ꓤ ꓠꓱ ꓤ ꓐꓴ ꓐꓱ ꓶ ꓕꓱ ꓡꓱ ꓫꓵꓽ ꓮ ꓐ: ꓣꓱꓽ ꓯꓬꓼ ꓔꓬ ꓡꓳ꓾

ꓤ ꓠꓱ ꓤ ꓐꓴ ꓐꓱ ꓶ ꓕꓱ ꓡꓱ ꓫꓵꓽ ꓮ ꓐ: ꓣꓱꓽ ꓯꓬꓼ ꓔꓬ ꓡꓳ꓾ꓤ ꓠꓱ ꓤ ꓐꓴ ꓐꓱ ꓶ ꓕꓱ ꓡꓱ ꓫꓵꓽ ꓮ ꓐ: ꓣꓱꓽ ꓯꓬꓼ ꓔꓬ ꓡꓳ꓾

ꓤ ꓠꓱ ꓤ ꓐꓴ ꓐꓱ ꓶ ꓕꓱ ꓡꓱ ꓫꓵꓽ ꓮ ꓐ: ꓣꓱꓽ ꓯꓬꓼ ꓔꓬ ꓡꓳ꓾
1. ꓤ ꓠꓱ ꓤ ꓐꓴ ꓟꓲꓽ ꓙꓬ ꓗꓪ ꓦꓲꓸꓹ ꓢꓲ ꓟ ꓔꓯ ꓓꓰˍꓟ ꓟꓽ ꓙꓵˍꓟ ꓫꓸꓪ ꓕꓱˍꓟ ꓕꓱ ꓡꓱ ꓫꓵꓽ ꓔꓯ ꓙ ꓟꓳ ꓢꓲ꓾ ꓤ ꓠꓱ ꓤ ꓐꓴ ꓟꓲꓽ ꓙꓬ ꓗꓪ ꓦꓲꓸꓹ ꓢꓲ ꓟ ꓔꓯ ꓠꓲꓹ ꓠꓵ ꓗꓷ ꓠꓹ ꓗ ꓡꓳ=
2ꓸ ꓮ ꓟꓬ ꓗꓪ ꓛꓲ ꓟꓬꓱꓽ ꓬꓰ ꓓꓴ ꓙꓳ ꓥˍ ꓟꓲ ꓕꓲ ꓦꓲꓸꓹ ꓢꓴ ꓐꓰ ꓕꓲ ꓠꓲꓹ ꓕꓲ ꓪ ꓜꓽꓜꓽˍꓟ ꓦꓲꓸꓹ ꓘꓴꓽ ꓗꓪ ꓡ ꓡ ꓢꓲ꓾ ꓤ ꓠꓱ ꓤ ꓐꓴ ꓐꓰ ꓗꓹ ꓛꓲ ꓛꓲ ꓔꓬ ꓠꓹ ꓟ ꓕꓱ ꓡꓱ ꓠꓲꓹ ꓟ ꓙꓵꓽ ꓟ ꓙ ꓟꓶ ꓗꓴꓸ ꓔꓽ ꓟ  ꓤ ꓠꓱ ꓤ ꓐꓴ ꓐꓱ ꓶ ꓮꓽ ꓐ ꓣꓱꓽ ꓯꓬꓼ ꓡꓳ=
3ꓸꓕꓲ ꓦꓲꓸꓹ ꓡ ꓞꓳ ꓐꓴ ꓔꓯ ꓠꓲꓹ ꓟ ꓫꓵꓽ ꓢꓲ꓾ ꓦꓲꓸꓹ ꓢꓲ ꓟ ꓐꓰ ꓤ ꓠꓱ ꓤ ꓐꓴ ꓡꓰ ꓕꓱˍꓟ ꓫꓸ ꓪ ꓔꓯ ꓠꓹ ꓠ ꓖꓶ ꓗꓷ ꓟ ꓠꓬ ꓤ ꓠꓱ ꓤ ꓐꓰ ꓦꓲꓸꓹ ꓢꓲ ꓟ ꓐꓴ ꓥˍꓟꓲ ꓗꓹ ꓛꓲ ꓓꓴ ꓥ ꓡꓳ=
4ꓸ ꓬꓲ ꓙꓵꓽ ꓙꓳˍ ꓕꓯ ꓤ ꓠꓱ ꓤ ꓐꓴ ꓐꓰ ꓕꓲ ꓠꓲꓹ ꓕꓲ ꓪ ꓡꓳ ꓖꓪ ꓖꓶ ꓟ ꓕꓱ ꓡꓱ ꓫꓵꓽ ꓮ ꓐꓽ ꓤ ꓠꓱ ꓤ ꓐꓴ ꓕꓯ ꓢꓲ ꓗꓪ ꓮ ꓘꓶꓸ ꓣꓱꓽ ꓯꓬꓼ ꓟ ꓥ ꓡꓳ=
5ꓸꓤ ꓠꓱ ꓤ ꓐꓴ ꓟꓲꓽ ꓙꓬ ꓗꓪ ꓟꓽ ꓙꓵꓽˍꓟ ꓫꓸ ꓪ ꓔꓯ ꓟꓽ ꓕꓱ ꓪ ꓠꓹ ꓟ ꓟꓽ ꓞꓲ ꓙꓰ ꓑꓲ- ꓯꓬꓼ ꓤ ꓠꓱ ꓤ ꓐꓴ ꓟꓳ ꓠ ꓟꓽ ꓓꓴ ꓟ ꓔꓱ ꓡꓱ ꓫꓵꓽ ꓮ ꓐꓽ ꓤ ꓠꓱ ꓤ ꓐꓴ ꓕꓯ ꓢꓲ ꓗꓪ ꓣꓱꓽ ꓯꓬꓼ ꓡꓳ=
6ꓸꓤ ꓠꓱ ꓤ ꓐꓴ ꓔꓯ ꓬꓲ ꓙꓵꓽ ꓖꓶ ꓢꓲ꓾ ꓡꓳ ꓖꓪ ꓕꓲꓸ ꓗꓪ ꓧꓳꓽ ꓙꓰ ꓖꓶ ꓟ ꓕꓱ ꓡꓱ ꓫꓵꓽ ꓮꓽ ꓐ ꓤ ꓠꓱ ꓤ ꓐꓴ ꓕꓯ ꓢꓲ꓾ ꓣꓱꓽ ꓯꓬꓼ ꓡꓳ=
7ꓸꓦꓲꓸꓹ ꓢꓲ ꓟ ꓔꓯ ꓡꓰ ꓠꓲꓹ ꓠꓵ ꓢꓲ꓾ ꓠꓱꓸ ꓐꓯꓼ ꓤ ꓟꓶ ꓔꓯ ꓟꓽ ꓠꓲꓹ ꓠꓵ ꓠꓵ ꓦꓲꓸꓹ ꓢꓲ ꓟ ꓐꓰ ꓤ ꓠꓱ ꓤ ꓐꓴ ꓔꓯ ꓕꓲ ꓞꓲ ꓡꓴꓸ ꓠꓲꓹ ꓠꓵ ꓢꓲ꓾ ꓔꓬ ꓠꓹ ꓟ ꓕꓱ ꓡꓱ ꓫꓵꓽ ꓮꓽ ꓐ ꓠꓬ ꓦꓲꓸꓹ ꓢꓲ ꓟ ꓐꓰ ꓤ ꓠꓱ ꓤ ꓐꓴ ꓕꓯ ꓢꓲ꓾ ꓣꓱꓽ ꓯꓬꓼ ꓔꓬ ꓡꓳ=
ꓖꓳ ꓟ ꓑꓶꓸ ꓓꓴ ꓠꓲꓹ ꓠꓵ ꓟ ꓮꓽ ꓐ ꓣꓱꓽ ꓢꓴ ꓐꓴꓳ꓾ ꓕꓱ ꓡꓱ ꓮꓽ ꓐ ꓒꓬꓱꓽ ꓡ ꓠꓹ ꓟ ꓤ ꓠꓱ ꓤ ꓐꓰ ꓦꓲꓸꓹ ꓢꓲ ꓟ ꓐꓱ ꓶ ꓢꓯꓼ ꓕꓵꓼ ꓙꓵꓽ ꓓꓴ ꓬꓰ ꓡꓯ= ꓕꓲ ꓐꓱ ꓮꓽ ꓐ ꓣꓱꓽ ꓢꓴ ꓐꓴ ꓠꓬ ꓦꓲꓸꓹ ꓘꓴꓽ ꓗꓪ ꓔꓬ ꓟ ꓣꓳ ꓦꓲꓸꓹ ꓢꓲ ꓟ ꓐꓰ ꓤ ꓠꓱ ꓤ ꓐꓴ ꓔꓯ ꓠꓬ ꓡꓳꓽ ꓦ ꓢꓲ꓾ ꓠꓱꓸ ꓐꓯ ꓤ ꓟꓶ ꓤ ꓔꓯ ꓗꓹ ꓛꓲ ꓟ ꓠꓲꓹ ꓠꓵ ꓟ ꓕꓱ ꓡꓱ ꓫꓵꓽˍꓟ ꓮꓽ ꓐ ꓟꓲ ꓔꓬ ꓡꓳ= ꓕꓱ ꓟ ꓠꓬ ꓮ ꓘꓶꓸ ꓥꓳꓽ ꓡꓰ ꓟ ꓥ ꓡꓳ= ꓖꓳ ꓑꓶꓸ ꓓꓴ ꓣꓳ ꓦꓲꓸꓹ ꓢꓲ ꓟ ꓐꓰ ꓣꓳ ꓤ ꓠꓱ ꓔꓯ ꓠꓲꓹ ꓠꓵ ꓘꓴꓸ ꓢꓴ ꓤ ꓠꓱ ꓐꓴ ꓦ ꓡꓳ ꓐꓳ ꓢꓴ ꓮꓽ ꓐ ꓒꓬꓱꓽ ꓡ ꓠꓹ ꓟ ꓢꓯꓼ ꓕꓵꓼ ꓙꓰ ꓓꓴ ꓬꓰ ꓡꓯ=
ꓬꓲ-ꓩꓴ-ꓢꓳ ꓕꓳ ꓶꓽ 6ꓽ 4 ꓮ ꓐꓽ ꓣꓱꓽ ꓢꓴ ꓐꓴꓳ꓾ ꓠꓴ ꓪ ꓤ ꓠꓱ ꓐꓴ ꓠꓲꓹ ꓟ ꓦꓶ ꓡ ꓚꓱꓹ ꓕꓽ ꓬꓰ= ꓬꓲ ꓪ ꓔꓯ ꓠꓽ ꓢꓲ ꓒ ꓐꓯ ꓘꓶ ꓡꓰ ꓟꓸ ꓓꓰꓼ ꓡꓰˍꓟ ꓠꓯꓸꓼ ꓗꓪ ꓦꓵꓸꓹ ꓪꓴꓽ ꓡ ꓝꓲ=   

 

Add new comment

2 + 5 =