ꓟꓬ ꓔꓶ ꓠꓬ ꓟꓬ ꓔꓶ ꓔꓯ ꓙ ꓖꓴ ꓧꓳꓽ ꓢꓴ ꓬꓰ ꓟꓽ ꓐ ꓡ ꓟ

ꓡꓴ-ꓘ = 6ꓽ39-42

ꓬꓲ ꓝꓮꓲ ꓔꓯ ꓥꓳꓽ ꓣꓱꓽ ꓢꓲ ꓬꓲ ꓪ ꓔꓯ꓾ ꓟꓬ ꓔꓶ ꓠꓬ ꓟꓬ ꓔꓶ ꓔꓯ ꓙ ꓖꓴ ꓧꓳꓽ ꓢꓴ ꓬꓰ ꓐ ꓡ ꓡ? ꓖꓳ ꓡꓱ ꓬꓰˍ ꓠꓬ ꓠꓬꓲꓽ ꓣꓳ ꓡꓱꓸꓼ ꓟꓲ ꓘꓴ ꓗꓪ ꓞꓰ ꓓꓵꓽ ꓡꓰˍ ꓥꓳ ꓟꓽ ꓥ ꓡ? ꓖꓳ ꓢꓴ ꓠꓬ ꓟꓸ ꓒ ꓕꓯꓽ ꓢꓲ ꓟꓽ ꓪꓴꓽ= ꓢꓳ ꓖꓴ ꓡꓰ ꓢꓴ ꓮ ꓙꓵꓽ ꓠꓽ ꓬꓲ ꓟꓸ ꓒˍ ꓐꓰ ꓕꓲ ꓡꓰꓹˍ ꓒꓬꓱꓼ ꓡˍ ꓥꓳ=

ꓮ ꓫꓵꓽ ꓪꓴꓸ ꓠꓬꓲ ꓠꓴ ꓬꓲꓼ ꓠꓬꓲ ꓠꓬꓲ ꓟꓬ ꓢꓶꓽ ꓗꓪ ꓓꓯꓹ ꓟ ꓑꓱꓸ ꓛꓵꓽ ꓔꓯ ꓡꓳꓸ ꓔ ꓢꓲ꓾ ꓠꓴ ꓚꓲ ꓛꓬ ꓟꓬ ꓢꓶꓽ ꓗꓪ ꓓꓯꓹ ꓟ ꓢꓲꓹ ꓓꓱꓽ ꓔꓯ ꓟꓽ ꓓꓵꓽ ꓙ ꓠꓬꓲ ꓡ? ꓠꓴ ꓚꓲ ꓛꓬ ꓟꓬ ꓢꓡꓽ ꓗꓪ ꓓꓯꓹ ꓟ ꓢꓲꓹ ꓓꓱꓽ ꓔꓯ ꓟꓽ ꓟꓳ ꓠꓬ꓾ ꓠꓴ ꓬꓲꓼ ꓠꓴ ꓠꓬꓲ ꓔꓯ꓾ ꓥꓪ ꓠꓬꓲ ꓤꓽꓳˍ ꓠꓴ ꓟꓬ ꓢꓶꓽ ꓗꓪ ꓓꓯꓹ ꓟ ꓑꓱꓸ ꓛꓵꓽ ꓥꓪ ꓔꓯ ꓗꓳꓸ ꓝꓲ ꓡꓯ꓾ ꓐꓰ ꓮ ꓡꓲ ꓐꓯ ꓓ ꓢꓰꓽ= ꓠꓲꓹ ꓟ ꓠꓬꓲꓽ ꓕꓱꓹ ꓣꓱꓽ ꓢꓴꓳ꓾ ꓠꓴ ꓚꓲ ꓛꓬ ꓟꓬ ꓢꓶꓽ ꓗꓪ ꓓꓯꓹ ꓟ ꓢꓲꓹ ꓓꓱꓽ ꓧꓶꓸ ꓕꓯ ꓣꓴ ꓦ ꓗꓷ= ꓖꓳ ꓗ ꓠꓯ ꓢꓲˍ ꓡꓰꓽ ꓠꓴ ꓬꓲꓼ ꓠꓬꓲ ꓟꓬ ꓢꓶꓽ ꓗꓪ ꓓꓯꓹ ꓟ ꓑꓱꓸ ꓛꓵꓽ ꓗꓲꓸ ꓠꓹ ꓟ꓾ ꓠꓴ ꓫꓬꓽ ꓫꓬꓽˍ ꓡꓰꓽ ꓟꓳˍ ꓥꓳ=