ꓛꓱꓼ ꓡꓱꓼ ꓚˍ ꓐꓰ ꓬꓲ ꓡꓯꓽ ꓗꓸ ꓟꓸ ꓟꓲ

Friday, May 12, 2023

ꓠꓴ ꓪꓽ ꓔꓯ ꓥꓪ ꓠꓲꓹ ꓠꓵˍ ꓟ ꓡꓰ ꓐꓰ꓾ ꓠꓴ ꓪꓽˍ ꓟꓲ ꓕꓲ ꓣꓳ ꓛꓳ ꓕꓲ ꓣꓳ ꓠꓲꓹ ꓠꓵ ꓡꓯꓽ ꓘꓳ ꓠꓹ ꓟ ꓕꓱ ꓟ ꓠꓬ ꓥꓪ ꓕꓵꓼ ꓪ ꓥ ꓡꓳ꓿ꓡ ꓞꓳ ꓕꓲ ꓣꓳ ꓠꓬ ꓬꓲ ꓗꓪ ꓛꓳꓽ ꓐꓴ ꓐꓱ ꓶ ꓢꓯꓼ ꓟꓬ ꓖꓶ ꓗꓷˍ ꓟ ꓕꓱ ꓟ ꓕꓯ ꓢꓲ ꓪꓴꓽˍ ꓟ ꓠꓵ ꓠꓲꓹ ꓮꓽ ꓟˍ ꓟꓲ ꓟꓽ ꓙꓳ꓿ꓥꓪ ꓡꓰ ꓠꓴ ꓪꓽ ꓔꓯ ꓕꓵꓼ ꓪ ꓖꓶˍ ꓟ ꓠꓴ ꓪꓽ ꓒꓵꓽ ꓛꓳˍ ꓠꓬ꓾ ꓠꓴ ꓪꓽ ꓠꓽ ꓥꓪ ꓗꓪ ꓛꓳꓽ ꓐꓴ ꓥꓳ꓿ꓥꓪ ꓠꓬ ꓕꓱ ꓡꓱ ꓖꓳ ꓑꓳ ꓠꓴ ꓪꓽ ꓔꓯ ꓚꓳ ꓑꓸ ꓟꓽ ꓘꓴ꓿ ꓮ ꓡꓲꓳ ꓐꓯ ꓠꓬ ꓚꓳ ꓑꓸ ꓠꓽ ꓬꓲ ꓢꓲ ꓒ ꓮꓸ ꓫꓵ ꓬꓰˍ ꓟ ꓬꓲ ꓟꓽ ꓢꓷ꓿ ꓥꓪ ꓠꓬ ꓠꓴ ꓪꓽ ꓔꓯ ꓗꓪ ꓛꓳꓽ ꓘꓴˍ ꓡꓳ꓿ ꓮ ꓡꓲꓳ ꓐꓯ ꓠꓬ ꓐꓹ ꓐ ꓗꓪ ꓐꓰ ꓥꓪ ꓑ ꓙꓽˍ ꓟ ꓮꓽ ꓙꓵ ꓥꓪ ꓡꓰ ꓠꓴ ꓪꓽ ꓔꓯ ꓢꓷꓸ ꓡꓰ ꓝꓲꓳ꓿¹⁶ꓠꓴ ꓪꓽ ꓡꓰ ꓥꓪ ꓔꓯ ꓢꓲ ꓔ ꓟ ꓟꓽ ꓥ꓿ ꓥꓪ ꓡꓰ ꓠꓴ ꓪꓽ ꓔꓯ ꓢꓲ ꓔ ꓟ ꓥ ꓡꓳ꓿ ꓠꓴ ꓪꓽ ꓙꓰ ꓢꓲ ꓐꓬ ꓡꓰ ꓛꓵꓽ ꓡꓰ ꓟꓽ ꓓ ꓟ ꓬꓲ ꓢꓶꓽ ꓓꓱꓼ ꓠꓹ ꓟ꓾ ꓥꓪ ꓡꓰ ꓠꓴ ꓪꓽ ꓔꓯ ꓢꓲ ꓔ ꓡꓳ꓿ ꓖꓳ ꓡꓱ ꓢꓲ ꓠꓴ ꓪꓽ ꓥꓪ ꓟꓬꓱꓺ ꓗꓪ ꓐꓰ ꓐꓹ ꓐ ꓔꓯ ꓮꓸ ꓫꓵ ꓓꓰꓽˍ ꓟꓲ꓾ ꓬꓲ ꓡꓰ ꓠꓴ ꓪꓽ ꓔꓯ ꓖꓶ ꓡ ꓥꓳ꓿ꓠꓴ ꓪꓽ ꓠꓲꓹ ꓠꓵ ꓡꓯꓽ ꓘꓳ ꓠꓹ ꓟ꓾ ꓥꓪ ꓡꓰ ꓠꓴ ꓪꓽ ꓔꓯ ꓕꓵꓼ ꓪ ꓖꓶˍ ꓡꓳ꓿