ꓠꓵ ꓠꓲ, ꓟꓬꓱꓽ ꓬꓰ ( Reflection)

ꓬꓲꓼ ꓤ ꓠꓬꓲ ꓤ ꓐꓴ‐ꓳ꓾ ꓟꓲ ꓠꓯ ꓕꓱ ꓟ ꓗꓪ ꓣꓳꓽ ꓮ ꓫꓵꓽ ꓑꓶ. ꓓꓴ ꓢꓯꓼ ꓟꓬꓺ ꓗꓳ. ꓔꓬ, ꓡ ꓐꓯ ꓟ ꓔꓯ ꓓꓵꓽ ꓙ ꓠꓬꓲ ꓗꓳ. ꓡ? ꓥꓪ ꓠꓬ ꓮ ꓫꓵꓽ ꓑꓶ. ꓓꓴ ꓟꓲꓺ ꓠꓯ ꓕꓱ ꓟ ꓗꓪ ꓢꓯ. ꓓ ꓡ ꓐꓯ ꓟ ꓓꓵꓽ ꓙ ꓠꓬꓲ ꓗꓳ. ꓡ? ꓡ  ꓞꓳ ꓮ ꓟꓬ ꓠꓬ ꓕꓱ ꓠꓺ ꓠꓬꓲ ꓘꓶꓽ ꓕꓱ ꓟ ꓔꓯ ꓮ ꓘꓶ. ꓟꓽ ꓠꓺ ꓠꓬꓲ꓿

ꓠꓬꓲ. ꓠꓬꓲ ꓢꓲ ꓫꓬ ꓕꓳ ꓶ ꓥ ꓟ ꓟ‐ꓘꓳ 12ꓽ28‐34 ꓗꓪ ꓢꓲ ꓒ ꓬꓰ‐ꓢꓴ ꓠꓬ ꓣꓳꓽ ꓔꓯ ꓫꓬꓽ ꓫꓬꓽ ꓡꓰ ꓐꓯ ꓔ ꓖꓶꓽ ꓡꓳ꓿ ꓣꓳ ꓠꓬ ꓪꓴ‐ꓢ ꓔꓯ ꓕꓲꓽ ꓠꓲ, ꓟ ꓡꓱ.ꓼ ꓕꓲꓽ ꓙ ꓠꓲ, ꓡꓱ. ꓠꓲ, ꓠꓵ ꓠ, ꓟ ꓐꓰ ꓣꓳꓽ ꓠꓶ ꓛꓳ ꓕꓲ ꓛꓳ ꓔꓯ ꓣꓳꓽ ꓖꓳ ꓓꓱˍ ꓐꓰ ꓕꓲꓽ ꓡꓰ ꓐꓰ ꓠꓲ, ꓠꓵ ꓠ, ꓟ ꓥꓳ꓿

ꓟꓲꓺꓠꓯ ꓕꓱ ꓟ ꓠꓬ ꓕꓲꓽ ꓠꓬꓲ ꓙꓳˍ ꓠꓬ ꓮ ꓙꓵꓽ ꓟꓶꓽ ꓬꓰˍ ꓥꓳ꓿ ꓖꓳ ꓡꓱ ꓥˍ ꓟꓲ ꓠꓵ, ꓠꓲ ꓠꓬ ꓟꓽ ꓟꓶꓽ ꓬꓰ꓿ ꓙꓵ ꓠꓲ,꓾ ꓥꓳ ꓡꓳ. ꓓꓴ ꓐꓰ ꓠꓵ, ꓠꓲ꓾ ꓕꓱ ꓡꓱ ꓫꓵꓽ (3) ꓫꓵꓽ ꓟ ꓗꓪ ꓠꓵ ꓠꓲ, ꓡꓰ ꓙꓰ ꓓꓰˍ ꓥꓳ꓿ ꓙꓵ ꓠꓲ, ꓥˍ ꓟꓲ꓾ ꓟꓶꓽ ꓬꓰˍ ꓥꓳ꓾ ꓥꓳ ꓡꓳ. ꓓꓴ ꓥˍ ꓟꓲ ꓟꓶꓽ ꓬꓰ ꓥꓳ꓿ ꓮ ꓡꓰ ꓐꓰ ꓟꓶꓽ ꓬꓰ ꓡ? ꓣꓳꓽ ꓠꓬ ꓪꓴ‐ꓢ ꓔꓯ ꓒꓬꓱꓽ ꓔꓳ, ꓟꓬꓺ ꓔꓳ, ꓟꓳ ꓡꓯ ꓘꓳ ꓪ ꓟ ꓦꓬꓼ ꓠꓬꓲ ꓛꓲ ꓡ ꓕꓯ ꓙꓵ ꓠꓲ, ꓠꓬ ꓣꓱꓽ ꓟ ꓬꓯꓼ ꓓ‐ꓳ꓾ ꓥꓳ ꓡꓳ. ꓓꓴ ꓥˍ ꓟꓲ ꓟꓽ ꓛꓵ ꓳ꓾ ꓠꓵ ꓠꓲ, ꓡꓰ ꓕꓶ ꓞ ꓥꓳ꓿

ꓖꓳ ꓡꓱ ꓠꓬꓲ ꓣꓳꓽ ꓐꓳ ꓶ ꓠꓬ ꓠꓵ ꓠꓲ, ꓡꓰ ꓥꓳ꓿ ꓣꓳꓽ ꓮ ꓡꓰ ꓢꓷ. ꓔ ꓮ ꓡꓰ ꓕꓲꓽ ꓒꓳ, ꓟ ꓐꓰ ꓣꓳꓽ ꓮ ꓡꓰ ꓗꓴ. ꓔ ꓮ ꓡꓰ ꓕꓲꓽ ꓒꓳ ꓟ ꓪꓴ‐ꓢ ꓔꓯ ꓠꓲ, ꓠꓵ ꓠ, ꓟ ꓥꓳ꓿ ꓠꓴ ꓠꓬ ꓪꓴ‐ꓢ ꓔꓯ ꓠꓲ, ꓠꓵ ꓠ, ꓟ ꓞꓳ ꓐꓳꓺ ꓥ ꓟꓽ ꓛꓵ꓾ ꓢꓷ. ꓠꓲ, ꓙꓳ ꓟꓽ ꓛꓵ꓾ ꓠꓲ, ꓟ ꓕꓲꓽ ꓟ ꓡꓰ ꓣꓱꓽ ꓞ ꓡꓳ꓿ ꓣꓳꓽ ꓛꓳ ꓒꓯ ꓛꓳ ꓤ ꓔꓯ ꓠꓲ, ꓠꓵ ꓠ, ꓟ ˍ ꓟꓲ ꓕꓱ ꓡꓱ ꓥꓳ꓿

ꓕꓲꓽ ꓑ ꓤ ꓔꓬ, ꓟ ꓟꓲꓺ ꓠꓯ ꓗꓪ ꓠꓵ, ꓠꓲ ꓟꓬꓱꓽ ꓗꓪ ꓐꓰ ꓗꓳ. ꓙꓰ ꓠꓬ ꓣꓳꓽ ꓐꓱ ꓶ ꓙꓲ ꓖꓴ ꓟꓽ ꓙꓳ꓿ ꓖꓳ ꓡꓱ ꓠꓬꓲ ꓠꓬꓲ. ꓠꓬꓲ ꓣꓳꓽ ꓬꓰˍ ꓟ꓾ ꓣꓳꓽ ꓓꓵꓽ ꓙˍ ꓟ ꓮ ꓙꓵꓽ ꓗꓪ ꓠꓵ, ꓠꓲ ꓧꓳꓽ ꓢꓲ ꓢꓯꓼ ꓕꓵꓼ ꓙꓰ ꓡꓯ꓾

ꓫ ꓟꓳ꓿