ꓛꓳꓽ ꓒꓯꓹ ꓞꓲ ꓠꓬꓲꓽ ꓣꓳ ꓔꓯ ꓝꓲ ꓩꓴ ꓗꓷˍꓟ (Reflection)

Monday, December 26, 2022

ꓠꓴ ꓪꓽ ꓤ ꓟꓳ꓾ ꓮ ꓡꓲꓳ ꓐꓯ ꓠꓬ ꓢꓴ ꓡꓰ ꓠꓴ ꓪꓽ ꓔꓯ ꓐꓯꓺ ꓟꓴ ꓜꓲꓼ ꓓꓴ ꓗꓪ ꓡꓯꓼ ꓙꓱ ꓗꓷˍ ꓥꓳ꓿ ꓜꓲꓼ ꓦꓲ ꓗꓪˍ ꓟꓲ ꓠꓴ ꓪꓽ ꓔꓯ ꓧꓶꓹ ꓡ ꓥꓳ꓿ ꓖꓳ ꓟˍ ꓡꓰ ꓟꓽ ꓞꓲ꓾ ꓥꓪ ꓪꓴꓸ ꓠꓬꓲ ꓠꓴ ꓪꓽ ꓔꓯ ꓢꓲꓽ ꓒ ꓐꓴˍ ꓐꓰ ꓪ ꓔꓲ ꓐꓴ ꓟꓲꓽ ꓙꓬꓽ ꓗꓪ ꓧꓳꓽ ꓛꓲ ꓬꓰ ꓢꓲ꓾ ꓠꓴ ꓪꓽ ꓠꓬ ꓬꓲ ꓪꓽˍ ꓐꓰ ꓐꓶꓽ ꓞꓳ ꓐꓴ ꓔꓯ ꓥꓪ ꓐꓱ ꓶ ꓢꓷꓸ ꓙ ꓟꓳꓻ ꓙ ꓢꓴ ꓬꓰˍ ꓥꓳ꓿ꓠꓴ ꓪꓽ ꓔꓯ ꓢꓲꓽ ꓒ ꓐꓴ ꓡꓰ ꓐꓯꓺ ꓟꓴ ꓠ ꓠꓬꓲ ꓡ ꓕꓯ꓾ ꓮ ꓡꓲ ꓒꓳꓹ ꓖꓶ ꓠꓯꓹ ꓟ ꓕꓽ ꓙꓽ ꓫꓸ꓿ ꓖꓳ ꓕꓲ ꓝꓲꓸ ꓗꓪ ꓣꓱꓽ ꓬꓯꓼˍ ꓟ ꓐꓯ ꓘꓶꓽ ꓠꓴ ꓪꓽ ꓔꓯ ꓖꓶ ꓡ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪꓽ ꓫ ꓕꓱˍ ꓟ ꓟꓽ ꓥ꓾ ꓠꓴ ꓪꓽ ꓐꓹ ꓐꓽ ꓬꓲ ꓦꓻ ꓡꓰ ꓠꓴ ꓪꓽ ꓠꓯꓸꓼ ꓗꓪ ꓐꓰ ꓫꓸ ꓕꓱˍ ꓟ ꓥ ꓡꓳ꓿ ꓬꓲꓼ ꓤ ꓠꓬꓲ ꓤ ꓐꓴˍ ꓟꓲ ꓬꓲꓼ ꓠꓬꓲ ꓐꓴ ꓔꓯ ꓫꓵꓻ ꓝꓲ ꓠꓹ ꓟ ꓡꓯꓼ ꓙꓱ ꓡꓯꓽ ꓘꓳˍ ꓥꓳ꓿ ꓐꓹ ꓐꓽˍ ꓟꓲ ꓬꓲ ꓤ ꓠꓱ ꓔꓯ ꓫꓵꓻ ꓝꓲ ꓠꓹ ꓟ ꓡꓯꓼ ꓙꓱ ꓗꓷˍ ꓥꓳ꓿ ꓤ ꓠꓱ ꓐꓴˍ ꓟꓲ ꓐꓹ ꓐ ꓟꓹ ꓟ ꓔꓯ ꓫꓵꓻ ꓝꓲ ꓠꓹ ꓟ ꓒꓳꓹ ꓔꓴ ꓡ ꓥꓳ꓿ ꓥꓪ ꓟꓬꓱꓺ ꓪꓴꓸ ꓠꓬꓲ ꓡ ꓞꓳ ꓮꓽ ꓙꓵ ꓠꓴ ꓪꓽ ꓔꓯ ꓠꓲꓹ ꓜꓳ ꓡ ꓥꓳ꓿ ꓡꓳꓹ ꓬꓰ ꓗꓪ ꓛꓲ ꓜꓲꓽ ꓘꓴ ꓢꓴ ꓬꓲ ꓠꓽ ꓢꓯꓼ ꓟꓬ ꓝꓸ ꓟꓶˍ ꓥꓳ꓿