꓴ ꓦꓲꓸꓹ ꓘꓴꓽ ꓗꓪ ꓢꓲ: ꓢꓲ: ꓫꓬ ꓫꓬ ꓟꓽ ꓔꓬ ꓐꓭ ꓠꓬ ꓤ ꓟꓶ ꓤ ꓖꓳ ꓕꓲ ꓪ ꓠꓬ ꓙꓲˍ ꓟ ꓬꓲ ꓫꓱꓹ ꓙꓳ ꓢꓴ ꓕꓲ ꓣꓳ ꓟ ꓥ= ꓖꓳ ꓡꓰ ꓔ ꓟ ꓑꓶ ꓓꓴ ꓣꓳ ꓤ ꓟꓶ ꓤ ꓐꓴ ꓠꓬ ꓬꓲ ꓚꓱꓹ ꓕꓲ ꓫꓵ ꓡꓲ ꓕꓲ ꓫꓵ ꓠꓯꓸꓼ ꓗꓪ ꓙ ꓟꓳ ꓞꓳ ꓫꓱꓹ ꓙꓰ ꓠꓹ ꓗꓹ ꓡꓳ= ꓟꓬ ꓠꓬ

ꓣꓳ ꓤ ꓟꓶ ꓤ ꓐꓴ ꓥ ꓟꓲ ꓕꓱ ꓕꓲ ꓣꓳ ꓠꓬ ꓥꓪ ꓔꓯ ꓚꓵ.. ꓚꓵ.. ꓠꓲꓹ ꓫꓵ ꓡ? ꓬꓲ ꓔꓯ ꓦ ꓡꓳ ꓔ ꓡ ꓕꓲ ꓝꓲ ꓦꓲꓸꓹ ꓢꓲ ꓒ ꓢꓳˍ ꓓ ꓡ ꓓꓴ ꓙ ꓠ ꓗꓹ ꓡꓳ= ꓦꓲꓸꓹ ꓘꓴꓽ ꓡ ꓞꓳ ꓐꓯ ꓟ ꓠꓬ ꓤ ꓑ ꓤ ꓤ ꓟꓶ ꓤ ꓠꓬꓲ ꓫꓵ ꓠꓯꓸꓼ ꓗꓪ ꓮ ꓓꓰ ꓬꓳꓸꓹ ꓚꓵ.. ꓡꓳ= ꓤ ꓑ ꓤ ꓐꓴ ꓠꓲꓹ ꓠꓵ ꓡ ꓕꓯ ꓠꓬ ꓮ ꓘꓶꓸ ꓠꓲꓹ ꓠꓵ ꓗꓷ ꓔ ꓡꓳ= ꓤ ꓟꓶ ꓤ ꓐꓴ ꓥ ꓟꓲ ꓥꓪ ꓮ ꓡꓰ ꓬꓲ ꓡꓲ ꓓꓸꓸ ꓬꓲ ꓥꓪ ꓔꓯ ꓠꓲꓹ ꓠꓵ ꓟ ꓑꓶ ꓓꓴ ꓟꓽ ꓛꓲ ꓐꓰ ꓙ ꓟꓶ ꓢꓲ꓾ ꓬꓲ ꓠꓲꓹ ꓫꓵꓽ ꓪ ꓡꓰ ꓓꓽ ꓬꓰ ꓪ ꓡꓰ ꓝꓲ= ꓮ ꓫꓵꓽ ꓗꓪ ꓥ ꓟꓲ ꓠꓬꓲ ꓟ ꓡ ꓞꓳ ꓪ ꓡꓯ ꓘꓳꓹ ꓢꓲ ꓠꓬꓲ ꓦꓲꓸꓹ ꓘꓴꓽ ꓟꓬ ꓠꓬꓲ ꓡꓳ ꓐꓲ ꓡ ꓠꓹ ꓟ ꓐꓱ ꓶ ꓢꓯꓹ ꓕꓵꓼ ꓓꓴ ꓬꓰ ꓡꓯ=