ꓔꓱ, ꓙꓳ ꓟ ꓟꓬꓱꓽ ꓬꓰ ꓠꓯ, ꓟ

ꓔꓱ, ꓙꓳ ꓟ ꓟꓬꓱꓽ ꓬꓰ ꓠꓯ, ꓟ

 ꓠꓲ, ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴ‐ꓳ ꓠꓬꓲ. ꓠꓬꓲ ꓣꓳꓽ ꓵ ꓠ ꓔ ꓟ ꓢꓲꓽ ꓫꓬ ꓕꓳ ꓶ ꓗꓪ ꓬꓴ‐ꓔ ꓡ ꓞꓳ ꓐꓴ ꓠꓬ ꓢꓲ ꓒ ꓬꓰ‐ꓢꓴ ꓔꓯ ꓭ. ꓛꓲ ꓗꓪ ꓐꓰ ꓡꓳꓻ ꓠ, ꓟ ꓙ ꓖꓶ  ꓟ ꓔꓯ ꓣꓳꓽ ꓑ, ꓙ ꓡꓳ꓿ ꓬꓰ‐ꓢꓴ ꓡꓰ ꓬꓲ. ꓪ ꓔꓯ꓾”ꓐ, ꓐ ꓗꓪ ꓐꓰ ꓙꓲˍ ꓟ ꓟꓬꓱꓽ ꓮ ꓟꓬ, ꓠꓴ ꓪ ꓔꓯ ꓥꓪ ꓟꓳ. ꓖꓶ ꓗꓷꓳ꓿ ꓟꓬꓱꓽ ꓮ ꓡꓲ ꓕꓲ ꓫꓵ ꓟ ꓑꓶ. ꓓꓴ ꓠꓴ ꓪ ꓠꓬ ꓥꓪ ꓔꓯ ꓭ. ꓛꓲ ꓡꓳˍ ꓐꓯˍ ꓡ? ꓐꓰ ꓐꓯ ꓖꓶˍ ꓡꓳ꓿ ꓖꓳ ꓕꓯ ꓬꓴ‐ꓔ ꓡ ꓞꓳ ꓡꓰ ꓬꓲ ꓔꓯ ꓒꓳ, ꓖꓶ ꓢꓲ ꓥꓪ ꓠꓴꓽ ꓠꓬ ꓙꓲˍ ꓟ ꓟꓬꓱꓽ ꓑꓶ. ꓓꓴ ꓠꓴ ꓔꓯ ꓭ. ꓛꓲ ꓡꓳˍ ꓐꓰ ꓬꓰˍ ꓟ ꓟꓽ ꓥ꓾ ꓠꓴ ꓠꓬ ꓐꓯ ꓟꓽ ꓚꓰꓼ ꓟ ꓐꓯˍ ꓟ ꓐꓰ꓾ ꓝꓮꓲ ꓠꓴ ꓠꓬ ꓡ ꓞꓳ ꓥ ꓢꓲ ꓚꓲ ꓛꓬ ꓔꓯ ꓪꓴ‐ꓢ ꓥ ꓡꓳ꓾ ꓐꓯ ꓠꓬꓲ ꓠꓴ ꓔꓯ ꓭ. ꓛꓲ ꓡꓳˍ ꓐꓰ ꓬꓰˍ ꓟ ꓥ ꓡꓳ꓾ ꓐꓯ ꓖꓶ ꓡꓳ꓾” (ꓬꓳ‐ꓦ 10ꓽ32‐33)

ꓢꓲ ꓒ ꓬꓰ‐ꓢꓴ ꓠꓬ ꓬꓲ. ꓪꓴ‐ꓢ ꓥˍ ꓟ ꓔꓯ ꓬꓴ‐ꓔ ꓡ ꓞꓳ ꓐꓴ ꓔꓯ ꓐꓯ ꓖꓶˍ ꓡꓳ꓿ ꓖꓳ ꓡꓱ ꓥˍ ꓟꓲ ꓬꓲ. ꓪ ꓐꓴ ꓠꓬ ꓢꓲ ꓒ ꓔꓯ ꓘꓳ ꓣꓴ ꓟꓽ ꓐ, ꓡ꓿ ꓞꓳ ꓤ ꓕꓲꓽ ꓣꓳ ꓮ ꓡꓰ ꓢꓲ ꓪꓴ‐ꓢ ꓐꓯ ꓡ ꓐꓰ ꓐꓯ ꓢꓲ ꓢꓲ ꓒ ꓔꓯ ꓭ. ꓛꓲ ꓗꓪ ꓐꓰ ꓡꓳꓺ ꓠ, ꓟ ꓬꓰˍ ꓡꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓡ ꓞꓳ ꓮ ꓟꓬ, ꓠꓬ ꓬꓲ. ꓔꓯ ꓟꓽ ꓘꓳ ꓣꓴ ꓥˍ ꓟꓲ ꓬꓲ. ꓐꓯ ꓙꓲ ꓙꓳˍ ꓟ꓾ ꓬꓰ ꓙꓲ ꓙꓳˍ ꓟ ꓔꓯ ꓑꓶ. ꓑꓶ. ꓡꓰ ꓬꓰ ꓙꓰ ꓡꓳ꓿ ꓠꓱ. ꓐꓯ ꓢꓴ ꓬꓲ. ꓔꓯ ꓫ. ꓚꓲ ꓠꓬꓲ꓾ ꓪ ꓫꓱ, ꓠꓬꓲ ꓬꓰˍ ꓥˍ ꓟꓲ ꓬꓲ. ꓠꓬ ꓮ ꓡꓰ ꓟꓽ ꓓ꓿ ꓮ ꓡꓲꓳ ꓐꓯ ꓠꓬ ꓢꓲ ꓒ ꓠꓴ ꓔꓱ, ꓚꓵˍ ꓟ ꓔꓯ ꓕꓱ ꓔꓬ, ꓡꓳ꓿ ꓢꓲ ꓒ ꓬꓰ‐ꓢꓴ ꓬꓲ. ꓚꓲ. ꓛꓬ ꓡꓰ ꓔꓱ, ꓚꓵˍ ꓟ ꓥ ꓟ ꓑꓶ. ꓓꓴ ꓬꓲ. ꓔꓯ ꓮ ꓟˍ ꓟꓲ ꓟꓽ ꓞꓳ, ꓞ꓿ ꓔꓱ, ꓚꓵˍ ꓟ ꓠꓬ ꓞꓳ, ꓔ ꓟ ꓔꓯ ꓩꓴ ꓗꓷ ꓖꓶꓽ ꓐ ꓡ ꓡꓳ꓿ ꓢꓲ ꓒ ꓡꓰ ꓬꓲ. ꓡꓰ ꓬꓲ. ꓠꓬ ꓩꓴ ꓗꓷ ꓐ ꓡ ꓡꓳ ꓐꓰ ꓐꓯ ꓔ ꓡꓳ꓿

 ꓣꓳꓽ ꓠꓬ ꓔꓱ, ꓜꓳˍ ꓟ ꓬꓰˍ ꓕꓯ ꓮ ꓟꓽ ꓔꓯˍ ꓟꓲ ꓙꓳꓺ ꓟꓽ ꓛꓵ꓿ ꓮ ꓡꓲꓳ ꓐꓯ ꓠꓬ ꓔꓱ, ꓜꓳˍ ꓟ ꓬꓰ ꓢꓴ ꓠꓬ ꓮ ꓟ ꓥˍ ꓟꓲ ꓒꓶ ꓩꓴ ꓗꓷˍ ꓟ ꓟꓶ ꓡꓳ꓿ ꓢꓲ ꓒ ꓔꓯ ꓣꓳ ꓙꓵˍ ꓕꓯ ꓣꓳꓽ ꓠꓬ ꓒꓶ ꓩꓴ ꓗꓷ ꓟ ꓟꓶ ꓥꓳ꓿ ꓮ ꓙꓵꓽ ꓢꓴ ꓔꓱ, ꓙꓳˍ ꓟꓬꓱꓽ ꓬꓰ ꓡꓯ꓿