ꓟꓬ ꓔꓶ ꓠꓬꓲꓽ ꓣꓳ ꓔꓯ ꓠꓬꓲ ꓟꓳꓸꓹ ꓡ ꓝꓲ ꓟ

Friday, December 02, 2022

ꓬꓰ-ꓢꓴ ꓖꓳ ꓗꓪ ꓐꓰ ꓗꓳꓸ ꓙꓰˍ ꓕꓯ꓾ ꓟꓬ ꓔꓶ ꓠꓬꓲꓽ ꓣꓳ ꓬꓲ ꓗꓸ ꓠꓯꓸ ꓛꓳ ꓙꓰ ꓢꓲ꓾ ꓓ-ꓪꓵ ꓞꓲꓼ ꓤ ꓡꓯꓹ ꓤꓽꓳ꓾ ꓥꓪ ꓠꓴꓽ ꓔꓯ ꓫꓱꓸ ꓤ ꓙ ꓡꓯ꓾ ꓐꓰ ꓘꓴꓻˍ ꓡꓳ꓿ ꓬꓲ ꓠꓬ ꓦꓲ ꓗꓪ ꓓꓵ ꓡꓰ ꓕꓯ꓾ ꓟꓬ ꓔꓶ ꓢꓴ ꓐꓴ ꓬꓲ ꓔꓯ ꓡ ꓡꓳ꓿ ꓬꓰ-ꓢꓴ ꓡꓰ ꓬꓲ ꓪꓽ ꓔꓯ꓾ ꓟꓬꓱꓽ ꓕꓱ ꓟ ꓥꓪ ꓬꓰ ꓐ ꓡ ꓟ ꓠꓴ ꓪꓽ ꓙꓵꓻˍ ꓡ?꓾ ꓐꓰ ꓠ ꓠꓬꓲˍ ꓕꓯ꓾ ꓬꓲ ꓪꓽ ꓡꓰ꓾ ꓢꓲ ꓒꓽꓳ꓾ ꓥꓪ ꓠꓴ ꓙꓵꓻˍ ꓡꓳ꓾ ꓐꓰ ꓒꓳꓹ ꓖꓶˍ ꓡꓳ꓿ ꓖꓳ ꓕꓯ ꓬꓰ-ꓢꓴ ꓡꓰ ꓬꓲ ꓪꓽ ꓟꓬ ꓢꓶ ꓗꓪ ꓫꓱꓹ ꓖꓶ ꓢꓲ꓾ ꓠꓴ ꓪꓽ ꓙꓵꓻˍ ꓟ ꓡꓰ ꓐꓰ ꓠꓴ ꓪꓽ ꓐꓱ ꓶ ꓒꓬꓱꓼ ꓡ ꓝꓲ꓾ ꓐꓯ ꓖꓶˍ ꓡꓳ꓿ ꓖꓳ ꓕꓯ ꓬꓲ ꓪꓽ ꓟꓬ ꓢꓶꓽ ꓒꓴ ꓡ ꓡꓳ꓿ ꓬꓰ-ꓢꓴ ꓡꓰ ꓬꓲ ꓪꓽ ꓔꓯ ꓡꓲꓽ ꓡꓲꓽˍ ꓡꓰ꓾ ꓕꓱ ꓡꓱ ꓫꓬꓹ ꓓ ꓡꓰ ꓟ ꓓꓳꓽ ꓮꓽ ꓟ ꓔꓯˍ ꓟꓲ ꓕꓽ ꓢꓷꓸ ꓡꓰ ꓝꓲ꓾ ꓐꓰ ꓐꓯ ꓖꓶˍ ꓡꓳ꓿ 31 ꓖꓳ ꓡꓱ ꓥ ꓟꓲ ꓖꓳ ꓠꓬꓲꓽ ꓣꓳ ꓓꓳ ꓙꓰ ꓢꓲ ꓬꓲ ꓟꓬꓱꓺ ꓓꓳꓽ ꓠꓬ ꓖꓳ ꓕꓲ ꓟꓵꓽ ꓡꓱꓸꓼ ꓚ ꓒꓬꓱ ꓙꓰˍ ꓡꓳ꓿