ꓙꓵꓻ ꓠꓲꓹ ꓗꓪ ꓐꓰ ꓢꓯꓸ ꓔꓬ ꓟ(reflection)

ꓠꓲꓹ ꓠꓵ_ ꓟ ꓬꓲ ꓤ ꓠꓬꓲ ꓤ ꓐꓴꓳ꓾ ꓮ ꓙꓵ ꓢꓴ ꓧꓪ ꓧꓪ꓾
ꓠꓬꓲ ꓠꓬꓲ ꓦ ꓢꓯꓼ ꓪ ꓣꓴ ꓠꓹ ꓟ ꓠꓬ꓾ ꓠꓬꓲ-ꓗꓳ-ꓡꓱ-ꓕꓱ ꓕꓳ ꓶ 5ꓽ7 ꓥ ꓡꓳ=ꓣꓳ ꓠꓬ ꓟꓳ ꓓ_ ꓟ ꓗꓪ ꓐꓰ ꓟꓽ ꓥ ꓥ ꓐꓰ ꓟꓳ ꓓ_ ꓟ ꓗꓪ ꓐꓰ ꓙ ꓫꓱꓽ ꓔꓬ ꓟ ꓟꓽ ꓥ ꓥ ꓐꓰ ꓙꓵꓻ ꓠꓲꓹ ꓗꓪ ꓐꓰ ꓙ ꓫꓱꓽ ꓔꓬ ꓡꓳ ꓐꓰ ꓐꓯ_ ꓟ ꓢꓲ ꓫꓬ ꓕꓳ ꓶ ꓝꓲꓸ ꓥˍ ꓡꓳ=ꓥ ꓡꓳ꓾ ꓬꓲ ꓤ ꓠꓬꓲ ꓤ ꓐꓴꓳ꓾ ꓣꓳ ꓙꓵꓻ ꓢꓴ ꓢꓲ ꓤ ꓐꓴ ꓠꓬ꓾ꓪꓴ-ꓢ ꓔꓯ ꓙꓵꓻ_ ꓟ ꓗꓪ ꓐꓰ ꓛꓳ ꓫꓱꓽ ꓔꓬ ꓡꓳ=ꓟꓳ ꓓ_ ꓟ ꓗꓪ ꓐꓰ ꓙꓰ ꓔꓬ ꓫꓵ ꓟꓽ ꓥ= ꓟꓳ ꓓ_ ꓟ ꓖꓳ ꓟ ꓮ ꓫꓵ ꓔꓯ_ ꓐꓯ ꓡ?=ꓣꓳ ꓟꓬ ꓢꓶꓽ ꓗꓪ ꓐꓰ ꓟꓳ ꓓ_ ꓟ ꓮ ꓙꓵ ꓠꓬ ꓕꓲ ꓠꓬꓲ ꓙꓳ ꓠꓬ ꓐꓬ ꓡꓲꓳ ꓫꓵ ꓕꓲ ꓠꓬꓲ ꓙꓳ ꓠꓬ ꓟꓶꓽ ꓡꓲꓳ ꓫꓵ ꓕꓲ ꓠꓬꓲ ꓙꓳ ꓠꓬ ꓖꓴ ꓡꓲꓳ ꓫꓵ ꓡꓰ ꓥˍꓡꓳ=ꓟꓬ ꓢꓶꓽ ꓗꓪ ꓐꓰ ꓟꓳ ꓟꓽ ꓓ_ ꓟ ꓠꓬ ꓕꓲ ꓞꓲꓼ ꓕꓶꓻ ꓞꓹ ꓟ ꓥˍ ꓡꓳ=ꓕꓱ ꓟ ꓠꓬ ꓣꓳ ꓪꓴ-ꓢ ꓔꓯ ꓙꓵꓻ ꓟ ꓪꓴ-ꓢ ꓔꓯ ꓠꓵ_ ꓟ ꓕꓱ ꓡꓱ ꓐꓰ ꓙꓵꓻ ꓠꓲꓹ ꓠꓵ ꓠꓲꓹ ꓥꓳ ꓡꓳꓸ ꓓꓴ ꓕꓱ ꓟ ꓠꓬ꓾ꓮ ꓕꓯ ꓟꓲ ꓕꓶꓻ ꓞꓹ ꓓ ꓡꓳ=ꓖꓳ ꓡꓱ ꓐꓯ ꓥ ꓟꓲ ꓟꓲ ꓠꓯ ꓕꓱ ꓟ ꓠꓬ꓾ ꓮ ꓫꓵ ꓥ ꓟꓲ ꓒꓳꓹ ꓡꓶꓸ ꓙꓰ ꓔꓬˍ ꓡꓳ=ꓟꓳ ꓓ_ ꓟ ꓥ ꓕ ꓑꓳꓸ ꓠꓬ ꓒꓳꓹ ꓡꓶꓸ ꓙꓰ ꓔꓬ ꓡꓳ=ꓣꓳ ꓧꓪ ꓖꓳ ꓓꓱ ꓥ ꓟꓲ ꓒꓳꓹ ꓡꓶꓸ ꓙꓰ ꓔꓬ ꓡꓳ=ꓕꓱ ꓟ ꓡꓲ ꓐꓰ ꓢꓲꓹ ꓜꓲ ꓢꓲꓹ ꓟꓲ ꓟꓲ ꓠꓯ ꓕꓱ ꓟ ꓗꓪ ꓙꓳ_ ꓟ ꓮ ꓙꓵ ꓠꓬ ꓒꓳꓹ ꓡꓶꓸ ꓙꓰ ꓔꓬ ꓡꓳ=ꓖꓳ ꓡꓱ ꓐꓯ ꓥ ꓟꓲ ꓒꓳꓹ ꓡꓶꓸ ꓙꓰ ꓟ ꓓ_ ꓟ ꓪꓴ-ꓢ ꓐꓯ ꓘꓶꓽ ꓔꓯ ꓠꓬ꓾ꓣꓳ ꓪꓳ ꓢꓳꓸ ꓔˍ ꓡꓳ=ꓒꓳꓹ ꓡꓶꓸ ꓙꓰ ꓟꓽ ꓓ꓾ ꓪꓴ-ꓢ ꓐꓯ ꓘꓶꓽ ꓔꓯ ꓣꓳ ꓙꓵꓻ ꓢꓲ ꓙꓰ ꓔꓬ ꓟ ꓥ ꓡꓳ=ꓖꓳ ꓡꓱ ꓠꓬꓲ ꓬꓲ ꓤ ꓠꓬꓲ ꓤ ꓐꓴꓳ꓾ ꓕꓲ ꓖ ꓕꓲ ꓧꓪꓹ ꓣꓳ ꓠꓲꓹ ꓟ ꓫꓸ ꓕꓯ ꓠꓲꓹ ꓟ ꓙꓬ ꓕꓯ ꓣꓳ ꓙꓰ ꓔꓬ ꓟ ꓠꓬ ꓟꓳ ꓓ_ ꓟ ꓗꓪ ꓐꓰ ꓟꓽ ꓥ꓾ ꓟꓳ ꓟꓽ ꓓ_ ꓟ ꓗꓪ ꓐꓰ ꓙꓰ ꓔꓬ ꓟ ꓥ ꓡꓳ ꓐꓯ ꓟ ꓔꓯ ꓓꓵꓽ ꓙ ꓢꓲ ꓢꓯꓼ ꓪ ꓣꓳ ꓓꓴ ꓬꓰ ꓡꓯ꓾ꓙꓵꓻ ꓠꓲꓹ ꓗꓪ ꓐꓰ ꓛꓳ ꓫꓱꓽ ꓠꓹ ꓟ ꓢꓯꓼ ꓔꓵꓼ ꓙꓰ ꓡꓯ ꓫꓸ ꓟꓳ=