ꓕꓲ-ꓟꓳ-ꓕꓲ-ꓪꓴ ꓔꓯ ꓘꓶꓸ ꓖꓶˍ ꓟ(reflection)

 ꓬꓲ; ꓤ ꓠꓬꓲ ꓤ ꓐꓴꓽꓳ꓾ ꓠꓬꓲꓸ ꓠꓬꓲ ꓐꓱ ꓶ ꓦ ꓢꓯꓼ ꓪ ꓣꓳ ꓓꓴ ꓠꓬ꓾ 2 ꓕꓲ-ꓟꓳ-ꓕꓲ-ꓪꓴ ꓕꓳ ꓶ 1ꓽ 12 ꓗꓪ ꓒꓳ-ꓡꓳ ꓡꓰ ꓥꓪ ꓮꓽ ꓟ ꓔꓯ ꓙꓵꓻ ꓔꓬ ꓟ ꓥꓪ ꓢꓷꓸˍ ꓡꓳ ꓐꓰ ꓐꓯ ꓟ ꓢꓲ ꓫꓬ ꓕꓳ ꓶ ꓝꓲꓸ ꓥ ꓡꓳ=ꓒꓳ-ꓡꓳ ꓠꓬ ꓬꓲ ꓮꓽ ꓟ ꓔꓯ ꓙꓵꓻ ꓔꓬ ꓐꓯ ꓟ ꓬꓲꓸ ꓢꓷꓸ_ ꓡꓳ=ꓣꓳ ꓙꓵꓻ ꓠꓲꓹ ꓐꓰ ꓐꓯ ꓕꓯ ꓕꓲ ꓐꓱ ꓟ ꓠꓬ ꓙꓵꓻ ꓠꓲꓹ ꓟꓽ ꓥ ꓥ ꓐꓰ ꓘꓳꓹ ꓣꓴ ꓐ ꓡ ꓟ ꓔꓯ ꓕꓱ ꓡꓱ ꓐꓰ ꓢꓷꓸ ꓔ ꓟ ꓟꓽ ꓙꓳ ꓫꓵ ꓙꓳˍ ꓡꓳ=ꓮ ꓡꓰ ꓥ ꓐꓯ ꓠꓬ ꓔꓯ ꓥꓳꓽ ꓠꓴ ꓡꓰ ꓥꓪ ꓔꓯ ꓕꓱ ꓡꓱ ꓬꓲꓼ ꓟꓳꓸ ꓖꓶ ꓡꓯ꓾ ꓖꓳ ꓡꓱ ꓠꓬ ꓠꓴ ꓔꓯ ꓥꓪ ꓙꓵꓻˍ ꓥꓳ=ꓕꓱ ꓡꓱ ꓐꓯ ꓢꓲ ꓠꓬꓲ ꓡ ꓞꓳ ꓕꓲ ꓣꓳ ꓛꓳ ꓕꓲ ꓣꓳ꓾ ꓣꓳ ꓙꓻ ꓡꓯꓼ ꓘꓳ ꓡꓳ=ꓕꓱ ꓟ ꓡꓰ ꓐꓰ ꓕꓲ ꓖ ꓕꓲ ꓧꓪꓹ ꓪꓴ-ꓢ ꓔꓯ ꓥ ꓟꓲ ꓪꓴ-ꓢ ꓠꓴ ꓥꓪ ꓔꓯ ꓕꓱ ꓡꓱ ꓖꓶ ꓡꓯ꓾ꓖꓳ ꓡꓱ ꓠꓬ ꓥꓪ ꓠꓴ ꓔꓯ ꓙꓵꓻ ꓥꓳ=ꓕꓱ ꓡꓱ ꓐꓯ ꓫꓵ ꓦꓬꓼ ꓠꓬꓲ ꓥ ꓟꓲ ꓙꓳ ꓡ ꓗꓴꓸˍ ꓡꓳ=ꓖꓳ ꓡꓱ ꓠꓬꓲ ꓕꓱ ꓟ ꓟꓽ ꓜꓳ꓾ ꓮ ꓫꓵ ꓑꓶ ꓓꓴ ꓥ ꓐꓯ ꓠꓬ꓾ ꓣꓳ ꓔꓯ ꓬꓲ ꓟꓸ ꓖꓶ ꓕꓯ ꓡꓰ ꓣꓳ ꓙꓵꓻ ꓠꓬ ꓣꓳ ꓢꓷꓸ ꓟ ꓔꓯ ꓡꓰ ꓣꓳ ꓙꓵꓻˍ ꓟ ꓠꓬ꓾ꓙꓵꓻ ꓠꓲꓹ ꓟꓽ ꓥ= ꓕꓱ ꓟ ꓠꓬ ꓘꓳꓹ ꓣꓴ ꓐ ꓡꓳ ꓫꓵ ꓕꓲ ꓫꓵ ꓡꓰ ꓒꓬꓱꓼ ꓬꓰꓳ= ꓠꓴ ꓐꓯ ꓟ ꓥꓪ ꓘꓳꓹ ꓣꓴ ꓐ ꓡˍꓡꓳ ꓐꓯ ꓟ ꓐꓰ ꓕꓲ ꓡꓰꓹ ꓥ ꓡꓳ=ꓖꓳ ꓡꓱ ꓠꓬꓲ ꓪꓴ-ꓢ ꓔꓯ ꓣꓳ ꓕꓱ ꓡꓱ ꓐꓯ ꓡ ꓕꓯ ꓣꓳ ꓠꓬ ꓮ ꓫꓵ ꓔꓯ ꓙꓵꓻ ꓔꓬ ꓡ ꓐꓯ ꓟ ꓕꓯ ꓢꓲ꓾ꓮꓽ ꓟ ꓔꓯꓸ ꓙꓵꓻ ꓔꓬ ꓡ ꓐꓯ ꓟ ꓔꓯ ꓓꓵꓽ ꓙ ꓠꓬꓲ ꓠ ꓗꓹ ꓡꓳ=ꓣꓳ ꓠꓬ ꓮ ꓕꓯ ꓟꓲ ꓙꓵꓻ ꓖꓴ ꓡꓰ ꓟ ꓕꓲ ꓞꓲꓼ ꓕꓲ ꓑ ꓪꓴ-ꓢ ꓥ ꓟ ꓙꓳ ꓟ ꓮ ꓙꓵ ꓔꓯ ꓚꓰꓼ ꓢꓴ ꓪꓴ-ꓢ ꓔꓯ ꓣꓳ ꓙꓵꓻ ꓔꓬ ꓡꓳ=ꓬꓲꓸ ꓬꓰ_ ꓟ ꓮ ꓙꓵ ꓠꓬ ꓬꓲ ꓟꓸ ꓟꓲ ꓙꓳˍ ꓡꓳ=ꓬꓲ ꓚꓱꓹ ꓮ ꓙꓵꓽ ꓠꓬ ꓬꓲ ꓟꓸ ꓟꓲꓽ ꓙꓳ ꓫꓵ ꓡꓰ ꓥˍ ꓡꓳ=ꓖꓳ ꓡꓱ ꓠꓬꓲ ꓕꓲ ꓖ ꓕꓲ ꓧꓪꓹ ꓪꓴ-ꓢ ꓡꓰ ꓚꓰꓼ ꓟꓳꓸ ꓖꓶ ꓡ ꓟ ꓪꓴ-ꓢ ꓙ ꓖꓶ ꓡ ꓟ ꓠꓬ꓾ꓕꓲ ꓖ ꓕꓲ ꓧꓪꓹ ꓣꓳ ꓐꓱ ꓶ ꓓꓵꓽ ꓙ ꓟꓶ ꓓꓴ ꓣꓳ ꓐꓱ ꓶ ꓟꓽ ꓗ ꓛꓲꓹ ꓓꓴ ꓕꓱ ꓡꓱ ꓐꓰ ꓙꓳ ꓡ ꓗꓴꓸ_ ꓡꓳ=ꓖꓳ ꓡꓱ ꓙꓳ ꓡ ꓕꓯ ꓣꓳ ꓠꓬ ꓮꓽ ꓟ ꓔꓯ ꓙꓵꓻ ꓔꓬ ꓡ? ꓐꓯ ꓟ ꓝꓮꓲ ꓕꓲ ꓧꓪꓹ ꓓꓵꓽ ꓙ ꓠꓬꓲ ꓡꓯ꓾ꓒꓳ-ꓡꓳ ꓬꓲ ꓠꓬ ꓮꓽ ꓟ ꓔꓯ ꓙꓵꓻ ꓔꓬ ꓟ ꓬꓲ ꓢꓷꓸ_ ꓡꓳ ꓐꓰ ꓐꓯ ꓟ ꓡꓰ ꓐꓰ ꓣꓳ ꓥ ꓟꓲ ꓣꓳ ꓮꓽ ꓟ ꓔꓯ ꓙꓵꓻ ꓔꓬ ꓡ? ꓐꓯ ꓟ ꓔꓯ  ꓕꓲ ꓧꓪꓹ ꓓꓵꓽ ꓙ ꓠꓬꓲ ꓠ ꓗˍꓡꓳ=ꓣꓳ ꓠꓬ ꓫꓱꓸ ꓤ ꓠꓲꓹ ꓐꓰ ꓓꓲ ꓡꓰ ꓟ ꓠꓵꓻ ꓠꓲꓹ ꓐꓰ ꓓꓲ ꓡꓰ ꓟ ꓪꓴ-ꓢ ꓔꓯ ꓙꓵꓻ ꓔꓬ ꓟ ꓑꓶ ꓓꓴ ꓕꓲ ꓖ ꓕꓲ ꓧꓪꓹ ꓣꓳ ꓟꓽ ꓢꓷꓸ ꓥ ꓟꓲ ꓬꓲ ꓚꓱꓹ ꓔꓯ ꓣꓳ ꓡꓳꓸ ꓟꓽ ꓗꓴꓸ ꓥ ꓟꓲ ꓣꓳ ꓐꓱ ꓶ ꓠꓬ ꓙꓲ_ ꓡꓳ ꓐꓰ ꓘꓳꓹ ꓣꓴ ꓐ ꓡ ꓢꓲ ꓠꓬꓲ ꓪꓴ-ꓢ ꓔꓯ ꓙꓵꓻ ꓙꓰ ꓥꓳ ꓐꓯ ꓠꓬ ꓣꓳ ꓐꓱ ꓶ ꓗ ꓛꓲꓹ ꓟ ꓙꓳ ꓢꓲ ꓠꓬꓲ ꓠꓲꓹ ꓟ ꓠꓯꓼ ꓗꓪ ꓢꓲ ꓡꓲꓹ ꓡꓲ ꓐꓰ ꓮ ꓫꓵ ꓔꓯ ꓟꓲ ꓬꓰ ꓐ ꓡ ꓥꓳ ꓐꓰ ꓢꓷꓸ ꓙ ꓟꓳ ꓙ ꓠꓲꓹ ꓫꓵˍ ꓡꓳ=