ꓙꓵꓽ ꓗ ꓕꓳ ꓶ ꓐꓬ ꓡꓰ ꓟꓽ ꓓ ꓟ

Friday, February 23, 2024

ꓠꓴ ꓪꓽ ꓔꓯ ꓥꓪ ꓐꓯ ꓖꓶˍ ꓠꓬꓲ꓾ ꓠꓴ ꓪꓽ ꓠꓬ ꓙꓵꓽ ꓗ ꓟꓸ ꓒ ꓐꓴˍ ꓐꓰ ꓒ-ꓡꓲ-ꓢꓷ ꓐꓴ ꓔꓱꓹ ꓜꓳꓽˍ ꓟ ꓕꓯꓽ ꓢꓲ ꓟꓽ ꓔꓱꓹ ꓜꓳꓽˍ ꓕꓯ ꓠꓽ꓾ ꓮ ꓡꓲ ꓥ ꓟꓲ ꓟꓴꓽ ꓗꓪ ꓗꓴꓷꓼ ꓗꓪ ꓓꓵꓽ ꓡꓰ ꓟꓽ ꓓ꓿²¹ꓮ ꓠꓱ ꓟ ꓡ ꓞꓳ ꓔꓯ ꓐꓯ ꓖꓶˍ ꓟ꓾ ꓞꓳ ꓤ ꓢꓰꓼ ꓟꓽ ꓓ꓾ ꓐꓯˍ ꓟ ꓐꓰ꓾ ꓞꓳ ꓤ ꓢꓰꓼ ꓢꓴ ꓮꓽ ꓟ ꓥ ꓟꓲ ꓐꓯꓺ ꓟꓴ ꓘꓶꓽˍ ꓟ ꓟꓽ ꓡꓲꓹ ꓗꓷ꓾ ꓐꓯˍ ꓟ ꓠꓴ ꓪꓽ ꓑ ꓙꓽ ꓠꓬꓲꓳ꓿²²ꓖꓳ ꓡꓱ ꓥ ꓟꓲ ꓠꓴ ꓪꓽ ꓔꓯ ꓥꓪ ꓐꓯ ꓖꓶˍ ꓠꓬꓲ꓾ ꓮꓽ ꓟ ꓥ ꓟꓲ ꓬꓲ ꓬꓲꓼ ꓬꓲꓸ ꓠꓬꓲ ꓕꓲ ꓣꓳ ꓔꓯ ꓠꓲꓹ ꓟ ꓦꓶꓻ ꓢꓴ ꓠꓬ ꓐꓯ ꓟꓴ ꓘꓶꓽˍ ꓟ ꓟꓽ ꓡꓲꓹ ꓗꓷ꓿ ꓮꓽ ꓟ ꓥ ꓟꓲ ꓬꓲꓼ ꓠꓬꓲ ꓕꓲ ꓣꓳ ꓔꓯ ꓟꓳꓻ ꓟꓽ ꓟꓵ ꓢꓲ꓾ ꓠꓴ ꓠꓬ ꓢꓯꓸ ꓔꓬ ꓥ ꓟꓲ ꓣꓱꓽ ꓬꓯꓼ ꓖꓴ ꓟꓽ ꓙꓳ꓾ ꓐꓯ ꓢꓴ ꓠꓬ ꓐꓯꓺ ꓟꓴ ꓜꓲꓼ ꓓꓴ ꓓꓽ ꓟ ꓗꓪ ꓐꓰ ꓡꓲꓹ ꓗꓷ ꓟꓽ ꓓ꓿ ꓮꓽ ꓟ ꓥ ꓟꓲ ꓬꓲ ꓬꓲꓼ ꓬꓲꓸ ꓠꓬꓲ ꓕꓲ ꓣꓳ ꓔꓯ ꓑꓱꓹ ꓢꓲ꓾ ꓞꓳ ꓟꓶꓻ ꓠꓴ꓾ ꓐꓯ ꓢꓴˍ ꓟꓲ ꓛꓬꓼ ꓟꓵꓽ ꓮ ꓔꓳꓸ ꓗꓪ ꓐꓰ ꓡꓲꓹ ꓗꓷ ꓟꓽ ꓓ꓿²³ꓖꓳ ꓡꓱ ꓠꓬꓲ ꓔꓲ ꓖꓴ ꓗꓪ ꓠꓴ ꓔꓲ ꓓꓴ ꓔꓲˍ ꓐꓰ ꓬꓰ ꓔꓬ ꓕꓯ꓾ ꓠꓴ ꓬꓲꓼ ꓠꓴ ꓠꓬꓲ ꓕꓲ ꓣꓳ ꓠꓴ ꓔꓯ ꓠꓲꓹ ꓟ ꓫ ꓖꓴ ꓙꓳˍ ꓟ ꓠꓴ ꓓꓵꓽ ꓙ ꓛꓲ ꓡ ꓠꓬ꓾²⁴ꓠꓴ ꓔꓲꓺ ꓓꓴ ꓠꓬ ꓔꓲ ꓖꓴ ꓛꓲ ꓔꓲ ꓗꓪ ꓗꓶ ꓔ ꓬꓰ ꓢꓲ꓾ ꓬꓲ ꓔꓯ ꓧꓶꓸ ꓕꓯ ꓙꓰ ꓢꓲ ꓠꓬꓲ꓾ ꓬꓲˍ ꓐꓰ ꓧꓳꓹ ꓡꓯꓽ ꓘꓳ ꓬꓰ꓿ ꓖꓳ ꓗꓸ ꓠꓯꓸ ꓢꓲˍ ꓡꓰꓽ ꓔꓲꓺ ꓓꓴ ꓔꓲ ꓡ ꓛꓵˍ ꓡꓳ꓿²⁵ꓠꓴ ꓠꓬ ꓠꓴ ꓔꓯ ꓗꓳꓹ ꓡꓯꓽ ꓘꓳ ꓢꓴˍ ꓐꓰ ꓙ ꓖꓴ ꓗꓪ ꓫꓱꓽ ꓔꓬ ꓢꓰ ꓕꓯˍ ꓡꓰ꓾ ꓮꓸ ꓟꓲꓸ ꓟꓲꓸ ꓬꓲˍ ꓐꓰ ꓧꓳꓹ ꓡꓯꓽ ꓘꓳ꓿ ꓟꓽ ꓥ ꓠꓬ ꓬꓲ ꓡꓰ ꓠꓴ ꓔꓯ ꓐꓯꓺ ꓟꓴ ꓘꓶꓽ ꓢꓲꓽ ꓒ ꓔꓯ ꓡꓯꓼ ꓙꓱ ꓗꓷ ꓢꓲ꓾ ꓐꓯꓺ ꓟꓴ ꓘꓶꓽ ꓢꓲꓽ ꓒ ꓡꓰ ꓬꓲ ꓟꓯꓼ ꓐꓴ ꓔꓯ ꓡꓯꓼ ꓙꓱ ꓗꓷ ꓠꓬ꓾ ꓠꓴ ꓔꓯ ꓐꓱꓻ ꓓꓴꓽ ꓗꓪ ꓐꓱꓻ ꓗꓷˍ ꓥꓳ꓿²⁶