ꓔꓲꓸꓹꓒꓽ ꓪ ꓔꓲꓸ ꓝꓣꓮꓠꓚꓲꓢ ꓡꓰꓽ ꓢꓷ ꓙ ꓟꓳ ꓙ ꓘꓶꓽ

ꓞꓳ ꓜꓴ ꓐꓴ ꓔꓯ ꓔꓲꓸꓹꓒꓽ ꓪ ꓔꓲꓸ ꓝꓣꓮꓠꓚꓲꓢ ꓜꓲ ꓡꓯꓼ ꓘꓳˍꓟ

1ꓦ 26 ꓠꓬꓲ 2020 ꓘꓳꓼ

ꓔꓲꓸꓹꓒꓽ ꓪ ꓔꓲꓸ ꓝꓣꓮꓠꓚꓲꓢ ꓐꓰ ꓞꓳ ꓜꓴ ꓐꓴ ꓠꓽ ꓦꓬꓼ ꓠꓬꓲ ꓜꓲ ꓡꓯꓼ ꓘꓳˍ ꓕꓯ ꓐꓯˍꓟ ꓠꓬ ꓙꓲˍꓟ ꓙꓬ ꓚꓱ ꓔꓯꓼ ꓛꓳ ꓫꓱꓽ ꓔꓬ ꓢꓴ ꓠꓬ  ꓪꓴ-ꓢ ꓡꓰꓽ ꓙꓽ ꓣꓳˍꓟ ꓔꓯ ꓘꓳ ꓣꓳ ꓢꓲꓸꓹ ꓢꓲ-ꓫꓬ ꓟ ꓦ ꓪꓴ-ꓢ ꓣꓱꓽ ꓛꓲꓽ ꓗꓪ ꓐꓰ ꓚꓲꓸ ꓛꓬ ꓤꓶ ꓔꓯ ꓒꓳ ꓡꓶꓸ ꓐ ꓡ ꓠꓹ ꓟ ꓠꓴ ꓠꓲꓹ ꓟ ꓗꓸ ꓘꓶ ꓒꓴ ꓖꓶꓽ ꓐꓰ ꓐꓯ ꓖꓶꓽ ꓔ ꓡꓳ=

ꓝꓲ ꓓꓴ ꓒꓲ-ꓕꓱ  ꓗ ꓠꓬ ꓓꓲ ꓗꓪ ꓞꓳ ꓜꓴ ꓐꓴ ꓔꓯ ꓢꓲ-ꓫꓬ ꓟ ꓦꓪꓴ-ꓢ ꓣꓱꓽ ꓛꓲꓼ ꓗꓪ ꓐꓰ ꓠꓲꓹ ꓟ ꓗ ꓘꓶꓽ ꓒꓴ ꓡꓰ ꓢꓲ ꓪꓴ-ꓢ ꓡꓰꓽ ꓚꓶ ꓙꓹ ꓟ ꓶꓽ ꓓꓳꓽ ꓫꓱꓸ ꓓꓳꓽ ꓔꓯ ꓚ ꓒꓬꓳ ꓢꓴ ꓒꓬꓳꓼ ꓡ ꓠ _ ꓟ ꓢꓲ-ꓒ ꓬꓰ-ꓢꓴ ꓡꓰ ꓝꓲ ꓓꓴ ꓐꓴ ꓔꓯ ꓖ-ꓡꓲ-ꓡꓰ ꓬꓲ ꓡꓵꓽ ꓐꓱ ꓘꓶꓽ ꓗꓪ ꓢꓲ  ꓗꓶ ꓢꓲꓼ ꓬꓲꓸ ꓪꓽ ꓢꓯꓼ ꓞꓲꓼ ꓔꓯ ꓒꓳꓸꓹ ꓡꓶꓸ ꓞꓲ_ꓟ ꓢꓲ-ꓫꓬ ꓕꓳ ꓶ ꓐꓰ ꓖꓳ ꓟ ꓔꓯ ꓢꓯꓼ ꓪꓽ ꓣꓴ ꓚ ꓒꓬꓳ ꓗꓶ ꓡꓰꓳ=

ꓬꓲ ꓡꓵꓽ ꓐꓱ ꓘꓶ ꓟꓵꓽ ꓠꓬ ꓬꓳ-ꓓ ꓡꓽ ꓞꓳ ꓡꓰꓽ ꓟꓽ ꓞꓲ ꓠꓱꓸ ꓐꓯꓼ ꓞꓳ ꓫꓵꓽ ꓥˍꓟꓲ ꓔꓬ ꓟ ꓟꓵꓽ ꓥ ꓠꓬꓲ ꓖꓳ ꓗꓪ ꓠꓬ ꓙꓵˍꓟ ꓬꓲꓸ ꓓꓳ ꓐꓰꓼ ꓙꓵˍꓟ ꓙꓵꓽ ꓗ ꓟꓽ ꓙꓳ ꓐꓰ ꓢꓳꓼ ꓔꓸ ꓟ ꓟꓵꓽ ꓕꓲꓽ ꓟꓵꓽ ꓥ ꓡꓳ= ꓖꓳ ꓡꓰ ꓥˍ ꓟꓲ ꓢꓲ-ꓒ ꓬꓰ-ꓢꓴ ꓠꓬ ꓪꓴ-ꓢ ꓶꓽ ꓓꓳꓽ ꓫꓱꓸ ꓓꓳꓽ ꓔꓯ ꓖꓳ ꓕꓲꓽ ꓟꓵꓽ ꓗꓪ ꓓꓽ ꓪꓴ ꓚ ꓟꓸ ꓖꓶꓽ ꓡꓰꓳ=

ꓕꓲꓽ ꓖ ꓕꓲꓽ ꓧꓪꓹ  ꓣꓳꓽ ꓟꓲ ꓠꓯ ꓞꓳ ꓤ ꓠꓬ ꓝꓴꓲꓸ ꓐꓰ  ꓜꓹ ꓠꓬꓲ ꓓꓴ ꓐꓰ  ꓚꓲꓸ ꓛꓬ ꓐꓱ ꓶ ꓧꓪꓹ ꓟ ꓔꓯ ꓒꓳ ꓡꓶꓸ ꓠˍꓟ ꓒꓬꓳꓼ ꓟꓽ ꓓ ꓐꓰ ꓓꓴ ꓙ ꓗꓴˍꓡꓳ= ꓙꓲ-ꓢꓴ ꓗꓪ ꓐꓰ ꓟꓽ ꓥ ꓢꓲ-ꓫꓬ ꓟ ꓦ ꓗꓪ ꓐꓰ ꓟ ꓥ ꓣꓳꓽ ꓚꓲꓸ ꓛꓬꓽ ꓠꓲꓹ ꓟ ꓘꓴꓽ ꓗꓪ ꓒꓳꓹ ꓡꓶꓸ ꓠ ꓗꓸ ꓡꓳ=  ꓔꓱ ꓚꓲꓹ_ꓟ ꓔꓯ ꓠꓴ ꓑ ꓙꓽ ꓔꓬ ꓟꓲ ꓠꓴ ꓚꓲꓹ ꓛꓬ ꓠꓲꓹ ꓟ ꓘꓴꓽ ꓗꓪ ꓒꓳ ꓡꓶꓹ ꓠꓲꓸ ꓫꓵˍꓓꓴ ꓟꓽ ꓙꓳ ꓠꓬ ꓒꓳ ꓡꓶꓹ ꓟꓽ ꓐ ꓡ-ꓸ ꓣꓳꓽ ꓙꓲ-ꓢꓴ ꓔꓯ ꓘꓴ ꓣꓴ ꓔꓬ ꓢꓴ ꓠꓬ ꓢꓲ-ꓫꓬ ꓟ ꓦ ꓢꓯꓼ ꓪꓽ ꓗꓪ ꓐꓰ ꓣꓱꓽ ꓛꓲꓽ ꓔꓯ ꓘꓴ ꓣꓴ ꓠ ꓗ ꓡꓳ-ꓸ ꓖꓳ ꓕꓯꓽ ꓢꓲ ꓣꓳꓽ ꓠꓲꓸ ꓟ ꓒꓳ ꓡꓶꓸ ꓓꓴ ꓐꓰ ꓟꓲ ꓠꓯ ꓗꓴꓷꓼ ꓔꓯ ꓥˍꓟꓲ ꓒꓳ ꓡꓶꓸ ꓐ ꓡ ꓢꓴ ꓠꓴ ꓒꓬꓳꓼ ꓡ ꓥꓳ ꓐꓰ ꓔꓲꓸꓹ ꓒꓽ ꓪ ꓔꓲꓸ ꓝꓣꓮꓠꓚꓲꓢ ꓡꓰ ꓢꓷ ꓙ ꓟꓳ ꓙ ꓡꓰꓳ=

#rvalisu

#PKM

# https://bit.ly/2vnfCqF

Add new comment

1 + 9 =