ꓪꓴ- ꓢ ꓦ ꓡꓱꓸ ꓚꓱꓹ ꓐꓰ ꓠꓲꓽ ꓦ ꓡꓱ ꓚꓱ ꓟ ꓫꓱꓸ ꓡꓯꓼ ꓘꓳ ꓟ

ꓪꓴ- ꓢ ꓦ ꓡꓱꓸ ꓚꓱꓹ ꓐꓰ ꓠꓲꓽ ꓦ ꓡꓱ ꓚꓱ ꓟ ꓫꓱꓸ ꓡꓯꓼ ꓘꓳ ꓟ

ꓪꓴ-ꓢ ꓦ ꓡꓱ ꓢꓴ-ꓸ ꓐꓯ_ꓟ  ꓠꓬ-ꓸ ꓠꓵ ꓠꓲꓹ ꓪꓴ-ꓢ-ꓸ ꓢꓯꓼ ꓟꓬ ꓖꓶ ꓢꓴ ꓪꓴ-ꓢ-ꓸ ꓫꓵꓸꓹ ꓟ ꓔꓯ ꓧꓪꓸ ꓡꓰ ꓟ ꓪꓴ-ꓢ-ꓸ ꓮ ꓫꓵꓽ ꓟꓲ ꓬꓰ ꓐ ꓡ ꓢꓴ  ꓪꓴ-ꓢ ꓔꓯꓸ ꓦ ꓡꓱ ꓔꓬꓹ_ ꓢꓴ ꓔꓯ ꓐꓯ_ ꓫꓵꓽ ꓥ ꓡꓳ= ꓠꓲ ꓦ ꓡꓱ ꓢꓴ ꓐꓯ_ ꓟ  ꓠꓬ-ꓸ ꓠꓲ ꓕꓲ ꓙꓰ ꓙꓰ ꓬꓰꓸꓹ ꓖꓶ ꓡ_ ꓟ ꓔꓯ ꓙꓳꓸꓸ ꓠꓬꓲ-ꓸ ꓠꓲꓽ ꓠꓲꓹ ꓫꓵ_ ꓟ ꓞꓳ ꓢꓲ-ꓸ ꓠꓲ ꓔꓯ ꓡꓱ ꓦ ꓡꓱ ꓔꓬ ꓢꓴ ꓔꓯ ꓐꓯ_ ꓫꓵꓽ ꓥ ꓡ ꓳ=

ꓕꓱ ꓟ ꓑꓶꓸ ꓓꓴ ꓪꓴ-ꓢ ꓦ ꓡꓱ ꓢꓴ ꓡꓱ ꓢꓴ ꓠꓬ-ꓸ ꓠꓵ ꓠꓲꓹ ꓗꓪ ꓐꓰ ꓡ_ ꓟ ꓦ ꓡꓱ ꓚꓱ ꓥ ꓢꓲ-ꓸ ꓠꓲ ꓦ ꓡꓱ ꓢꓴ ꓠꓬ ꓙꓳꓸꓸ ꓠꓲꓹ ꓗꓪ ꓐꓰ ꓡ_ ꓟ ꓦ ꓡꓱ ꓚꓱ ꓥ ꓡꓳ+ ꓪꓴ-ꓢ ꓦ ꓢꓲ-ꓸ ꓠꓲ ꓦ ꓡꓱ ꓢꓴ ꓠꓬ ꓕꓲ ꓠꓬꓲ ꓙꓳ_ ꓕꓯ ꓟꓴ ꓗꓪ ꓗꓴꓲꓼ ꓗꓪ ꓕꓲ ꓞꓲꓼ ꓕꓲ ꓑ ꓔꓬ ꓪ_ ꓥꓳ ꓐꓰ ꓐꓯ_ꓟ-ꓸ ꓥꓳ ꓡꓳꓸ ꓓꓴ ꓓ ꓙꓳ ꓢꓲ-ꓸ ꓠꓲ ꓦ ꓡꓱ ꓢꓴ ꓠꓬ ꓮ ꓫꓵꓽ ꓥꓳ ꓡꓳꓸ ꓓꓴ ꓟꓲ ꓟ ꓙꓳ= ꓫꓵꓸꓹ ꓘꓷ ꓡꓰ_ ꓟꓲ ꓬꓲꓸ ꓖꓳ ꓡꓰ ꓥ ꓡꓳ= ꓠꓲꓹ ꓡꓱꓸꓹ ꓖꓴ ꓟꓲ ꓟ ꓙꓳ ꓟ ꓥ ꓡꓳ=

ꓪꓴ-ꓢ ꓦ ꓡꓱ ꓢꓴ ꓠꓬ ꓮ ꓫꓵꓽ ꓬꓰ ꓟꓲ ꓬꓲꓸ ꓔꓶꓸꓸ ꓙꓱꓼ ꓙꓳ_ ꓡꓳ= ꓬꓲꓸ ꓬꓲ ꓢꓶ ꓙꓳ_ ꓡꓳ= ꓠꓲ ꓟ ꓡꓱ_ ꓡꓳ= ꓕꓲ ꓑ ꓐꓯ_ꓟ ꓙꓳ_ ꓡꓳ= ꓠꓲ ꓦ ꓡꓱ ꓢꓴ ꓕꓯ ꓠꓬ ꓕꓱ ꓡꓱ ꓫꓵꓽ ꓟ ꓙꓳ=  ꓫꓱꓸ ꓤ ꓓꓳ ꓧ_ ꓟ ꓦ ꓡꓱ ꓚꓱ ꓥ ꓢꓲ-ꓸ ꓟ ꓙꓳ ꓟ ꓦ ꓡꓱ ꓚꓱ_ ꓟꓲ ꓥ ꓡꓳ=

ꓖꓳ ꓡꓱ ꓥ ꓟꓲ ꓪꓴ-ꓢ  ꓦ ꓡꓱ ꓢꓴ-ꓸ ꓟꓬꓽ ꓐꓱ ꓠꓬ-ꓸ ꓠꓲ ꓦ ꓡꓱ ꓟ ꓡꓲꓽ ꓒꓰꓼ ꓕꓯ ꓠꓲꓹ ꓟ ꓗꓪ ꓚꓵꓸꓸ ꓓ ꓢꓱꓼ_ ꓡꓳ= ꓠꓲ ꓦ ꓡꓱ ꓢꓴ ꓗꓪ ꓐꓰ ꓡ ꓟ ꓑꓶꓸ ꓓꓴ ꓟꓲ ꓚꓵꓸꓹ ꓓ _ꓟ ꓥ ꓡꓳ= ꓪꓴ-ꓢ ꓦ ꓡꓱ ꓢꓴ ꓥ ꓟꓲ ꓠꓲꓽ ꓦ ꓡꓱ ꓚꓱ ꓔꓯ ꓮ ꓡꓰ ꓐꓰ ꓚꓵꓸꓸ ꓓ- ꓡ ꓐꓯ_ꓟ ꓔꓯ -ꓸ ꓢꓷꓸ ꓓ_ ꓟ ꓠꓬ-ꓸ

-ꓦꓲ ꓫꓬꓹ ꓟꓽ ꓙꓳꓽ ꓐꓰꓽ ꓐꓯ_ ꓟ -ꓸ ꓠꓲꓽ ꓝꓳꓸꓹ ꓟ ꓔꓯ ꓙꓳꓸꓸ_ ꓟ-ꓸ ꓦꓬꓸꓹ ꓘꓶ ꓓꓳꓸꓸ ꓟ ꓙꓳꓽ ꓐꓰ ꓐꓯ _ꓟ-ꓸ

- ꓦꓲ ꓗꓪ ꓕꓲ ꓙꓰ ꓙꓰ ꓒꓬꓱꓼ ꓡ (ꓗꓮꓳꓽ ꓡ_ꓳ) ꓐꓰ ꓐꓯ ꓟ-ꓸ ꓠꓲꓽ ꓒ ꓔꓬ ꓗꓪ ꓙꓰ_ꓟ-ꓸ ꓞꓳ ꓦ ꓘꓴ_ꓟ-ꓸ

- ꓡꓱꓼ ꓜꓴ ꓐꓬꓼ ꓗꓪ ꓫꓬꓠꓸꓸ ꓓ ꓔꓳꓸ- ꓟ-ꓸ ꓟꓴꓽ ꓔꓬ ꓟ ꓙꓳꓽ ꓟ-ꓸ ꓧꓪꓸꓸ ꓟ ꓫꓪꓰꓸ ꓐꓯ_ ꓟ-ꓸ ꓠ ꓖꓼ ꓧ ꓐꓯ_ꓟꓸꓸ ꓔꓱ ꓟ ꓫꓵꓽ  ꓥ ꓢꓲꓸ ꓝꓮꓲꓸ ꓐꓯ_ ꓠꓬ ꓮ ꓟꓬ ꓓ_ ꓢꓰꓼ ꓡꓳ= ꓕꓱ ꓟꓬ ꓫꓵꓽ ꓟ ꓠꓬ ꓠꓲ ꓦ ꓡꓱ ꓢꓴ ꓙꓵꓹ ꓟ ꓙꓵ ꓥ ꓡꓳ=

ꓪꓴ-ꓢ ꓦ ꓡꓱ ꓢꓴ ꓔꓯ ꓠꓬ-ꓸ ꓮ ꓫꓵꓽ ꓟꓲ ꓪꓴ-ꓢ ꓡꓱꓸꓹ ꓢꓷꓸ ꓖꓴ_ꓟ ꓕꓲ ꓡꓰꓸꓼ ꓮ ”ꓵꓽ ꓟꓲ ꓪꓴ-ꓢ ꓙ ꓖꓶ ꓔ ꓟ-ꓸ  ꓫꓬꓹ ꓚꓱꓸ ꓔ ꓟ ꓟꓬꓰꓽ ꓐꓬꓱꓽ ꓘꓶꓽ ꓡꓰ  ꓥ ꓡꓳ= ꓕꓱ ꓟ ꓑꓱ ꓸ ꓓꓴ ꓮ ꓫꓵꓽ ꓥ ꓟꓲ ꓪꓴ-ꓢ ꓡꓰ ꓗꓷ ꓡꓰ ꓟ ꓙꓳꓸꓸ ꓟ ꓛꓵ= ꓣꓳ ꓔꓳꓹ ꓜꓳꓽ ꓡ_ ꓟ-ꓸ ꓮ ꓙꓵꓽ ꓠꓬ ꓪꓴ-ꓢ ꓡꓰ-ꓸ ꓖꓶ ꓡ_ ꓟ ꓟꓬꓱꓽ ꓐꓬꓱ ꓘꓶꓽ ꓡꓰ ꓥ ꓡꓳ= ꓖꓳ ꓡꓱ ꓠꓬꓲ ꓮ ꓫꓵꓽ_ ꓟꓲ ꓙꓳꓸꓸ ꓓꓴ ꓟ ꓙꓳ= ꓪꓴ-ꓢ ꓔꓯ-ꓸ ꓠꓵ ꓠꓲꓹ ꓗꓪ ꓐꓰ ꓠꓲꓹ ꓪꓴꓽ ꓪꓴꓽ-ꓸ ꓠꓲꓹ ꓡꓱ ꓡꓱ ꓸꓹ ꓦ ꓡꓱ ꓙꓰ ꓡꓯ=

ꓦ ꓡꓱ ꓙꓰ ꓠꓬꓲ ꓫꓵꓽ ꓟ ꓫꓱꓸ ꓡꓯ ꓘꓳ ꓟ ꓔꓯ_ ꓟꓲ-ꓸ ꓢꓷꓸ ꓡꓰ ꓠꓬ ꓠꓲꓽ ꓦ ꓡꓱ_ꓟ-ꓸ ꓚꓱꓸꓸ ꓔꓯ ꓡꓳ ꓒꓰꓸꓸ ꓗꓷ ꓓꓴ ꓬꓰ ꓡꓯ==  

Add new comment

3 + 3 =