ꓜ ꓫꓵꓸ ꓫꓵꓸ_ ꓟ ꓔꓯ ꓥꓳꓽ ꓒꓶꓸ ꓟꓸ ꓖꓶ_ ꓟ

ꓜ ꓫꓵꓸ ꓫꓵꓸ_ ꓟ ꓔꓯ ꓥꓳꓽ ꓒꓶꓸ ꓖꓶ_ ꓟ
 ꓖꓳ ꓡꓱ ꓠꓬꓲ ꓠꓴ ꓪ ꓠꓬ ꓜ ꓫꓵꓸ ꓫꓵꓸ_ ꓟ ꓔꓯꓺ ꓥꓳ ꓕꓱ ꓟ ꓔꓯ ꓠ ꓠꓹ꓿ ꓮ ꓟ_ ꓟꓲ ꓟꓴ ꓗꓪ ꓗꓴꓷ ꓐꓯ ꓘꓶ ꓑ ꓙ ꓢꓲ ꓟꓽ ꓙ ꓜꓲꓼ ꓠꓬ꓾ ꓥꓶ_ ꓟ ꓖꓳ ꓕꓲ ꓣꓳ ꓡ ꓢꓲ꓾ ꓬꓲ ꓠꓲꓹ ꓟ ꓗꓪ ꓫꓵꓸ ꓔ_ ꓟ ꓔꓯ ꓦꓴ ꓔꓯꓹ ꓙꓰ_ ꓡꓳ꓿ ꓕꓱ ꓟ ꓠꓬ ꓙ ꓖꓴ ꓘꓶꓽ ꓗꓪ ꓫꓵꓸ ꓔ_ ꓟ ꓥꓳ꓿ ꓭꓸ ꓒꓲꓽ ꓓꓰ ꓗꓪ ꓫꓵꓸ ꓔ_ ꓟ ꓬꓲ ꓠꓬ꓾ ꓐꓯ ꓘꓶ ꓑ ꓙ ꓗꓷ ꓟꓶꓽ ꓕꓯ ꓠꓲꓹ ꓒꓴ ꓒꓴ_ ꓐꓰ ꓘꓳ ꓣꓴ ꓢꓴ ꓥ ꓡꓳ꓿ ꓬꓲ_ ꓡꓰꓽ ꓚꓲ ꓛꓬ ꓠꓲꓹ ꓟ ꓗꓪ ꓬꓲ ꓚꓰ ꓟꓽ ꓙꓳ ꓠꓬꓲ ꓕꓲ ꓑꓹ ꓤ_ ꓡꓰꓽ ꓜꓲꓽ_ ꓡꓳ꓿ ꓖꓳ ꓡꓱ ꓢꓲ ꓐꓯ ꓘꓶ ꓪꓴꓸ ꓠꓬꓲ ꓫ ꓙꓵ_ ꓟ꓾ ꓥ ꓠꓬ ꓗꓸ ꓧꓪ_ ꓟ ꓓꓳ ꓡ_ ꓕꓯ꓾ ꓞꓼ ꓐꓰ ꓬꓲ ꓡꓱꓸ ꓙꓰꓳ꓿ ꓛꓴꓽ ꓠꓯꓸꓼ ꓗꓪ ꓫꓵꓸ ꓔ_ ꓟ ꓬꓲ ꓠꓬ꓾ ꓐꓯ ꓘꓶ ꓑ ꓙ ꓢꓴ ꓥ ꓢꓲ꓾ ꓟꓲ ꓠꓯ ꓗꓪ ꓙꓽ ꓫꓸ ꓟ_ ꓐꓰ꓾ ꓒꓴ ꓤ ꓫꓵ ꓤ ꓗꓶꓸ_ ꓟ ꓡꓰ ꓐꓯ ꓘꓶ ꓔꓯ ꓦꓵꓹ ꓗꓷ ꓠꓬꓲ꓾ ꓬꓲ ꓠꓬ ꓬꓲ ꓢꓶꓽ ꓟꓽ ꓓꓱꓼ ꓡ ꓗꓷ ꓡꓰꓳ꓿ ꓟꓵꓽ ꓙꓲ_ ꓟ ꓗꓪ ꓫꓵꓸ ꓔ_ ꓟ ꓬꓲ ꓠꓬ꓾ ꓐꓯ ꓘꓶ ꓑ ꓙ ꓢꓲ ꓙ ꓜꓲꓼ ꓢꓴ ꓥ ꓡꓳ꓿ ꓬꓲ ꓠꓽ ꓚꓵ ꓚꓵ ꓬꓲ ꓢꓶꓽ ꓓꓱꓼ ꓢꓲ꓾ ꓕꓲ ꓦꓬ ꓝꓸ ꓟ ꓕꓲ ꓐꓱ꓾ ꓛꓳꓼ ꓞꓲ ꓝꓸ ꓟ ꓕꓲ ꓐꓱ꓾ ꓢ ꓞꓲ ꓝꓸ ꓟ ꓕꓲ ꓐꓱ ꓙꓳ_ ꓡꓳ꓾ ꓐꓯ_ ꓡꓳ꓿

Add new comment

1 + 0 =