ꓵꓸꓸ ꓢꓳ ꓢꓴ ꓠꓬ ꓢꓷꓸ ꓡꓰ ꓥꓳ=

ꓠꓲꓹ ꓠꓵ ꓟ ꓞꓳ ꓡꓱ ꓤ ꓐꓴ ꓬꓲ ꓙꓵ, ꓙꓳ ꓢꓰꓽ ꓕꓯ ꓢꓯꓼ ꓕꓵꓼ ꓠ ꓔ ꓟ ꓚꓱꓹ ꓔꓯ ꓬꓲ ꓙꓲꓻ ꓢꓯꓼ ꓕꓵꓼ ꓡꓯ= ꓡ ꓞꓳ ꓤꓶꓻ ꓔꓯ ꓬꓲ ꓙꓵꓹ ꓣꓱꓽ ꓢꓲ ꓔꓯꓺ ꓔˍ ꓡꓳ= ꓟꓲ ꓠꓯ ꓗꓪ ꓒꓴꓺ ꓮ ꓟꓬꓹ ꓖꓶˍ ꓥ ꓟꓲ ꓪꓴꓻ ꓟꓶ ꓟꓽ ꓓ ꓟ ꓠꓽ ꓬꓲꓸ ꓙꓵꓹ ꓥ ꓡꓳ=ꓣꓳ ꓥ ꓟꓲ ꓬꓲ ꓙꓵꓹꓔꓯ ꓞꓳ ꓒꓵ ꓢꓲ ꓢꓯꓼ ꓕꓵꓼ ꓙꓰ ꓡꓯ=

ꓞꓳ ꓡꓱ ꓐꓯ ꓟ ꓠꓬ ꓮ ꓕꓯ ꓟꓲ ꓗꓹ ꓛꓲ ꓠꓲꓹ ꓫꓵˍ ꓟ ꓥ ꓡꓳ= ꓖꓳ ꓡꓱ ꓥ ꓟꓲ ꓞꓳ ꓡꓱ ꓕꓲꓽ ꓐꓱ ꓠꓬ ꓟꓽ ꓜꓳꓽ ꓟ ꓚꓱꓹ ꓗꓪ ꓐꓰ ꓗꓹ ꓛꓲ ꓓꓴ ꓔꓯ ꓧꓪˍ ꓡꓳ= ꓙꓲꓸꓹ ꓒꓶ ꓓꓳꓸꓹ ꓬꓼ ꓒꓲꓽ ꓛꓵꓸꓸ ꓟꓽ ꓙꓲꓻ ꓟꓽ ꓜꓳꓽ ꓟ ꓚꓱꓹ ꓗꓪ ꓐꓰ ꓧꓪ ꓢꓲ ꓗꓹ ꓛꓲ ꓔꓬ ꓡꓳ=ꓕꓱ ꓟ ꓠꓬ ꓮ ꓘꓶ ꓟꓽ ꓜꓳꓽ ꓣꓳ ꓠꓯꓸꓼ ꓗꓪ ꓠꓬ ꓙꓲꓸꓹ ꓒꓶ ꓬꓼ ꓒꓲꓸ ꓟꓽ ꓣꓱ ꓥ ꓟꓲ ꓗꓹ ꓛꓲ ꓓꓴ ꓚꓱꓹ ꓧꓪ ꓢꓲ ꓗꓹ ꓛꓲ ꓓꓹ ꓡꓳ=

ꓞꓳ ꓡꓱ  ꓐꓴ ꓣꓳ ꓮ ꓐ ꓮ ꓟ ꓟꓸ ꓖꓶˍ ꓔꓯ ꓠ ꓡꓳꓸ ꓢꓲ ꓙꓲꓻ ꓟ ꓚꓱꓹ ꓠꓯꓸꓼ ꓗꓪ ꓞꓳ ꓙꓳ ꓐ ꓡ ꓠ ꓟ ꓢꓯꓼ ꓕꓵꓼ ꓙꓰ ꓡꓯ=ꓣꓳ ꓮ ꓐ ꓮ ꓟ ꓡꓰ ꓕ ꓙꓰ ꓐꓯ ꓟ ꓗꓪ ꓕ ꓙꓰ ꓪ ꓡꓰ ꓝꓲ= ꓣꓳ ꓮ ꓐ ꓮ ꓟ ꓠꓬ ꓣꓳ ꓔꓯ ꓮ ꓘꓶꓸ ꓠꓲꓹ ꓠꓵ ꓠꓬꓲ  ꓐꓯ ꓟ ꓥ ꓡꓳ= ꓕꓱ ꓟ ꓔꓯ ꓕ ꓠꓲꓹ ꓢꓲꓼ ꓪ ꓡꓰ ꓝꓲ= ꓠꓲꓹ ꓠꓵ ꓟ ꓞꓳ ꓡꓱ ꓐꓴ ꓖꓳ ꓟ ꓪꓴꓸ ꓠꓬꓲ ꓬꓲ ꓙꓵꓹ ꓙꓳ ꓢꓰꓽ ꓕꓯ ꓢꓯꓼ ꓕꓵꓼ ꓡꓯ= ꓮ ꓙꓵꓽ ꓢꓴ ꓔꓯ ꓮ ꓘꓶ ꓫ ꓟꓳ ꓪ=