ꓠꓴ ꓤꓶ ꓗꓪ ꓛꓳ ꓫꓱꓽ ꓪꓽ ꓠꓼ_ꓟ ꓡꓽ ꓞꓳ

ꓣꓳꓽ ꓕꓲꓽ ꓣꓳ ꓐꓰ ꓕꓲꓽ ꓣꓳ ꓙ ꓡꓯꓼ ꓘꓳ-ꓸ

ꓠꓴ ꓒꓵꓽ ꓛꓳꓸꓹ ꓠꓼ ꓟ ꓡꓽ ꓞꓳ 6 ꓫꓵꓽ

ꓬꓲꓼ ꓤꓼ ꓠꓬꓲ ꓤꓼ ꓐꓴ_ꓳ-ꓸ ꓟꓲ ꓠꓯ ꓞꓳ-ꓤ ꓤꓶꓸꓹ ꓗꓪ ꓕꓲꓽ ꓣꓳ ꓐꓰ ꓕꓲꓽ ꓣꓳ ꓪꓽ ꓡꓯꓼ ꓘꓳ ꓧꓳꓹ ꓡꓯꓼ ꓘꓳ ꓢꓲ ꓞꓳ ꓙꓳ ꓢꓯꓹ ꓔꓬ ꓟ ꓥ ꓡꓳ= ꓖꓳ ꓡꓱ ꓥꓼ_ꓟꓲ ꓡꓽ ꓞꓳ ꓕꓲꓽ ꓐꓱ ꓠꓬ ꓚꓲꓸ ꓛꓬꓽ ꓐꓱ ꓶꓽ ꓪ ꓜꓲ ꓓꓵꓽ ꓙ ꓢꓲꓼ ꓣꓳꓽ ꓛꓳꓽ ꓒꓯ ꓔꓯ ꓠꓬꓲꓹ ꓢꓲ ꓪꓽ ꓔꓬ ꓢꓴ-ꓸ ꓞꓳ ꓙꓳ ꓠꓲꓹ ꓙꓳ ꓢꓴ ꓥ_ꓟꓲ ꓙꓳ ꓚꓰꓼ_ ꓡꓳ-ꓸ

ꓮꓸ ꓫꓵꓽ ꓕꓲꓽ ꓒꓳꓼ ꓗꓪ ꓥꓼ ꓟꓲ ꓛꓳ ꓒꓯ ꓛꓳ ꓤꓼ ꓔꓯ ꓠꓲꓹ ꓥꓳ ꓢꓲ ꓙꓽ ꓗꓳ ꓢꓲꓼ ꓞꓳ ꓙꓳ ꓔꓬ_ꓢꓴ ꓥꓼ ꓟꓲ ꓮꓽ ꓟꓬ ꓙꓳ_ ꓡꓳ= ꓖꓳ ꓗꓪ ꓟ ꓞꓳ ꓤꓽ ꓫꓶꓼ ꓕꓱ ꓟꓬ ꓫꓵꓽ ꓙꓳ ꓢꓴ ꓔꓯꓸ ꓠꓴ ꓒꓵꓽ ꓢꓲꓼ ꓪꓽ ꓡꓯꓼ ꓘꓳ ꓓ ꓢꓴ ꓥ ꓡꓳ=

1ꓸ ꓠꓴ ꓔꓯꓹ ꓶ., ꓡꓯꓼ ꓖꓶꓽ ꓡ_ꓢꓴ-ꓸ ꓒꓴꓸꓹ ꓛꓵꓽ ꓖꓶꓽ ꓡ ꓢꓴ-ꓸ

    ꓒꓴꓸꓹ ꓕꓲꓽ ꓒꓯꓼ ꓕꓲꓽ ꓟꓳꓸ ꓥ_ꓟꓲ ꓒꓵꓽ ꓔꓬ ꓡꓳ-ꓸ ꓣꓳꓽ ꓠꓯꓼ ꓗꓪ ꓟꓽ ꓙꓳ ꓕꓯꓽ ꓛꓵꓽ ꓖꓶꓽ ꓡ ꓢꓴ-ꓸ ꓬꓰ ꓙ ꓡ ꓢꓴ ꓔꓯꓹ ꓒꓵꓽ ꓠ ꓗꓼ ꓡꓳ-ꓸ ꓮ ꓡꓰꓳ ꓐꓯ ꓠꓬ ꓬꓲꓸ ꓥ_ ꓟꓲ ꓢꓯꓼ ꓕꓵꓼ ꓢꓲ-ꓸ  ꓧꓪ ꓔꓸ ꓟ ꓒꓴ ꓫꓵꓸꓹ ꓥ_ ꓠꓬꓲ ꓣꓳꓽ ꓝꓮꓲ ꓬꓲꓸ ꓔꓯꓸ ꓝꓱꓼ ꓖꓶꓽ=

2ꓸ ꓠꓴ ꓔꓯꓸ ꓖꓴꓽ ꓙꓴꓽ ꓠꓲꓹ ꓡꓱ ꓡꓱꓼ ꓖꓶꓽ ꓡ ꓢꓴ-ꓸ

    ꓬꓲꓸ ꓠꓯꓼ ꓗꓪ ꓣꓱꓽ ꓟꓽ ꓛꓲ_ ꓟ ꓪꓴꓸ ꓠꓬꓲ ꓠꓴ ꓔꓯꓹ ꓖꓶꓽ_ ꓟ ꓟꓽ ꓥ ꓓꓳꓼ-ꓸ ꓬꓰ ꓙ ꓔꓳꓼ ꓙ ꓠꓲꓹ ꓙꓳ_ꓟ ꓪꓴꓸ ꓠꓬꓲ ꓥ ꓐꓭ ꓥꓳ= ꓬꓲꓸ ꓡꓰꓽ ꓖꓶꓽ ꓡꓼ ꓟ ꓔꓯ ꓒꓵꓽ ꓪ ꓡꓰ ꓝꓲ=

3ꓸ ꓟꓬꓱꓽ ꓕꓲꓽ ꓛꓳꓼ_ ꓬꓰ ꓔꓬ ꓕꓯꓽ ꓠꓴ ꓔꓯ ꓪꓽ ꓜꓲ ꓪꓸꓹ ꓝꓲ ꓠꓲꓹ ꓙꓳ ꓢꓴ ꓔꓯꓸ ꓒꓵꓽ ꓠ ꓗ ꓡꓳ-ꓸ

ꓮ ꓡꓰꓳ ꓐꓯ ꓠꓬ ꓬꓲꓸ ꓠꓬ ꓞꓳꓸꓹ ꓟꓶ ꓞꓳ ꓔꓯꓽ ꓟꓽ ꓥ= ꓠꓴ ꓔꓯꓸ ꓪꓸꓹ ꓝꓲ ꓠꓲꓹ ꓫꓵ ꓢꓲꓼ ꓠꓴ ꓔꓯꓹ ꓓꓽ ꓪꓴꓸ ꓢꓯꓼ ꓖꓶꓽ ꓬꓰ ꓝꓲꓼ_ ꓟ ꓥ ꓐꓭ ꓥꓳ=

4ꓸ ꓟꓬꓱꓽ ꓬꓰ_ ꓕꓯꓽ ꓪ ꓜꓲ ꓢꓯꓼ ꓩꓴ ꓐ ꓡ ꓢꓴ-ꓸ

    ꓣꓳꓽ ꓕꓲꓽ ꓛꓳꓼ ꓟꓬꓱꓽ ꓬꓰ ꓔꓬ ꓕꓯꓽ ꓬꓲꓸ ꓠꓬ ꓟꓬꓱꓽ ꓗꓪ ꓪ ꓜꓲ ꓢꓯꓼ ꓩꓴ ꓬꓰ ꓔꓬ ꓢꓴ ꓠꓬ ꓟꓬꓱꓽ ꓔꓯ ꓒꓵ_ꓟ ꓪꓴꓸ ꓠꓬꓲ ꓥ ꓡꓳ-ꓸ ꓞꓳ ꓟꓶ-ꓸ ꓞꓳ ꓔꓯꓽ ꓥ_ꓠꓬꓲ ꓟꓽ ꓥ=

5ꓸ ꓮ ꓡꓰ ꓕꓲꓼ ꓚꓱꓼ ꓗꓪ ꓥ_ ꓟꓲ ꓜꓽ ꓫꓵꓽ ꓓꓳ ꓫꓵꓽ ꓚꓱꓼ ꓗꓪ_ꓟꓲ ꓬꓲꓸ ꓒꓵꓽ ꓓꓽ ꓪꓴꓸ ꓖꓶꓽ ꓔꓬ ꓢꓴ-ꓸ

    ꓜꓽ ꓫꓵꓽ ꓓꓳ ꓫꓵꓽ ꓚꓱꓼ ꓗꓪ ꓬꓲꓸ ꓒꓵꓽ ꓓꓽ ꓪꓴꓸ ꓖꓶꓽ ꓔꓬ ꓢꓴ ꓠꓬ ꓬꓲꓸ ꓠꓯꓼ ꓗꓪ ꓒꓴꓸꓹ ꓮꓽ ꓟꓬꓹ ꓙꓳ_ꓠꓬꓲ ꓟꓽ ꓥ-ꓸ ꓛꓳꓽ ꓒꓯꓼ ꓛꓳꓽ ꓤꓼ ꓔꓯꓼ ꓮꓽ ꓘꓶꓸ ꓠꓲꓹ ꓥꓳ_ꓟ ꓪꓴꓸ ꓠꓬꓲ ꓥꓳ=

6ꓸ ꓠꓴ ꓔꓯꓸ ꓮꓽ ꓕꓯꓽ ꓥ_ꓟꓲ ꓬꓰ ꓙ ꓔꓳꓼ ꓙ ꓔꓬ ꓢꓴ-ꓸ

   ꓠꓴ ꓔꓯꓸ ꓙꓴ_ꓠꓲ ꓟꓽ ꓥ-ꓸ ꓠꓴ ꓔꓯꓹ ꓛꓳꓽ ꓒꓯꓼ ꓓꓽ ꓕꓲꓽ ꓣꓳ ꓥꓳ ꓐꓰ ꓓꓵꓽ ꓙ ꓢꓳꓼ ꓔꓸ ꓟ ꓪꓴꓸ ꓠꓬꓲ ꓥ ꓡꓳ=

ꓟꓳꓸ ꓖꓶꓽ ꓔ ꓟ ꓚꓱꓽ (6) ꓣꓳ ꓠꓬ ꓠꓴ ꓡꓰꓽ ꓒꓵꓽ ꓠ ꓗꓼ ꓟ-ꓸ ꓪꓽ ꓡꓯꓼ ꓓꓽ_ꓟ ꓛꓳꓽ ꓒꓯꓼ ꓚꓵꓸꓹ ꓚꓵꓸꓹ ꓥ ꓡꓳ-ꓸ ꓬꓲꓸ ꓔꓯ ꓠꓴ ꓠꓲꓹ_ꓟ ꓕꓽ ꓐꓬ ꓡꓰ ꓝꓲ=

Add new comment

6 + 2 =