ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽ_ꓟ ꓔꓯ ꓤ ꓟꓳ ꓠꓯꓸ ꓟ

ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽ_ꓟ ꓔꓯ ꓤ ꓟꓳ ꓠꓯꓹ ꓟ
 ꓖꓳ ꓕꓲ ꓝꓲꓸ ꓗꓪ ꓡ ꓞꓳ ꓬꓲ ꓜꓴ ꓕꓳꓼ ꓡꓯ ꓘꓳ ꓠ ꓛꓲ꓾ ꓬꓲ ꓔꓴꓺ ꓬꓲ ꓟꓶꓽ ꓜꓲꓼ ꓡꓯ ꓘꓳ_ ꓕꓯ꓾ ꓬꓰ-ꓢꓴ ꓘꓶꓽ ꓒꓴ ꓢꓲ ꓬꓲ ꓛꓳ ꓒꓯꓹ ꓐꓴ ꓔꓯ ꓧꓶꓸ ꓕꓯ ꓕꓱ ꓡꓱ ꓐꓯ_ ꓡꓳ꓾ ꓠꓴ ꓪ ꓠꓬ ꓒ-ꓡꓲ-ꓢꓷ ꓐꓴ ꓠꓲꓹ ꓟ ꓠꓬꓲꓽ ꓔꓱꓹ ꓣꓱ_ ꓟ ꓙꓵꓽ ꓧꓶꓽ ꓔꓯ ꓤ ꓟꓳ꓿ ꓑꓲꓸ ꓔ_ ꓟ ꓠꓽ ꓟꓽ ꓟꓳꓸ ꓖꓶ ꓡ ꓫꓵ ꓟꓽ ꓙꓳ꓿ ꓚꓵꓺ ꓔ ꓟ_ ꓟꓲ ꓢꓴꓻ ꓟꓽ ꓢꓷ ꓡꓰ ꓟ ꓟꓽ ꓙꓳ꓿ ꓖꓳ ꓡꓱ ꓠꓬꓲ ꓠꓴ ꓪ ꓡꓰ ꓠꓯ ꓞꓲꓹ ꓗꓪ ꓐꓯ_ ꓟ ꓮ ꓫꓵ ꓥ_ ꓟꓲ꓾ ꓫꓬꓽ ꓫꓬꓽ ꓗꓪ ꓢꓴ ꓑ ꓙ_ ꓥꓳ꓿ ꓘꓷꓹ ꓖꓳꓼ ꓠꓯꓸꓼ ꓗꓪ ꓚꓲ ꓒꓽ ꓛꓽ ꓐꓯ_ ꓟ ꓠꓬ꓾ ꓢꓴꓻ ꓡꓰ ꓦꓲ ꓪꓴꓸ ꓓꓵ ꓓꓰꓺ ꓗꓪ ꓐꓰ ꓚ ꓓꓳ ꓙꓰ_ ꓥꓳ꓿ꓥꓪ ꓗꓪ ꓛꓳꓽ ꓐꓴꓳ꓾ ꓠꓴ ꓪ ꓔꓯ ꓥꓪ ꓐꓯ ꓖꓶ_ ꓠꓬꓲ꓾ ꓖꓳ ꓓꓱ ꓔꓯ ꓢꓰꓼ ꓗꓷ ꓗ ꓠꓯ꓾ ꓝꓮꓲ ꓮ ꓫꓵꓽ ꓬꓰ ꓟꓽ ꓗꓴꓸ ꓢꓴ ꓔꓯ ꓕꓽ ꓙꓳꓺ꓿ ꓠꓬꓹ ꓛꓬꓼ ꓡꓯꓼ ꓥꓪꓽ ꓟ ꓠꓬ꓾ ꓒꓴ ꓠꓬꓲꓽ ꓧꓶꓸꓹ ꓪꓴꓽ_ ꓡꓳ ꓟꓽ ꓥ ꓡꓺꓽ꓿ ꓪꓴ-ꓢ ꓟꓲ ꓙꓬ ꓗꓪ ꓠꓬ ꓟꓲꓺ ꓡꓰ_ ꓟ ꓕꓲ ꓟ_ ꓟꓲ ꓟꓽ ꓙꓳ꓿ ꓠꓴ ꓪ ꓪꓴꓸ ꓗꓴ ꓟ_ ꓟꓲ ꓕꓲ ꓚꓺ ꓕꓲ ꓚ ꓮ ꓙꓵ ꓵꓺ ꓔꓸꓳ꓿ ꓙꓳꓺ ꓟꓽ ꓛꓵ꓿ ꓠꓴ ꓪ ꓠꓬ ꓠꓬꓹ ꓛꓬꓼ ꓡꓯꓼ ꓮ ꓟꓬꓹ ꓟ ꓢꓶꓸ ꓟꓽ ꓞꓲ ꓒꓵꓽ_ ꓡꓳ꓿
 
 
 

Add new comment

4 + 12 =