ꓮꓽ ꓐꓽ ꓮ ꓟ ꓙꓲˍ ꓟ ꓬꓰ  ꓠꓬ ꓤ ꓠꓱ ꓤ ꓐꓴ ꓥˍ ꓟꓲ ꓙꓲˍꓟ ꓬꓰ ꓡ ꓥꓳ

ꓮꓽ ꓐꓽ ꓮ ꓟ ꓙꓲˍ ꓟ ꓬꓰ  ꓠꓬ ꓤ ꓠꓱ ꓤ ꓐꓴ ꓥˍ ꓟꓲ ꓙꓲˍꓟ ꓬꓰ ꓡ ꓥꓳ

ꓞꓲꓼ ꓣꓳˍ ꓟ ꓤ ꓠꓱ ꓤ ꓐꓴ ꓔꓯ ꓮꓽ ꓐꓽ ꓮ ꓟ ꓐꓴ ꓐꓰ ꓕꓲ ꓪꓼ ꓔꓬ ꓕꓯ ꓙꓲˍꓟ ꓫꓸ ꓪ ꓐꓰ ꓬꓲ ꓪ ꓠꓯꓼ ꓗꓪ ꓢꓯꓼ ꓪꓽ ꓪ_ ꓟ ꓫꓸ ꓪ ꓔꓯ ꓕꓱ ꓖꓶ= ꓠꓵ ꓠꓲꓹ ꓐꓰ ꓧꓪꓸ ꓡꓰ ꓓꓴ ꓠꓬ ꓦꓲꓸꓹ ꓘꓴꓽ ꓗꓪ ꓐꓰ ꓪꓴꓸ ꓔꓴˍꓟ ꓥ ꓡꓳ= ꓣꓳ ꓤ ꓠꓱ ꓔꓯ ꓬꓲ ꓙꓵꓹ ꓖꓶ ꓢꓲ꓾ ꓙꓲˍ ꓟ ꓚꓱꓹ ꓔꓯ ꓮ ꓕꓯ ꓥ ꓟꓲ ꓐꓯ ꓟꓸ ꓖꓶ= ꓟ ꓞꓲ ꓚꓲꓸ ꓛꓬ ꓧꓪꓽ ꓖꓳ ꓓꓱꓽ ꓔꓯ ꓟꓲ ꓢꓲꓽ ꓫꓬ ꓗꓴꓸ ꓠ ꓟ ꓬꓲ ꓚꓱꓼ ꓟꓸ ꓖꓶ=ꓤꓽ ꓠꓱ ꓤ ꓐꓴ ꓔꓯ ꓞꓲꓽ ꓣꓳ-ꓕꓯ- ꓡꓰ ꓪꓽ ꓘꓴ ꓦꓲꓸꓹ ꓗꓪ ꓧꓳꓽ ꓔꓬꓹ ꓙꓰ= ꓪꓽ ꓘꓴ ꓢꓳꓸꓸ ꓔꓬ ꓝꓲ= ꓪꓽ ꓘꓴ ꓦꓲꓸꓹ ꓗꓪ ꓗ ꓛꓲ ꓡꓰ ꓝꓲ=

 ꓪꓽ ꓘꓴ ꓦꓲꓸꓹ ꓗꓪ ꓛꓳꓽ ꓒꓯ ꓛꓳꓽ ꓤꓼ ꓐꓴ- ꓐꓰ-ꓸ ꓫꓴꓸꓹ ꓫꓴꓸꓹ ꓡꓰꓽ ꓔꓬ ꓗꓴꓸ ꓝꓲ=ꓣꓳꓽ ꓤꓽ ꓠꓱ ꓪꓴ-ꓢ ꓔꓯ ꓟꓽ ꓙꓳꓸꓸ-ꓸ ꓪꓴ-ꓢ ꓔꓯ ꓟꓽ ꓠꓲꓹ ꓠꓵ ꓕꓯ ꓠ-ꓸ ꓐꓹ ꓐ ꓟꓹ ꓟ ꓐꓴ ꓔꓯ- ꓟꓲ ꓒꓵꓽ- ꓥꓳ-ꓸ ꓐꓰ ꓠꓴ ꓓꓵꓽ ꓙ ꓡ? ꓪꓴ-ꓢ ꓔꓯ ꓟꓽ ꓙꓳꓸꓸ ꓟ ꓤꓽ ꓠꓱ ꓤꓽ ꓠꓬ ꓮꓽ ꓟ ꓔꓯ_ꓟꓲ ꓟꓽ ꓒꓵꓽ= ꓖꓳ ꓡꓱ ꓠꓬꓲ ꓚꓲꓸ ꓛꓬꓼ ꓤꓽ ꓠꓱ ꓤꓽ ꓐꓴ ꓔꓯ-ꓸ ꓪꓴ-ꓢ ꓔꓯ ꓟꓲ ꓠꓲꓹꓠꓵ ꓗꓴꓸꓡ ꓠ ꓟ ꓐꓹ ꓐ ꓟꓹ ꓟ ꓣꓱꓽ ꓢꓴ ꓐꓴ ꓢꓯꓼ ꓕꓵꓼ ꓠ ꓗ- ꓡꓳ=