ꓠꓴ ꓤꓶ ꓪꓴꓽ ꓡ ꓟꓴ ꓡ ꓠꓹ ꓟ ꓐꓱ ꓶꓽ-ꓸ

ꓠꓴ ꓤꓶ ꓪꓴꓽ ꓡ ꓟꓴ ꓡ ꓠꓹ ꓟ ꓐꓱ ꓶꓽ-ꓸ

ꓡꓽ ꓞꓳ ꓕꓲꓽ ꓣꓳ ꓒꓬꓱꓼ ꓡꓹ ꓠꓬ ꓦꓱ ꓡ_ ꓕꓯꓽ  ꓗꓪ ꓐꓰ ꓬꓲꓸ ꓟꓶꓽ ꓦꓬꓼ ꓠꓬꓲ ꓗꓪ ꓛꓲ ꓬꓲꓸ ꓘꓴꓽ ꓠꓯꓼ_ ꓗꓪ  ꓫꓸ ꓙꓵꓽ ꓟꓶꓽ ꓙꓵꓽ ꓓꓴ ꓮꓽ ꓟꓬꓸ ꓫꓵꓽ ꓔꓯꓹ ꓔꓳꓼ ꓜꓳꓽ ꓡ ꓥꓳ-ꓸ ꓖꓳ ꓡꓱ ꓔꓳꓼ ꓜꓳꓽ ꓡꓹ_ ꓟ ꓔꓯ-ꓸ ꓓꓽꓔꓳꓸ ꓐ ꓡ ꓠꓹ_ ꓟ  ꓐꓱ ꓶꓽ ꓠꓴꓽ ꓤꓶ ꓗꓪ ꓮꓽ ꓟꓬꓸ ꓫꓵꓽ ꓔꓯ ꓢꓷꓸ ꓠ ꓗ ꓡꓳ=

ꓖꓳ ꓟ ꓠꓯꓼ ꓗꓪ ꓠꓬ-ꓸ

1ꓸ ꓣꓳꓽ ꓔꓵ ꓔꓵ ꓟꓲ ꓓꓳꓽ ꓕꓽ ꓧꓪ-ꓸ ꓮ ꓡꓰ ꓕꓲꓽ ꓒꓳꓹ ꓗꓪ ꓥꓹ_ꓟꓲ ꓟꓲ ꓓꓳꓽ ꓧꓪꓹ_ꓟ ꓚꓱꓼ ꓕꓽ ꓟꓳꓸ ꓪ ꓡꓰ ꓝꓲ-ꓸ

 ꓠꓴ ꓮꓸ ꓡꓰ ꓗꓪ ꓥꓹ_ ꓟꓲ-ꓸ ꓠꓱꓸ ꓐꓯꓼ ꓡꓽ ꓞꓳ ꓐꓴ ꓟꓲꓽ ꓙꓯꓽ ꓗꓪ ꓟꓲ ꓓꓳꓽ ꓧꓪ ꓟꓸꓹ ꓠꓲꓹ ꓟ ꓡꓰꓽ  ꓟꓬꓱꓽ ꓕꓽ ꓬꓰ ꓪ ꓡꓰ ꓝꓲ-ꓸ ꓠꓴ ꓖꓳ ꓡꓰ ꓬꓰꓹ_ꓠꓬ ꓠꓴ ꓔꓯꓸ ꓮꓽ ꓟ ꓥꓹ_ꓟꓲ ꓟꓽ ꓪꓽ ꓡꓸꓹ ꓟꓽ ꓠꓲꓹ ꓒꓴ ꓡ-ꓸ

2ꓸ ꓠꓴ ꓟꓽ ꓢꓷꓸ ꓔ ꓟ ꓔꓯꓼ ꓢꓷꓸ ꓔꓸ ꓪ_ ꓡꓰ ꓕꓽ ꓬꓰ / ꓕꓽ ꓐꓯ ꓪ ꓡꓰ ꓝꓲ-ꓸꓖꓳ ꓡꓰ ꓬꓰ ꓐꓭ_ ꓠꓬ ꓠꓴ ꓮ ꓕꓯꓽ_ꓟꓲ ꓟꓽ ꓢꓷꓸ ꓡ-ꓸ

ꓟꓽ ꓢꓷꓸ ꓔꓸ ꓟ ꓮꓽ ꓙꓵꓽ ꓔꓯꓹ ꓠꓴꓸꓹ ꓢꓳ ꓣꓴ ꓪ ꓡꓰ ꓝꓲ-ꓸ ꓟꓽ ꓢꓷꓸ ꓔꓸ ꓟ ꓔꓯ ꓢꓷꓸ ꓔꓸ ꓪ_ꓡꓰ ꓕꓽ ꓬꓰ ꓕꓽ ꓐꓯ-ꓸ

3ꓸ ꓠꓴ ꓬꓰ ꓔꓬ ꓟ ꓗꓳ ꓡꓳ ꓗꓪ ꓜꓲꓽ ꓠꓲꓹ ꓙꓳ ꓝꓲ-ꓸ ꓞꓲꓼ ꓣꓳꓸ_ ꓕꓯꓽ ꓠꓴ ꓐꓸ ꓐ ꓟꓸ ꓟ ꓐꓴ ꓠꓴ ꓔꓯꓼ ꓬꓰ ꓖꓶꓽ ꓡꓼ_ ꓟ ꓡꓰꓽ ꓐꓰ ꓠꓴ ꓝꓲꓼ ꓪꓴꓽ ꓡ_ꓠꓬ ꓝꓮꓲ ꓬꓰ ꓙ ꓪ ꓡꓰ ꓝꓲ-ꓸ

4ꓸ ꓠꓴ ꓟꓽ ꓠꓲꓹ ꓫꓵ_ꓟ ꓡꓽ ꓞꓳ ꓥ_ꓟꓲ ꓙꓳꓸꓹ ꓡ ꓥꓳ-ꓸ ꓖꓳ ꓟ ꓠꓬ ꓠꓴ ꓞꓲꓼ ꓬꓲꓸ ꓪꓴꓸ ꓔꓴ_ ꓟ ꓥꓳ-ꓸ

5ꓸ ꓠꓴ ꓬꓰ_ꓟ/ ꓔꓬ_ꓟ ꓗꓪ ꓪꓴꓽ ꓢꓴ ꓣꓳ ꓢꓴ ꓮꓽ ꓙꓵꓽ ꓔꓯ ꓒꓵꓽ ꓠ ꓗ_ ꓡꓳ-ꓸ

6ꓸ ꓬꓰꓸꓹ ꓙꓵꓽ ꓙꓳ_ꓟ ꓐꓰ ꓬꓰꓸꓹ ꓠꓹ_ꓟ ꓔꓯ ꓬꓰꓸꓹ ꓪ ꓡꓰ ꓝꓲ-ꓸ ꓕꓱ ꓟ ꓠꓬ ꓟꓲ ꓓꓳꓽ ꓧꓪꓹ ꓟ ꓚꓱꓼ ꓕꓽ ꓗꓶ ꓡꓰ ꓝꓲ-ꓸ ꓙꓵꓸꓹ_ꓟ ꓝꓲꓸꓹ ꓓꓴ ꓟ ꓗꓷ ꓐꓭ  ꓠꓬ ꓓꓸꓹ_ ꓟ ꓧꓳꓽ ꓪꓴꓸ ꓢꓴ_ ꓟꓲ ꓒꓬꓱꓼ ꓡ ꓟꓽ ꓓ-ꓸ

7ꓸ ꓠꓴ ꓬꓰ_ꓟ ꓟꓬꓱꓽ ꓗꓪ ꓠꓴ ꓢꓯꓼ ꓩꓴ ꓢꓲ ꓬꓰ_ ꓡꓰꓽ ꓐꓰ ꓟꓬꓱꓽ ꓬꓰ ꓢꓴ ꓐꓰ ꓪꓽ ꓡꓯꓼ ꓘꓳ ꓡꓰ ꓝꓲ-ꓸ