ꓙꓲ_ꓟ ꓮ ꓣꓳ ꓡꓳꓸ ꓒ

ꓖꓳ ꓕꓯ ꓙꓱ-ꓣꓴ-ꓢ-ꓡꓱ ꓗꓪ ꓔꓲ-ꓚꓰꓸ-ꓑꓮꓲ ꓬꓰˍ ꓟ ꓝꓲꓸ ꓥ ꓢꓲ ꓟꓵꓽ ꓞꓴꓽ ꓥ ꓡꓳ= ꓬꓰ-ꓢꓴ ꓠꓬ ꓢꓲꓽ ꓫꓬ ꓦꓲ ꓗꓪ ꓢꓳ-ꓡꓳ-ꓟꓳ ꓡꓽ ꓦꓲ ꓘꓶꓽ ꓗꓪ ꓫꓱꓽ ꓚꓳ ꓔꓬ ꓕꓯ꓾ ꓬꓴ-ꓔ ꓡ ꓞꓳ ꓠꓬ ꓬꓲ ꓚꓳ ꓡꓳ ꓗꓪ ꓜꓲ ꓡ ꓢꓲ ꓬꓲ ꓔꓯ꓾ ꓠꓴ ꓠꓬ ꓥꓪ ꓠꓴ ꓔꓯ ꓮ ꓡꓲ ꓟꓶ ꓛꓲ ꓓꓵꓽ ꓙ ꓟꓬꓽ ꓔꓬ ꓝꓲˍ ꓐꓯˍ ꓡ? ꓙꓲ-ꓢꓴ ꓖꓳ ꓕꓲ ꓣꓳ ꓟ ꓠꓴ ꓥ ꓠꓬ ꓥꓪ ꓠꓴꓽ

ꓔꓯ ꓫꓬꓽ ꓫꓬꓽˍ ꓡꓰ ꓐꓯ ꓖꓶꓽ ꓡꓯ꓾ ꓐꓯˍ ꓡꓳ= ꓬꓰ-ꓢꓴ ꓡꓰ ꓬꓲ ꓪ ꓔꓯ ꓒꓳꓹ ꓖꓶ ꓢꓲ꓾ ꓠꓴ ꓪ ꓔꓯ ꓥꓪ ꓐꓯ ꓖꓶ ꓗꓷˍ ꓟꓲ ꓠꓴ ꓪ ꓟꓽ ꓙꓵꓻ= ꓥꓪ ꓐꓹ ꓐ ꓟꓬꓱ ꓗꓪ ꓐꓰ ꓥꓪ ꓬꓰˍ ꓟ ꓟꓬꓱꓽ ꓡꓰ ꓥꓪ ꓐꓱ ꓶ ꓢꓷꓸ ꓙ ꓟꓳ ꓙˍ ꓡꓳ=ꓖꓳ ꓡꓱ ꓥˍ ꓟꓲ ꓠꓴ ꓪ ꓠꓬ ꓥꓪ ꓮ ꓣꓳ ꓗꓪ ꓟ ꓟꓽ ꓥ ꓠꓬꓲ ꓟꓽ ꓙꓵꓻ= ꓥꓪ ꓮ ꓣꓳ ꓠꓬ ꓥꓪ ꓢꓯꓼ ꓔꓯ

ꓠ ꓠꓹˍ ꓡꓳ= ꓥꓪ ꓠꓬ ꓬꓲ ꓪ ꓔꓯ ꓢꓷꓸ ꓢꓲ꓾ ꓬꓲ ꓪˍ ꓟꓲ ꓥꓪ ꓔꓯ ꓛꓳ ꓡˍ ꓡꓳ= ꓥꓪ ꓡꓰ ꓬꓲ ꓪ ꓔꓯ ꓕꓲ ꓞꓲꓼ ꓕꓲ ꓑ ꓟ ꓢꓯꓼ ꓟꓬ ꓖꓶꓽ ꓢꓲ꓾ ꓬꓲ ꓪ ꓠꓬ ꓮ ꓕꓯˍ ꓟꓲ ꓟꓽ ꓟꓶꓽ ꓬꓰ ꓢꓲ ꓠꓬꓲ꓾ ꓮ ꓟˍ ꓟꓲ ꓥꓪ ꓡꓯꓽ ꓒꓯꓹ ꓗꓪ ꓐꓰ ꓬꓲ ꓪ ꓔꓯ ꓦꓴ ꓔꓯꓹ ꓙꓰ ꓟꓽ ꓐ ꓡ= ꓥꓪ ꓔꓯ ꓮ ꓣꓳ ꓖꓶ ꓡ ꓢꓴ ꓥꓪ ꓐꓹ ꓐ ꓠꓬ ꓮ ꓙꓵꓽ ꓕꓯꓽ ꓢꓲ ꓪꓴꓽˍ ꓟ ꓥ

ꓡꓳ= ꓖꓳ ꓡꓱ ꓢꓲ ꓮ ꓟˍ ꓟꓲ ꓐꓹ ꓐ ꓡꓯ ꓒꓯꓹ ꓗꓪ ꓐꓰ ꓥꓪ ꓮ ꓣꓳ ꓔꓯ ꓦꓴ ꓔꓯꓹ ꓙꓰ ꓟꓽ ꓐ ꓡ= ꓥꓪˍ ꓐꓰ ꓐꓹ ꓐ ꓠꓬ ꓕꓲ ꓣꓳˍ ꓡꓰꓽ ꓥ ꓡꓳ꓾ ꓐꓯˍ ꓡꓳ =

 

 

Add new comment

9 + 6 =