ꓖꓳ ꓓꓱꓽ ꓒꓱꓼ ꓢꓴ ꓔꓯ ꓫꓬꓹ ꓓꓸꓹ ꓡꓰ ꓟ

Friday, October 30, 2020

ꓠꓽ ꓦꓬꓼ ꓠꓬꓲ ꓗꓪ꓾ ꓬꓰ-ꓢꓴ ꓠꓬ ꓒ-ꓡꓲ-ꓢꓷ ꓐꓴ ꓔꓯ ꓙꓵꓽ ꓢꓴ ꓕꓲ ꓣꓳ ꓟ ꓦꓲꓻ ꓗꓪ ꓜ ꓜꓽ_ ꓐꓰ ꓓꓵꓽ ꓡꓰ ꓠꓬ꓾ ꓬꓲ ꓪ ꓬꓲ ꓔꓯ ꓕꓺ ꓡꓳꓸ ꓔꓬ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓟꓲꓽ ꓙꓬ ꓗꓪ ꓖꓳ ꓓꓱ ꓒꓱꓼ_ ꓟ ꓡ ꓞꓳ ꓕꓲ ꓣꓳ ꓔꓬ_ ꓡꓳ꓿ ꓬꓰ-ꓢꓴ ꓠꓬ ꓙꓵꓽ ꓗ ꓒ ꓐꓴ_ ꓐꓰ ꓒ-ꓡꓲ-ꓢꓷ ꓐꓴ ꓔꓯ꓾ ꓠꓽ ꓦꓬꓼ ꓠꓬꓲ ꓗꓪ ꓠꓻ ꓫꓬ ꓓ_ ꓡꓺꓽ꓾ ꓟꓽ ꓓ ꓡꓺꓽ꓾ ꓐꓰ ꓐꓯ_ ꓡꓳ꓿

ꓬꓲ ꓪ ꓠꓽ ꓟꓽ ꓪꓳꓹ ꓔꓬ_ ꓡꓳ꓿ ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓔꓯ ꓖꓳꓻ ꓔ ꓢꓲ꓾ ꓠꓻ ꓫꓬꓹ ꓖꓶ ꓢꓲ ꓠꓬꓲ꓾ ꓙꓰ ꓝꓲ_ ꓡꓳ꓿ ꓖꓳ ꓡꓱ ꓢꓲ ꓬꓰ-ꓢꓴ ꓡꓰ ꓬꓲ ꓪ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓠꓴ ꓪ ꓗꓳ ꓡꓳ ꓗꓪ ꓮꓽ ꓟ ꓕꓳꓽ ꓡ ꓟꓴ꓾ ꓥ ꓠꓬ ꓮ ꓠꓬꓲꓽ ꓬꓲꓻ ꓚꓴꓸ ꓘꓴ ꓗꓪ ꓞꓰꓻ ꓓꓵ ꓡꓰ ꓠꓬ꓾ ꓠꓽ ꓦꓬꓼ ꓠꓬꓲ ꓗꓪ ꓞꓼ ꓐꓰ ꓟꓽ ꓚꓵꓹ ꓓꓯ ꓡ ꓡꓺꓽ꓾ ꓐꓯ_ ꓡꓳ꓿

ꓬꓲ ꓪ ꓠꓬ ꓕꓱ ꓟ ꓔꓯ ꓒꓳꓹ ꓖꓶ ꓟꓽ ꓐ ꓡ꓿