ꓮ ꓘꓶꓸ ꓫꓸ ꓔ ꓟ ꓕꓲ ꓦꓲꓸꓹ ꓢꓴ ꓐꓰ ꓮ ꓘꓶꓸ ꓐꓳˍꓟ ꓕꓲ ꓦꓲꓸꓹ ꓢꓴ ꓟꓸ ꓟꓲꓽ

ꓮ ꓠꓱ ꓕꓯ ꓞꓳ ꓘꓹ ꓕꓲ ꓘꓹ ꓗꓪ ꓮ ꓘꓶꓸ ꓫꓸꓔ ꓟ ꓕꓲ ꓦꓲꓸꓹꓢꓴ ꓐꓰ ꓮ ꓘꓶꓸ ꓐꓳˍ ꓟ ꓕꓲ ꓦꓲꓸꓹ ꓢꓴ ꓔꓬ ꓡꓳ= ꓮ ꓘꓶꓸ ꓐꓳˍ ꓟ ꓬꓲꓸ ꓐꓹ ꓐ ꓟꓹ ꓟ ꓐꓴ ꓠꓬ ꓬꓲ ꓤ ꓔꓯ ꓮ ꓘꓶꓸ ꓡꓳꓸ ꓐꓲꓻ ꓠ ꓔꓬ ꓝꓲˍ ꓡꓳ= ꓮ ꓘꓶꓸ ꓫꓸꓔ ꓟ ꓕꓲ ꓦꓲꓸꓹ ꓢꓴ ꓤ ꓠꓱ ꓐꓴ ꓠꓬ ꓖꓪꓽ ꓓꓴ ꓟꓽ ꓙꓳ ꓫꓸꓔ ꓟ ꓪꓴꓸ ꓠꓬꓲ ꓐꓲꓻ ꓐꓲꓻ ꓔꓬꓹ ꓟꓽ ꓪ= ꓕꓲ ꓠꓬꓲ ꓛꓲꓺ ꓡ ꓠꓬ ꓕꓳꓽ ꓶ ꓢꓳ ꓙꓵꓹ ꓛꓲꓺ ꓡˍ ꓡꓳ= ꓮ ꓘꓶꓸ ꓫꓸꓔ ꓟ ꓕꓲ ꓦꓲꓸꓹ ꓡ ꓞꓳ ꓢꓴ ꓤ ꓠꓱ ꓠꓬ ꓢꓷꓸ ꓠꓲꓹ ꓔꓯ ꓮ ꓘꓶꓸ ꓢꓯꓼ ꓕꓵꓼ ꓢꓲ-ꓸ ꓢꓷꓸ ꓠꓲꓹ ꓓ ꓒꓽ ꓒꓬꓱꓼ ꓡꓰꓳ= ꓮ ꓘꓶꓸ ꓐꓳˍ ꓟ ꓕꓲ ꓦꓲꓸꓹ ꓡ ꓞꓳ ꓢꓴ ꓐꓴ ꓤ ꓠꓱ ꓠꓬ ꓕꓳꓽ ꓶ ꓢꓳ ꓙꓵꓹ ꓗꓪ ꓕꓳꓽ ꓶ ꓟꓽ ꓢꓳ ꓟ ꓑꓶꓸ ꓓꓴ ꓮ ꓟꓶ ꓬꓲ ꓠꓬ ꓓꓰꓽ ꓜꓽ ꓒꓽ ꓒꓬꓱꓼ ꓡꓰ ꓪ= ꓟꓸ ꓟꓲꓽ ꓕꓱ ꓟ ꓡꓰ ꓐꓰ ꓥ ꓡꓳ= ꓢꓷꓸ ꓠꓲꓹ ꓢꓳ ꓙꓵꓹꓕꓯ ꓟꓽ ꓢꓳ ꓔꓬ ꓐꓭꓸ ꓠꓬ ꓣꓳꓽ ꓪꓴꓽ ꓡ ꓕꓯ ꓮ ꓘꓶꓸ ꓫꓸ ꓓꓴ ꓔꓳꓹ ꓜꓳꓽ ꓡˍ ꓥꓳ= ꓖꓳ ꓡꓰ ꓔ ꓟ ꓪꓴꓸ ꓠꓬꓲ ꓐꓳ ꓡ ꓐꓯ ꓡꓰ. ꓫꓸꓔ ꓡ ꓐꓯ ꓡꓰꓸ ꓢꓯꓼ ꓕꓵꓼ ꓓꓴ ꓬꓰ ꓡꓯ=