ꓮ ꓠꓬꓹ ꓚꓲ ꓕꓽ ꓛꓳꓹ

ꓮ ꓠꓬꓹ ꓚꓲ ꓕꓽ ꓛꓳꓹꓮ ꓠꓬꓹ ꓚꓲ ꓕꓽ ꓛꓳꓹ

ꓮ ꓠꓱ ꓕꓯ ꓔꓲꓸꓸ ꓒ ꓐꓴ ꓕꓲꓽ ꓐꓱ ꓠꓬ ꓪꓴ-ꓢ ꓐꓰ ꓕꓲꓽ ꓠꓲ ꓕꓲꓽ ꓪ ꓔꓬ ꓠꓹ ꓟ-ꓸ ꓢꓶ ꓠꓯꓸꓸ ꓟꓲ ꓗꓪ ꓙꓰ ꓢꓲ-ꓸ ꓭꓸ ꓘꓴ ꓓꓽ ꓟ ꓗꓪ ꓔꓬꓹ ꓙꓰˍ ꓡꓳ= ꓜꓽ ꓓꓴ ꓛꓳ ꓓꓴˍ ꓟꓲ ꓢꓴ ꓔꓯ ꓓꓰꓽ ꓜ ꓢꓲ-ꓸ ꓙ ꓣꓳꓽˍ ꓟ ꓠꓲꓹ ꓟ ꓡꓰ ꓗ ꓛꓲꓽ ꓛꓲꓽ ꓡꓰ ꓔꓬˍ ꓡꓳ=

ꓕꓲꓸꓸꓒ ꓐꓴ ꓠꓬ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲꓳꓸ ꓟꓲ-ꓢ ꓔꓲꓸꓸ ꓖꓶ ꓪˍ ꓟ-ꓸ ꓬꓲꓸ ꓚꓳ ꓙꓳˍ ꓟ ꓡꓰ ꓐꓰ ꓭꓸ ꓘꓴ ꓗꓪ ꓔꓬ ꓟ ꓔꓲꓸꓸ ꓒ ꓖꓳ ꓕꓲꓽ ꓜꓴˍ ꓟꓲ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓟꓲ-ꓢ ꓔꓲꓸꓸ ꓖꓶˍ ꓡꓳ= ꓖꓳ ꓕꓯ-ꓸ ꓬꓲꓸ ꓪ ꓟꓲ-ꓢ ꓔꓲꓸꓸ ꓖꓶꓽ ꓖꓴ ꓗꓪ ꓮ ꓠꓬꓹ ꓚꓲ ꓕꓲꓽ ꓟ ꓮ ꓘꓶꓸ ꓘꓶꓸꓹ ꓡꓶꓽ ꓡˍ ꓡꓳ= ꓬꓲꓸ ꓪ ꓐꓴˍ ꓟꓲ- ꓬꓲꓸ ꓙꓲ ꓬꓰ ꓟꓽ ꓠ=

ꓬꓲꓸ ꓪ ꓐꓴ ꓕꓱ ꓟ ꓔꓯ ꓮ ꓡꓲ ꓬꓰ ꓠꓹ ꓟ ꓚꓵꓽ ꓬꓲꓹ ꓓꓶꓽ ꓗꓷˍ ꓠꓬ-ꓸ ꓮ ꓠꓬꓹ ꓚꓲ ꓔꓯ-ꓸ ꓬꓲꓸ ꓪ ꓟꓲ-ꓢ  ꓔꓲꓸꓸ ꓖꓶꓽ ꓔꓬ ꓕꓲꓽ ꓑꓸꓹ ꓤ ꓗꓪ-ꓸ ꓛꓳꓸ ꓔˍ ꓡꓳ= ꓖꓳ ꓡꓱ ꓠꓬꓲ ꓦꓬꓼ ꓠꓬꓲ ꓬꓲꓸ ꓙꓵ ꓮꓽ ꓟꓬꓹ ꓗꓳꓸ ꓙꓱˍ ꓠꓬ-ꓸ ꓔꓲꓸꓸ ꓒ ꓐꓴˍ ꓟꓲ ꓫꓵꓸꓹ ꓳ= ꓮ ꓠꓬꓹ ꓚꓲ ꓥˍ ꓟꓲ ꓫꓵꓸꓹ ꓳ=

ꓗꓸ ꓠꓯꓹ ꓢꓲ ꓗꓪ ꓛꓰ ꓓꓰ ꓟ ꓔꓲꓸꓸ ꓒ ꓤꓽ ꓤꓽ ꓐꓴ ꓠꓬ ꓟꓬꓽ ꓡˍꓳ= ꓔꓲꓸꓸ ꓒ ꓤꓽ ꓤꓽ ꓐꓴ ꓠꓬ ꓟꓲ-ꓢ ꓬꓰˍ ꓕꓯ ꓮ ꓫꓵꓽ ꓪꓴꓸ ꓠꓬꓲ-ꓸ ꓮ ꓠꓬꓹ ꓚꓲ ꓔꓯ ꓛꓳ ꓔꓸ ꓟ ꓬꓲ ꓪ ꓟ ꓢꓷꓸ= ꓛꓳꓹ ꓔ ꓟ ꓔꓯˍ ꓡꓰꓽ ꓟꓳˍ ꓡꓳ= ꓖꓳ ꓡꓱ ꓠꓬꓲ ꓬꓲꓸ ꓪˍ ꓟꓲ-ꓸ ꓟꓲ-ꓢ ꓬꓰ ꓕꓯ ꓮ ꓠꓬꓹ ꓚꓲ ꓧꓪꓸꓹ ꓛꓳˍ ꓡꓳ= ꓦꓲ ꓘꓴꓽ ꓗꓪ ꓮ ꓠꓬꓹ ꓚꓲ-ꓸ ꓟꓽ ꓔꓬˍ ꓟꓲ-ꓸ ꓬꓲꓸ ꓙꓲꓽˍ ꓐꓰ ꓧꓪ ꓪꓴ ꓢꓲ ꓛꓳˍ ꓡꓳ= ꓧꓶꓼ ꓡꓲ ꓓꓴ ꓟꓽ ꓧ ꓡ?

ꓣꓳꓽ ꓤꓶꓸꓹ ꓗꓪˍ ꓟꓲ ꓕꓱ ꓡꓱ ꓗꓹ ꓗꓴˍ ꓡꓳ= ꓣꓳꓽ ꓮ ꓒꓵꓽ ꓮ ꓑ ꓮ ꓡꓲ ꓐꓰ ꓟꓳꓸ ꓔ ꓖꓶˍ ꓠꓬ-ꓸ ꓬꓲꓸ ꓖꓳ ꓡꓱ ꓐꓰˍ ꓡꓰꓽ ꓖꓼ ꓬꓰ ꓔꓬ ꓗꓴˍ ꓡꓳ= ꓣꓳꓽ ꓮ ꓒꓵꓽ ꓮ ꓑ ꓐꓴ ꓮ ꓫꓵꓽ ꓑꓶꓸ ꓓꓴ ꓕꓱ ꓡꓱ ꓟꓸ ꓖꓶꓽ ꓔꓲꓸ ꓡ ꓐꓯˍꓟ ꓔꓯ ꓣꓳꓽ ꓟꓽ ꓓꓵꓽ ꓙ= ꓬꓲꓸ ꓪ ꓕꓱ ꓡꓱ ꓐꓯ ꓖꓶꓽ ꓡˍ ꓠꓬ-ꓸ ꓕꓱ ꓡꓱˍ ꓡꓰꓽ ꓖꓼ ꓬꓰ ꓔꓬ ꓗꓴˍ ꓡꓳ=

ꓖꓳ ꓡꓱ ꓠꓬ ꓣꓳꓽ ꓓꓵꓽ ꓙ ꓠꓬꓲ ꓡꓯ= ꓣꓳꓽ ꓪꓴꓸ ꓠꓶꓸ ꓣꓱꓽ ꓢꓲ ꓙꓲˍ ꓟ-ꓸ ꓧꓸ- ꓟ ꓔꓯ ꓣꓴ ꓢꓲ-ꓸ ꓟꓽ ꓧ ꓟ ꓔꓯ ꓡꓳ ꓒꓰ ꓗꓷ ꓡꓯ= ꓮ ꓟꓶ ꓢꓷꓸ ꓠꓲꓹ ꓦꓬꓼ ꓠꓬꓲ ꓗꓪ ꓢꓷꓹ ꓠꓲꓹ ꓔꓯ ꓢꓳꓸꓸ ꓢꓲ-ꓹ ꓣꓳꓽ ꓡꓲꓽ ꓣꓳꓽ ꓫꓵꓽ ꓔꓯ ꓬꓲꓸ ꓕꓱ  ꓟꓳꓼ ꓓꓯ ꓙꓰ ꓠꓹ ꓟ ꓢꓯꓼ ꓕꓵꓼ ꓙꓰˍ ꓠꓬ-ꓹ ꓮ ꓘꓶꓸ ꓙꓲˍ ꓥꓳ-ꓸ ꓐꓰ ꓓꓳꓽ ꓙ ꓟꓶˍ ꓡꓳ=

Add new comment

5 + 10 =