ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽˍ ꓟ ꓔꓯ ꓤ ꓟꓳ ꓠꓯꓹ ꓟ

ꓠꓬꓲ. ꓠꓬꓲ ꓟ ꓢꓲ ꓫꓬ ꓕꓳ ꓶ ꓗꓪ ꓢꓲ ꓒ ꓬꓰ-ꓢꓴ ꓠꓬ ꓬꓲ ꓛꓳ: ꓒꓯ, ꓐꓴ ꓔꓯ ꓒ-ꓡꓲ-ꓢꓷ ꓐꓴ ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽˍ ꓟ ꓙꓵꓽ ꓧꓶꓽ ꓔꓯ ꓤ ꓟꓳ ꓐꓰ ꓐꓯ ꓔ ꓡꓳ= ꓢꓲ ꓒ ꓬꓰ-ꓢꓴ ꓡꓰ ꓐꓯ ꓔ ꓟ ꓠꓬ ꓟꓲ ꓠꓯ ꓞꓳ ꓤ ꓮ ꓙꓵꓽ ꓔꓯ ꓠꓲꓹ ꓠꓵ ꓐꓰ ꓐꓯ ꓔ ꓡꓳ= ꓖꓳ ꓡꓱ ꓥ ꓟꓲ ꓕꓱ ꓡꓱ ꓬꓰ ꓠꓹ ꓟ ꓐꓱ ꓶ ꓚꓲ ꓛꓬ ꓠꓬ ꓟꓽ ꓙꓲ ꓢꓴ ꓟꓽ ꓔꓱꓹ ꓟ ꓬꓰ ꓢꓴ ꓬꓲꓸ ꓫꓷꓹ ꓔꓯ ꓛꓳ ꓟ ꓛꓲ꓾ ꓟꓲ ꓠꓯ ꓞꓳ ꓤ ꓐꓯˍꓟ ꓠꓬ ꓣꓳ ꓪ ꓠꓲꓹ ꓫꓵˍ ꓟ ꓣꓳ ꓬꓰ ꓠꓲꓹ ꓫꓵˍꓟ ꓔꓯ ꓬꓰ ꓔꓬ ꓢꓲ ꓪꓽ ꓡꓯꓼ ꓘꓳ ꓟ ꓥ ꓡꓳ= ꓖꓳ ꓡꓱ ꓔ ꓟ ꓪꓴꓸ ꓠꓬ ꓣꓳ ꓙꓲˍ ꓟ ꓚꓱꓹ ꓗꓪ ꓔꓱ ꓔꓱꓹ ꓙꓻ ꓫꓱꓽ ꓐꓯ ꓠꓬ ꓙꓲˍ ꓟ ꓠꓲꓹ ꓟ ꓙꓳ ꓢꓴ ꓐꓰ ꓜꓲ ꓡꓯꓼ ꓘꓳ ꓡ ꓥꓳ= ꓢꓲ ꓒ ꓬꓰ-ꓢꓴ ꓡꓰ ꓐꓯ ꓔ ꓟ ꓠꓬ ꓟꓲ ꓠꓯ ꓞꓳ ꓤ ꓮ ꓙꓵꓽ ꓔꓯ ꓠꓴ ꓐꓰ ꓐꓯ ꓔ ꓡꓳ= ꓝꓮꓲ ꓟ ꓝꓲ ꓣꓳ ꓔꓯ ꓢꓰꓼ ꓐꓰ ꓬꓰ ꓢꓴ ꓔꓯ ꓥ ꓟꓲ ꓙꓲˍꓟ ꓠꓲꓹ ꓟ ꓡꓰ ꓣꓱꓽ ꓢꓲ ꓠꓬꓲ ꓬꓲꓸ ꓚꓱꓹ ꓖꓳ ꓟꓳꓸ ꓖꓶ=ꓖꓳ ꓡꓰ ꓐꓯ ꓥ ꓟꓲ ꓟ ꓙꓲˍ ꓟ ꓔꓯ ꓠꓬ ꓕꓽ ꓬꓰ ꓪ ꓡꓰ ꓝꓲ= ꓟ ꓙꓲˍꓟ ꓬꓰ ꓢꓴ ꓔꓯ ꓥ ꓟꓲ ꓕꓽ ꓪ ꓐꓰ ꓐꓯ ꓠꓲꓹ ꓫꓵˍ ꓟ ꓥ ꓡꓳ= ꓢꓲ ꓒ ꓬꓰ-ꓢꓴ ꓠꓬ ꓬꓲ ꓤ ꓬꓲ ꓠꓱ ꓐꓴ ꓔꓯ ꓟꓽ ꓙꓲˍ ꓙꓵꓽ ꓧꓶꓽ ꓡꓰ ꓐꓰ ꓗꓹ ꓟ ꓓꓵꓽ ꓙ ꓚꓱꓹ ꓥꓳꓽ ꓡꓰ ꓡ ꓟ ꓔꓯ ꓮ ꓘꓶꓸ ꓙ ꓫꓸ ꓔꓬ ꓟ ꓥ ꓡꓳ= ꓖꓳ ꓟ ꓪꓴꓸ ꓠꓬꓲ ꓧꓪꓸ ꓛꓵꓽ ꓢꓲ ꓔꓬ ꓐꓰ ꓮ ꓕꓯ ꓥ ꓟꓲ ꓬꓲꓸ ꓚꓱꓹ ꓖꓳ ꓟꓳꓸ ꓖꓶ ꓔ ꓟ ꓥ ꓡꓳ= ꓣꓳ ꓓꓵꓽ ꓙ ꓚꓱꓹ ꓟꓬꓱꓽ ꓬꓰ ꓚꓱꓹ ꓪ ꓡꓯꓼ ꓘꓳ ꓓꓴ ꓚꓱꓹ ꓮ ꓙꓵꓽ ꓔꓯ ꓤ ꓟꓳ ꓢꓲ꓾ ꓙꓲˍ ꓟ ꓚꓱꓹ ꓗꓪ ꓐꓰ ꓢꓯꓼ ꓕꓵꓼ ꓙꓻꓫꓱꓽ ꓓꓴ ꓬꓰ ꓡꓯ=