ꓤ ꓟꓶ ꓤ ꓐꓴ ꓠꓬ ꓢꓲꓺ ꓡꓲꓺ ꓟ ꓐꓰ ꓝꓮꓲ ꓕꓲ ꓧꓪꓹ ꓫꓬꓹ ꓔꓱꓹ ꓟ ꓔꓯ ꓣꓴ ꓔꓯꓹ ꓖꓶ ꓡ ꓢꓴ ꓥ ꓟ ꓔꓯ ꓔꓲꓺ ꓒ ꓪ ꓔꓲ Francis ꓡꓰ ꓐꓯˍ ꓟ

 ꓖꓳ ꓕꓯ ꓟꓴ ꓗꓪ ꓗꓴꓷ ꓠꓬ꓾ ꓤ ꓟꓶ ꓡꓯꓸ ꓞꓲ ꓣꓳ_ ꓡꓰ ꓐꓰ ꓗ_ ꓡꓳ꓿ ꓬꓲ ꓪ ꓠꓬ ꓬꓲ ꓪ ꓟꓬ ꓡꓴꓻ ꓔꓯꓹ ꓔ ꓢꓲ ꓟꓯꓸ ꓡꓯꓸ ꓒ ꓔꓯ ꓞꓵꓺ ꓙꓰ_

ꓬꓲ ꓪ ꓗꓪ ꓟ ꓥꓪꓽ ꓣꓳ ꓠꓬ ꓞꓳ ꓙꓲꓽ ꓥ ꓡꓳ꓾ ꓥꓪꓽ ꓣꓳ ꓠꓽ ꓢꓷ ꓠꓲꓹ ꓙꓳ_ ꓡꓳ꓿

ꓞꓳ ꓙꓲꓽ ꓠꓽ ꓟꓬ ꓡꓴ ꓔꓯꓹ ꓔ ꓢꓲ꓾ ꓟꓬ ꓞꓶꓻ ꓠꓽ ꓟꓽ ꓔꓯꓹ ꓔ꓿

ꓢꓷ ꓠꓲꓹ ꓙꓳ ꓢꓴ ꓠꓬ ꓟꓬ ꓡꓴ ꓔꓯꓹ ꓔ ꓢꓲ꓾ ꓟꓬ ꓞꓶ_ ꓟꓲ ꓐꓬꓻ ꓗꓪ ꓧꓳꓽ ꓔꓯꓹ ꓔ_ ꓡꓳ꓿

ꓟꓯꓸ ꓡꓯꓸ ꓒ ꓡ ꓟꓬꓺ ꓬꓰ ꓠꓬꓲ꓾ ꓬꓲ ꓪ ꓮ ꓙꓵ ꓬꓲꓼ ꓟꓶ ꓪꓴꓸ ꓝꓴꓸ ꓕꓳꓹ ꓢꓲ ꓬꓲꓼ ꓟꓶ ꓡꓰꓳ꓿

ꓦꓬꓼ ꓔꓱ ꓫꓵ ꓗꓪ ꓠꓬ꓾ ꓠꓬꓲ ꓠꓹ꓾ ꓟꓯꓸ ꓡꓯꓸ ꓒ ꓛꓲ ꓡꓻꓳ꓿ ꓓꓳ ꓡ ꓢꓲ ꓬꓲ ꓔꓯ ꓞꓵꓺ ꓬꓰ꓾ ꓐꓰ ꓘꓴꓻ_ ꓟ ꓢꓯꓼ ꓙꓳ_ ꓡꓳ꓿

ꓖꓳ ꓕꓯ ꓤ ꓟꓶ ꓡꓯꓸ ꓮ ꓙꓵ ꓔꓴ ꓢꓲ ꓟꓬ ꓡꓴ ꓚ ꓞꓶꓽ_ ꓡꓳ꓿

ꓞꓳ ꓙꓲꓽ ꓠꓬ ꓢꓷ ꓠꓲꓹ ꓙꓳ ꓢꓴ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓠꓴ ꓪ ꓟꓬ ꓞꓶꓻ ꓥꓪ ꓠꓴꓽ ꓔꓯ ꓮ ꓔꓲꓸ ꓤ ꓖꓶ ꓡꓯ꓿ ꓮ ꓡꓲꓳ ꓐꓯ ꓠꓬ ꓥꓪ ꓠꓴꓽ ꓟꓬ ꓡꓴ ꓫꓵꓻ_ ꓐꓰ ꓗꓹ_ ꓡꓳ꓾ ꓐꓯ_ ꓡꓳ꓿

ꓢꓷ ꓠꓲꓹ ꓙꓳ ꓢꓴ ꓠꓽ ꓒꓳꓹ ꓖꓶ ꓢꓲ꓾ ꓮ ꓧꓪꓹ ꓠꓴ ꓪ_ ꓐꓰ ꓥꓪ ꓠꓴꓽ ꓐꓱ ꓶ ꓣꓱꓽ ꓟꓽ ꓡꓳꓼ ꓠꓹ꓿ ꓠꓴ ꓪ ꓚꓲ ꓛꓬ ꓐꓱ ꓶ ꓟꓬ ꓞꓶ ꓪꓴꓽ ꓢꓴ ꓔꓯ ꓪꓴꓻ ꓬꓰ ꓨ꓾ ꓐꓯ_ ꓡꓳ꓿

ꓬꓲ ꓪ ꓪꓴꓻ ꓙꓰ_ ꓕꓯ ꓟꓯꓸ ꓡꓯꓸ ꓒ ꓛꓲ ꓡ_ ꓡꓳ꓿ ꓙꓽ ꓖꓶ ꓔ ꓢꓴ ꓠꓬ ꓬꓲ_ ꓐꓰ ꓕꓲ ꓛꓳ_ ꓤ ꓟꓶ ꓚꓱ_ ꓟ ꓑꓮꓲ ꓗꓪ ꓓꓵꓽ ꓙꓰ_ ꓡꓳ꓿ ꓗ ꓘꓶ_ ꓟꓲ ꓚꓵꓸ ꓗꓷꓳ꓿

ꓤ ꓟꓶ ꓡꓯꓸ ꓖꓳ ꓥꓪꓽ ꓣꓳ ꓠꓬ ꓗꓸ ꓠꓯ ꓢꓲ ꓡ ꓢꓲ ꓠꓬꓲ ꓕꓱ ꓡꓱ ꓐꓯ_ ꓡꓳ꓾ ꓢꓲꓺ ꓒꓽꓳ꓾ ꓢꓲꓺ ꓒꓽꓳ꓾ ꓥꓪ ꓠꓴꓽ ꓔꓯ ꓗ ꓘꓶ ꓒꓴ ꓖꓶ ꓡꓯ꓾ ꓐꓯ_ ꓡꓳ꓿

ꓖꓳ ꓡꓱ ꓥ_ ꓟꓲ ꓬꓲ ꓡꓰ ꓕꓱ ꓡꓱ ꓒꓳꓹ ꓖꓶ_ ꓡꓳ꓾ ꓥꓪ ꓠꓴ ꓪ ꓔꓯ ꓔꓱꓹ ꓔꓱ_ ꓐꓰ ꓐꓯ ꓖꓶ_ ꓠꓬꓲ꓾ ꓥꓪ ꓠꓴ ꓪ ꓔꓯ ꓟꓽ ꓢꓷ꓾ ꓐꓯ_ ꓡꓳ꓿

ꓖꓳ ꓡꓱ ꓠꓬꓲ ꓧꓪꓸ ꓛꓲ ꓐꓰ ꓔꓬ꓿ ꓮ ꓡꓲꓳ ꓐꓯ ꓠꓬ ꓬꓲ ꓦꓬꓼ ꓠꓬꓲ_ ꓟꓲ꓾ ꓬꓲ ꓙꓵꓹ_ ꓟꓲ ꓠꓴ ꓪ ꓟꓽ ꓢꓷ꓿