ꓟꓵꓽ ꓘꓳꓼ ꓐꓰ ꓫꓸ ꓕꓱ_ ꓟ

ꓟꓲ ꓠꓯ ꓠꓬ ꓮ ꓕꓯ ꓥ ꓟꓲ ꓕꓲ ꓡꓲꓹ ꓞ ꓔꓬ ꓟ ꓐꓬ ꓡꓰ ꓝꓲ_ ꓟ ꓠꓬ ꓟꓲ ꓠꓯ ꓞꓳ ꓤ ꓑꓶ ꓓꓴ ꓥ ꓟ ꓔꓯ ꓐꓯ ꓟꓸ ꓖꓶ ꓓꓴ ꓥꓳ= ꓟꓲꓽ ꓦꓲꓻ ꓘꓴꓽ ꓗꓪ ꓙꓳ_ ꓟ ꓬꓲ ꓢꓯꓼ ꓔꓯ ꓒꓳꓹ ꓡꓶꓸ ꓡꓰ ꓝꓲ_ ꓟ ꓠꓬ ꓫꓵ ꓪꓴ ꓓꓳ ꓝꓲ_ ꓟ ꓥ ꓡꓳ= ꓕꓱ ꓡꓱ ꓬꓲ ꓢꓯꓼ ꓔꓯ ꓒꓳꓹ ꓡꓶꓸ ꓡꓰ ꓝꓲ_ ꓟ ꓠꓬ ꓡꓳꓹ ꓬꓰ ꓟ ꓮ ꓟꓬ ꓘꓳꓼ ꓟꓽ ꓥ ꓕꓯ ꓟꓲ ꓠꓯ ꓗꓪ ꓒꓬꓱꓼ ꓡ_ ꓟ ꓥ ꓡꓳ= ꓟꓲ ꓠꓯ ꓕꓯ ꓢꓲ ꓙꓳ_ ꓟ ꓟꓲ ꓦꓲꓻ ꓔꓯ ꓞꓳ ꓤ ꓑꓶ ꓓꓴ ꓒꓳꓹ ꓡꓶꓸ ꓡꓰ_ ꓟ ꓮ ꓟꓬꓹ ꓕꓱ ꓡꓱ ꓒꓬꓱꓼ ꓡꓰ_ ꓟ ꓥꓳ= ꓓꓼ-ꓢꓲ ꓓꓲ-ꓢꓯ ꓣꓱꓽ_ ꓟ ꓑꓶ ꓓꓴ ꓒꓬꓱꓼ ꓡ ꓟ ꓥ ꓡꓳ= ꓦ ꓟꓲꓻ ꓔꓯ ꓛꓴ_ ꓟ꓾ ꓮ ꓔꓳꓸ ꓛꓴ_ ꓟ ꓪꓴꓸ ꓠꓬꓲ ꓒꓬꓱꓼ ꓡ ꓟ ꓥ ꓡꓳ= ꓕꓱ ꓡꓱ ꓟꓲꓽ ꓦꓲꓻ ꓔꓯ ꓟꓬ ꓠꓬꓲ ꓞ ꓡꓰ ꓝꓲ_ ꓟ ꓔꓯ greening house gases ꓐꓰ ꓐꓯ ꓟ ꓥꓳ= ꓙꓼ ꓟꓬ ꓠꓬꓲ ꓣꓱꓽ ꓠꓹ ꓟ ꓐꓱ ꓶ ꓒꓳꓹ ꓔꓴ_ ꓟ ꓗꓪ ꓐꓰ ꓓꓽ ꓪꓴꓸ ꓔꓴ ꓡ ꓢꓲ꓾ ꓮ ꓟꓶ ꓠꓬ 100 ꓩꓴꓸ ꓗꓪ ꓐꓰ 25 ꓩꓴꓸ ꓠꓬ ꓟꓬ ꓡꓳ꓾ ꓐꓰ ꓟꓲ ꓠꓯ ꓕꓲ ꓛꓳ ꓡꓳ ꓗꓪ ꓟ ꓟꓵꓽ ꓘꓳꓼ ꓔꓯ ꓡꓳꓸ ꓔꓬ ꓢꓴ ꓢꓷꓸ ꓠꓲꓹ ꓙꓳ ꓒꓽ ꓐꓴ ꓡꓰ ꓕꓱ ꓡꓱ ꓐꓯ_ ꓡꓳ= ꓬꓲ ꓪ ꓠꓬ ꓟꓵꓽ ꓘꓳꓼ ꓮ ꓡꓲ ꓒꓳꓹ ꓡꓶꓸ ꓡ_ ꓟ ꓔꓯ ꓛꓳ ꓔꓬ ꓢꓴ ꓥ ꓡꓳ=