ꓐꓹ ꓐ ꓥꓪ ꓔꓯ ꓠꓲꓹ ꓠꓵˍ ꓟ ꓡꓰ ꓥꓪˍ ꓟꓲ ꓠꓴ ꓪ ꓔꓯ ꓠꓲꓹ ꓠꓵˍ ꓡꓳ꓾

ꓕꓱ ꓠꓬꓲꓽ ꓢ ꓠꓬꓲ ꓘꓴꓽ ꓗꓪ ꓙꓲˍ ꓟ ꓓꓳꓽ ꓔꓯ ꓟꓽ ꓠꓽ ꓠꓽ ꓣꓳ ꓑ ꓙ ꓪˍ ꓡꓳ= ꓕꓱ ꓟ ꓠꓬ ꓐꓹ ꓐ ꓥꓪ ꓔꓯ ꓠꓲꓹ ꓠꓵˍ ꓟ ꓡꓰ ꓥꓪˍ ꓟꓲ ꓠꓴ ꓪ ꓔꓯ ꓠꓲꓹ ꓠꓵˍ ꓡꓳ= ꓥꓪ ꓠꓵꓻ ꓠꓲꓹ ꓠꓯꓸꓼ ꓗꓪ ꓠꓴ ꓪ ꓔꓬ= ꓠꓴ ꓪ ꓠꓬ ꓗꓹ ꓛꓲꓽ ꓠꓲꓹ ꓒ ꓐꓲ ꓙꓳ ꓡˍ ꓥꓳ꓾ ꓐꓰ ꓐꓯ ꓖꓶ ꓔ ꓟ ꓙꓳˍ ꓡꓳ= ꓟꓲ ꓠꓯ ꓕꓱ ꓟ ꓗꓪ ꓞꓳ ꓤ ꓥ ꓕ ꓑꓳꓸ ꓟꓽ ꓓ ꓟꓶ ꓠꓲꓹ ꓫꓵ ꓢꓲ ꓠꓬꓲ ꓧꓪ ꓔꓬ ꓟ ꓠꓬ ꓗꓹ ꓛꓲꓽ ꓠꓹ ꓟ꓾ ꓠꓲꓹ ꓒꓴ ꓠꓹ ꓟ ꓔꓯ ꓧꓪꓺ ꓔꓬ ꓟ ꓥ ꓡꓳ= ꓐꓯ ꓪˍ ꓠꓬ ꓕꓱ ꓟ ꓔꓯ ꓠꓲꓹ ꓟ ꓢꓲꓺ ꓡꓲꓺˍ ꓟ ꓐꓰ ꓐꓯ ꓔꓬ ꓡꓳ=

ꓖꓳ ꓟ ꓪꓴꓸ ꓠꓬꓲ ꓬꓲ ꓚꓱꓹ ꓮ ꓟꓬꓹ ꓣꓱꓽ ꓢꓲ ꓗꓹ ꓛꓲꓽ ꓓꓴ ꓔꓯ ꓧꓪꓺ ꓔꓬ ꓡꓳ= ꓒꓴ ꓖꓶ ꓢꓲ ꓗꓹ ꓛꓲꓽ ꓓꓴ ꓔꓯ ꓪꓴꓻ ꓔꓬ ꓡꓳ= ꓧꓪꓽ ꓖꓳ ꓓꓱꓽ ꓐꓰ ꓑꓺ ꓔꓬ ꓖꓴˍ ꓡꓳ= ꓖꓳ ꓡꓱ ꓥˍ ꓟꓲ ꓗꓹ ꓛꓲꓽ ꓓꓴ ꓔꓯ ꓟꓶ ꓓꓹ ꓟ ꓕꓲ ꓟˍ ꓟ ꓚꓱꓹ ꓠꓬ ꓠꓵꓻ ꓠꓲꓹ ꓥ ꓡꓳ꓾ ꓐꓯ ꓟ ꓔꓯ ꓠꓬꓲꓸ ꓠꓬꓲ ꓣꓳ ꓑ ꓙ ꓪ ꓡꓰꓳ= ꓗꓹ ꓛꓲꓽ ꓓꓴ ꓔꓯ ꓒꓴ ꓗꓪ ꓐꓰ ꓪꓴꓻ ꓟꓶ ꓟꓽ ꓓ꓾ ꓧꓪꓽ ꓖꓳ ꓓꓱꓽ ꓐꓰˍ ꓟꓲ ꓑꓺ ꓟꓶ ꓟꓽ ꓓ=

ꓟꓲ ꓠꓯ ꓗꓪ ꓟꓽ ꓓ ꓗꓹ ꓛꓲꓽ ꓢꓴ ꓞꓳ ꓤ ꓠꓬ ꓠꓵꓻ ꓠꓲꓹ ꓟꓶ ꓢꓲ ꓢꓴ ꓔꓯ ꓥˍ ꓟꓲ ꓠꓲꓹ ꓠꓵꓻ ꓐ ꓡ ꓢꓴ ꓥ ꓡꓳ= ꓠꓵꓻ ꓠꓲꓹ ꓥˍ ꓟꓲ ꓘꓳꓹ ꓣꓴ ꓟꓶ꓾ ꓘꓳꓹ ꓣꓴ ꓟꓶˍ ꓟ ꓠꓵꓻ ꓠꓲꓹ ꓔꓯˍ ꓟꓲ ꓠꓱꓸ ꓐꓯ ꓢꓴ ꓔꓯ ꓐꓱ ꓖꓶꓽ ꓐ ꓡ ꓢꓴ ꓠꓬ ꓟꓲ ꓠꓯ ꓗꓪ ꓟꓽ ꓓ ꓗꓹ ꓛꓲꓽ ꓢꓴ꓾ ꓗꓹ ꓛꓲꓽ ꓓꓰꓺ ꓡꓰ ꓢꓴ ꓥ ꓡꓳ= ꓖꓳ ꓡꓱ ꓠꓬꓲ ꓐꓲ ꓜꓲꓼˍ ꓟ ꓗꓹ ꓛꓲꓽ ꓠꓲꓹ ꓔꓯ ꓟꓶ ꓡꓰ ꓠꓹ ꓟ ꓐꓱ ꓶ ꓢꓲꓺ ꓒ ꓬꓰ-ꓢꓴ ꓟꓸ ꓖꓶ ꓔ ꓟ ꓡꓰ ꓐꓰ ꓕꓲ ꓣꓳ ꓛꓳꓽ ꓕꓲ ꓣꓳ ꓠꓲꓹ ꓠꓵ ꓡꓯ ꓘꓳ ꓡꓯ=