ꓒ-ꓡꓲ-ꓢꓷ ꓐꓴˍ ꓐꓰ ꓧꓳꓺ ꓡꓯꓽ ꓘꓳˍ ꓟ

ꓟ-ꓕꓲ 15ꓽ1-2ꓹ10-14

ꓖꓳ ꓗ ꓠꓯꓸ ꓒ-ꓡꓲ-ꓢꓷ ꓐꓴˍ ꓐꓰ ꓙꓵꓽ ꓗ ꓟꓸ ꓒ ꓐꓴ ꓠꓬ꓾ ꓙꓱ-ꓣꓴ-ꓢ-ꓡꓱ ꓗꓪ ꓐꓰ ꓬꓰ-ꓢꓴ ꓔꓯ ꓡ ꓢꓲ꓾ ꓠꓴ ꓛꓳꓽ ꓒꓯꓹ ꓐꓴ ꓠꓬ ꓮ ꓫꓵꓽ ꓪꓴꓸ ꓠꓬꓲ ꓒꓵꓽ ꓒ ꓐꓴ ꓡꓲꓽ ꓒꓰꓼ ꓔꓯ ꓛꓬˍ ꓡ? ꓬꓲ ꓪ ꓠꓬ ꓜ ꓜꓽˍ ꓕꓯ ꓡꓯ ꓒꓯꓹ ꓟꓽ ꓞꓲꓽ ꓞꓲꓽ ꓜꓽˍ ꓡꓳ꓾ ꓐꓯˍ ꓡꓳ=

ꓬꓰ-ꓢꓴ ꓡꓰ ꓞꓳ ꓜꓴ ꓔꓯ ꓬꓲ ꓔꓬ ꓗꓪ ꓘꓴ ꓔꓯꓹ ꓡ ꓢꓲ ꓬꓲ ꓪ ꓔꓯ꓾ ꓠꓴ ꓪ ꓠ ꓠꓹ ꓢꓲ ꓙꓽ ꓜꓲꓼ ꓔ= ꓡ ꓞꓳ ꓕꓲ ꓣꓳ ꓬꓲ ꓟꓷꓽ ꓠꓷꓹ ꓗꓪ ꓓꓵꓽ ꓡꓰˍ ꓟ ꓡꓰ ꓬꓲ ꓔꓯ ꓟꓽ ꓫꓬ ꓗꓷ ꓡꓰ ꓝꓲˍ ꓟ ꓟꓽ ꓥ= ꓖꓳ ꓡꓱ ꓥˍ ꓟꓲ ꓬꓲ ꓟꓷꓽ ꓠꓷꓹ ꓗꓪ ꓐꓰ ꓓꓳ ꓡˍ ꓟ ꓠꓽ ꓬꓲ ꓔꓯ ꓟꓽ ꓫꓬ ꓗꓷ ꓡꓰ ꓝꓲ ꓐ ꓡ ꓡꓳ꓾ ꓐꓯˍ ꓡꓳ= ꓖꓳ ꓕꓯ ꓛꓳꓽ ꓒꓯꓹ ꓐꓴ ꓬꓲ ꓔꓯ ꓡ ꓢꓲ꓾ ꓐꓯ ꓘꓶ ꓕꓱ ꓟ ꓡꓰ ꓒ-ꓡꓲ-ꓢꓷ ꓐꓴ ꓔꓯ ꓗꓸ ꓬꓯꓼ ꓗꓷ ꓟ ꓠꓴ ꓟꓽ ꓢꓷꓸ ꓡ? ꓐꓯˍ ꓡꓳ= ꓬꓲ ꓒꓳꓸ ꓖꓶ ꓢꓲ꓾ ꓟꓴ ꓗꓪ ꓗꓪ ꓟ ꓥꓪ ꓐꓹ ꓐꓽ ꓡꓰ ꓟꓽ ꓔꓶ ꓔ ꓟ ꓡꓲꓸ ꓤ ꓥ ꓕ ꓑꓳꓸ ꓠꓬ ꓚꓵꓹ ꓦ ꓗꓷˍ ꓥꓳ= ꓬꓲ ꓪ ꓠꓽ ꓟꓬ ꓔꓶ ꓢꓲ ꓙ ꓖꓴ ꓧꓳꓽ ꓢꓴ ꓬꓰˍ ꓠꓬꓲ ꓥ ꓝꓲ= ꓟꓬ ꓔꓶ ꓡꓰ ꓟꓬ ꓔꓶ ꓔꓯ ꓙ ꓖꓴ ꓧꓳꓽˍ ꓠꓬ꓾ ꓠꓬꓲꓽ ꓣꓳ ꓡꓱꓸꓼ ꓟꓲ ꓘꓴ ꓗꓪ ꓞꓰ ꓓꓵꓽ ꓡꓰˍ ꓥꓳ꓾ ꓐꓯ ꓡꓳ=