ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽ_ꓟ ꓔꓯ ꓤ ꓟꓳ ꓠꓯꓹ ꓟ

Friday, October 23, 2020

ꓝꓮꓲ ꓬꓲ ꓡꓰ ꓡ ꓞꓳ ꓬꓲ ꓜꓴ ꓬꓲ ꓟꓯꓼ ꓔꓯ꓾ ꓐꓶ ꓓꓵ ꓘꓶꓽ ꓗꓪ ꓟꓴ ꓗꓴꓸ ꓕꓲ ꓘꓴꓸ ꓢꓴꓸ ꓡ_ ꓟ ꓔꓯ ꓟꓳ_ ꓕꓯ꓾ ꓠꓴ ꓪ ꓠꓽ꓾ ꓟꓶꓽ ꓦ ꓕꓲ ꓜꓴꓽ ꓦ ꓡ_ ꓥꓳ꓾ ꓐꓯ_ ꓡꓳ꓿ ꓖꓳ ꓗ ꓠꓯ ꓬꓲ ꓖꓳ ꓡꓱ ꓗꓷ ꓡꓰ_ ꓡꓳ꓿ ꓖꓴ ꓟꓶꓸ ꓟꓲꓽ ꓦꓲ ꓙꓱꓼ_ ꓟ ꓔꓯ ꓟꓳ_ ꓠꓬ꓾ ꓠꓴ ꓪ ꓠꓽ꓾ ꓮ ꓘꓶ ꓞꓻ ꓡ_ ꓥꓳ꓾ ꓐꓰ ꓐꓯ_ ꓡꓳ꓿ ꓖꓳ ꓗ ꓠꓯ ꓬꓲ ꓖꓳ ꓡꓱ ꓗꓷ ꓡꓰ_ ꓡꓳ ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽ ꓢꓴ ꓠꓴ ꓪꓽꓳ꓾ ꓟꓴ ꓗꓪ_ ꓐꓰ ꓟꓲ ꓠꓯ ꓒꓬꓱꓽ ꓔꓯ ꓦꓰꓽ ꓠꓯꓹ ꓟ ꓠꓴ ꓪ ꓢꓷ_ ꓠꓬ꓾ ꓦꓬꓼ ꓠꓬꓲ ꓕꓱ ꓟ ꓔꓯ ꓦꓰꓽ ꓠꓯ_ ꓟ ꓠꓴ ꓪ ꓮ ꓡꓲ ꓗꓷ ꓡꓰ ꓠꓬꓲ ꓟꓽ ꓢꓷ ꓡꓺꓽ꓿ ꓠꓴ ꓪ ꓠꓬ ꓮ ꓫꓵꓽ ꓪꓴ ꓠꓬꓲ ꓮ ꓡꓲ ꓕꓲ ꓫꓵꓽ ꓟ ꓜꓳꓽ ꓟꓽ ꓜꓳꓽ ꓐꓰ ꓚꓲ ꓛꓬ ꓟꓽ ꓐꓯ ꓞꓷꓹ ꓡꓺꓽ꓿ꓮ ꓡꓲꓳ ꓐꓯ ꓠꓬ ꓠꓴ ꓔꓯ ꓗꓳꓹ ꓢꓴ_ ꓐꓰ ꓕꓲ ꓛꓳ_ ꓢꓲꓽ ꓒ ꓔꓯ ꓙꓰ ꓠꓹ ꓟ꓾ ꓙ ꓖꓴ ꓗꓪ ꓙꓰ ꓔꓬ ꓢꓰꓽ ꓕꓯ ꓡꓰ꓾ ꓠꓴ ꓠꓬ ꓬꓲ_ ꓐꓰ ꓧꓳꓹ ꓡꓯ ꓘꓳ ꓡꓰ ꓠꓹ ꓟ ꓢꓯꓼ ꓕꓵ꓿ ꓟꓽ ꓥ ꓠꓬ ꓮ ꓧꓪꓹ ꓬꓲ ꓡꓰ ꓠꓴ ꓔꓯ ꓢꓲꓽ ꓒ ꓟꓲꓽ ꓙꓬ ꓗꓪ ꓖꓳꓻ ꓛꓲ ꓬꓰ ꓢꓲ꓾ ꓢꓲꓽ ꓒ ꓡꓰ ꓠꓴ ꓔꓯ ꓐꓱ ꓓꓴ ꓙꓵꓽ ꓒ ꓔꓯ ꓡꓯꓼ ꓙꓱ ꓗꓷ ꓢꓲ ꓠꓬꓲ꓾ ꓬꓲ ꓡꓰ ꓠꓴ ꓔꓯ ꓐꓱ ꓓꓴꓽ ꓗꓪ ꓐꓱ ꓗꓷ_ ꓥꓳ꓿ ꓥꓪ ꓠꓴ ꓔꓯ ꓐꓯ ꓖꓶ_ ꓠꓬꓲ꓾ ꓐꓶꓻ ꓟꓽ ꓖꓴ ꓟ ꓕꓲ ꓧꓶꓸꓹ ꓤ ꓛ_ ꓟꓲ ꓖꓳ ꓗꓪ ꓐꓰ ꓓꓳ ꓡ ꓟꓽ ꓓ꓾ ꓐꓯ_ ꓡꓳ꓿